Kolossiko lạgitʼ Pạul Apostolakʼ ciṭhi 2:12 - সান্তালী বাইবেল

¹² Bạptisma hotete Mạsi tulucʼpe topa ocoakana; ona do baṅ, menkhan okoe gocʼko khon Mạsiye jiwetʼ beretʼkede uni Isorakʼ daṛere pạtiạu hotete ape hõ Mạsi tulucʼpe jiwetʼ beretʼ ocoakana.

Santali Common Language New Testament

¹² Bạptisma hotete Mạsi tulucʼpe topa ocoakana; ona do baṅ, menkhan okoe gocʼko khon Mạsiye jiwetʼ beretʼkede uni Isorakʼ daṛere pạtiạu hotete ape hõ Mạsi tulucʼpe jiwetʼ ocoakana.

Kolossiko lạgitʼ Pạul Apostolakʼ ciṭhi 2:12 Referans Kwoze

1 Patras 3:21

Noa do hoyokʼ kana bạptisma reakʼ mitʼṭecʼ nạmuna one okaṭakʼte ńitokʼe bańcaope. Bạptismate apeakʼ hoṛmo khon mạilại ocokʼ giḍi daṛeakʼa ona do baṅ; Isor ṭhen noa do mitʼṭecʼ bhage bibek reakʼ hohokana. Ape do Jisu Mạsiyakʼ gujukʼ ar jiwetʼ beredokʼ hotetepe bańcao ocoakana.

Galathiko lạgitʼ Pạul Apostolakʼ ciṭhi 3:27

Ente tinạkʼ hoṛ Mạsirepe bạptis akan, ape do kicricʼ leka Mạsipe horokʼ akawana.

Aposkạmi 2:24

Menkhan Isor do gujukʼ reakʼ bedon khon khalaskate uniye jiwetʼ beretʼkedea, ente uni sapʼ dohoye reakʼ ektiạri gujukʼakʼ do bạnukʼtaea.

Ephesiko lạgitʼ Pạul Apostolakʼ ciṭhi 3:17

ar biswạs hotete Mạsi do apeakʼ monre purạte girobas akane tahen. Iń do arhoń koeyeda jemon Mạsiyakʼ dulạṛre rehetʼ ar bạisạu akanpe tahen,

Romiko lạgitʼ Pạul Apostolakʼ ciṭhi 4:24

aboko lạgitʼ hõ olakana. Biswạs iạte Isor do abo hõ dhorom menteye lekha bona, ente aboren Probhu Jisu gocʼko khon okoeye jiwetʼ beretʼkede, abo do unirege bon pạtiạu akana.

Ephesiko lạgitʼ Pạul Apostolakʼ ciṭhi 4:5

mitʼṭen Probhu Isorge menaea, mitʼ patiạuge menakʼa, ar mitʼ bạptismage menakʼa,

Ephesiko lạgitʼ Pạul Apostolakʼ ciṭhi 2:8

Ente dayatepe bańcao akana biswạste. Ar ona do ape khonakʼ do baṅ, ona do Isorakʼ dan kana.

1 Korinthiko 15:20

Menkhan Mạsi do sạriyakʼge gocʼko khone jiwetʼ beretʼ ocoakana; ar gocʼko modren unikangeae pạhilicʼ jo do.

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte kurusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Ibriko 6:2

eṭakʼakʼ bạptisma reaṅ cecetʼakʼ, capo reakʼ, gocʼko jiwetʼ beredokʼ ar jaejug reakʼ sạjại; noako etohopʼ reakʼ kathate arhõ nãwãte jemon rehetʼ alo bon bạisạu.

Philipiko lạgitʼ Pạul apostolakʼ ciṭhi 1:29

Ape do eken Mạsirepe biswạs akante dayape ńam akada ona do baṅ, menkhan ona lạgitʼ duk jojom reakʼ daya hõpe em ocoakana.

Ephesiko lạgitʼ Pạul Apostolakʼ ciṭhi 5:14

ente marsalge jotowakʼe sodoreda. Onate sonot sostorre olakana, “Ebhenokʼme E jạpitʼ akatʼicʼ, ar gocʼko khon beretʼme; khan Mạsiye marsalama.”

Ephesiko lạgitʼ Pạul Apostolakʼ ciṭhi 3:7

Isor do acʼakʼ maraṅ daṛete okaṭakʼe daya akadiń ona daya reakʼ dan lekate uni do bhage sombat porcar lạgitʼ kạmiye emakawạdińa.

1 Korinthiko 12:13

Abon do baṅ dobon Jihudikan, baṅ dobon boṅgan hoṛ jạtrenkokan, baṅ dobon golamko kan, baṅ dobon sạdhinko kan, jotoge ini mitʼ sonot Jiu hotete bon bạptis akana; ar jotokoge ini sonot Jiuge bon ńam akadea.

Romiko lạgitʼ Pạul Apostolakʼ ciṭhi 7:4

Ṭhik onkage E ińren boehako, Mạsiyakʼ hoṛmo secʼte ar Moseyakʼ ạn-ạri lekate ape hõpe gocʼena. Onate ape do okoe gocʼko khone jiwetʼ beretʼ ocoakan uni Jisu Mạsiren hoṛpe hoyakana, jemon apeakʼ jion do Isor lạgitʼ jo baha daṛeakʼ.

Aposkạmi 14:27

Ado Antiokiạtekin seṭeren khan unkin do manḍerren sanamko mitʼ ṭhenkin jarwaketʼkoa ar Isor ạkin hotete okakoe kạmiketʼ ona sanamakʼ kin lạiyatʼkoa. Ar cetʼlekate Isor do boṅgan hoṛ jạtrenko Mạsire biswạs reakʼ duạre jhicʼ akawatʼko ona reakʼ hõkin lạiyatʼkoa.

Luk 17:5

Onko gelbar apostolko do Probhuko metadea, “Aleakʼ biswạs baṛe bạ̃ṛti kataleme.”

Aposkạmi 2:32

Uni Jisuge Isor doe jiwetʼ beretʼkedea, ar ale do sanamkoge uniren gohako kanale.

Kolossiko lạgitʼ Pạul Apostolakʼ ciṭhi 1:29

Ar noa monsubạge Isorakʼ oka maraṅ daṛe ińreye kạmikan ona daṛe lekate iń do ạḍitetʼ iń khaṭaokʼ kana.

Kolossiko lạgitʼ Pạul Apostolakʼ ciṭhi 2:13

Kại ar bin khatna iạte ape do gocʼgepe tahẽkana, menkhan Isor do Mạsi sãoteye jiwetʼketʼpea. Uni do aboakʼ joto ghạṭkoe ikạketʼ tabona,