Kolossiko lạgitʼ Pạul Apostolakʼ ciṭhi 2:15 - সান্তালী বাইবেল

¹⁵ Uni do sanam bạṛicʼ rajosṭiko ar ektiạriankoakʼ daṛeye cabaketʼtakoa. Nonkate uni do Mạsiyakʼ kurus hotete onko cetanreye jitạuena ar jotoko samaṅre onkoe bemanot ocoketʼkoa.

Santali Common Language New Testament

¹⁵ Uni do sanam bạṛicʼ rajosṭiko ar ektiạriankoakʼ daṛeye cabaketʼa. Nonkate uni do Mạsiakʼ krus hotete onko cetanreye jitạuena ar jotoko samaṅre onkoe bemanot ocoketʼkoa.

Kolossiko lạgitʼ Pạul Apostolakʼ ciṭhi 2:15 Referans Kwoze

Ibriko 2:14

Onko gidrạko doko hoyokʼ kana mãyãm ar jelren manwage. Onate Jisu acʼtetʼ hõ jel ar mãyãmren manwae hoyena, jemon gujukʼ reakʼ daṛe okoeyakʼ tire menakʼ uni Soetan do acʼakʼ gujukʼ hoteteye bhagaoe.

Ephesiko lạgitʼ Pạul Apostolakʼ ciṭhi 4:8

Onatege sonot sostorreye meneda, Uni do sermateye rakapʼenre, lạṛhại kạidikoe kạidi idiketʼkoa, ar manwako aema dane ematʼkoa.

Mathae 12:29

“Daṛe menakʼtae hoṛ do pạhilre baṅ tol maṛaṅ lekhan uni oṛakʼre bolokate cetʼ jãhãe uniyakʼ jiniskoe luṭ daṛeketaea? Menkhan uniye tol maṛaṅ lekhan doe daṛeakʼgea.

Jesaea 53:12

Ona iạte iń do napṛakʼko talareń bakhrawaea ar uni do daṛeanko tulucʼ luṭakʼkoe bakhra joṅa, ente uni do gujukʼ hạbicʼ jiwiye alaeketʼtaea. Uni do kạiyanko tulucʼe lekha mitʼena; uni do ḍher hoṛkoakʼ kạiye gokʼ idikeda ar ghạghạṭko ńutumteye arojkeda.

Ephesiko lạgitʼ Pạul Apostolakʼ ciṭhi 6:12

Aboakʼ noa lạṛhại do jãhãe manwa upạrte do baṅkana, bickom ona do ńut rajosṭi reakʼ joto lekan cakʼlaoko ar ektiạrianko upạrte, ńut dhạrtiren daṛean jiuko upạrte, ar coṭren joto bạṛicʼ jiuko upạrte.

Johan 16:11

Bicạr reaṅ hõ cehaonae emokʼa, ente dhạrtiren rajakʼ bicạr do hoyakana.

Luk 10:18

Jisui metatʼkoa, “Soetan do serma khon bijli leka ńurokʼkaniń ńel akadea.

Johan sodor 20:10

Ar okoe onko eṭakʼ horteye bulạu idiletʼko tahẽkan uni Soetan do jolokʼkan gondhok reakʼ doreãoreye khadle ocoyena. Uni janwar ar eṛe nạbi do laharege onḍekin khadle ocoakan tahẽkana. Onko do onḍe jaejug hạbicʼko sasetokʼa.

Sereńko 68:18

Tinre am do sermatem rakapʼena unre lạṛhại kạidikom idiketʼkoa. Ar hoṛko talare, teṅgo daramko talare tahen jokhecʼ am ṭhen do ạḍi utạr dan hecʼlena, jemon am do, E Probhu Isor, onko talarem tahẽ daṛeakʼ.

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Kolossiko lạgitʼ Pạul Apostolakʼ ciṭhi 1:16

Ente sermare ar otre, oka ńelokʼkan ar oka baṅ ńelokʼ kan, jotowakʼge uni hotete sirjạu akana. Siṅghạsonkoge cetʼ, rajosṭikoge cetʼ, baṅ do rajkoge, baṅ do ektiạriankoge sanamakʼ do uni hotete uni lạgitʼge sirjạu akana.

Luk 11:22

Menkhan uni khon ḍher daṛeanicʼ jãhãe hecʼkate uniye bhagao lekhan enḍekhan okako khanḍa bhanḍareye bhorsakʼkan tahẽkan, onakoe recʼ ocokʼa ar uni eṭakʼ hoṛ do luṭakʼ jiniskoe hạṭińtaea.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiyakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

Johan sodor 12:9

Unre uni maraṅ okocʼ biń ar uniren soṅgeten goḍetko do dhạrtiteko lebda ńur ocoyena. Nui biń doe hoyokʼ kana uni mare bińge okoe do Diabol Soetanko metaekan. Uni do dhạrtiren sanam hoṛko bhul horteye idiyetʼkoa.

Johan 19:30

Jisu sirkại ńamketʼ khane menkeda, “Purạu akana.” Ar ona tayom do bohokʼe kuḍburketʼte jiwiye jimạketʼtaea.

1 Korinthiko 15:24

Ona tayom Mạsi do sanam raj calao ar sanam ektiạri ar daṛeye maraote Isor Babawakʼ tire rajosṭiye jimạkakʼa ar unrege mucạdokʼa.

2 Korinthiko 2:14

Isoriń sarhaoede kana, Mạsi tulucʼ bon mitʼ akante ar Isor do acʼakʼ jitạuakʼre jaogeye ạyuretʼbon kana. Mạsi baḍaeye do mitʼṭecʼ mahkaokʼkan so leka. Isor do acʼakʼ jitạuwakʼre ona jut so ale hotete sanam jaegareye mahkao ocoyeda.

Ephesiko lạgitʼ Pạul Apostolakʼ ciṭhi 3:10

Uni doe onkaleda jemon Mạsiyakʼ manḍer hotete sermaren sanam cakʼlaoko ar ektiạrianko ṭhen aema lekate sodor akan Isorakʼ akel ńitokʼ sodorokʼ.

Kolossiko lạgitʼ Pạul Apostolakʼ ciṭhi 2:10

Uni do serma cetanren sanam cakʼlaoko ar ektiạrikoren matha kanae.