Kolossiko lạgitʼ Pạul Apostolakʼ ciṭhi 1:28 - সান্তালী বাইবেল

²⁸ Ale do uni Mạsi reaṅle porcareda, metakʼme Isorakʼ asambheṛ akel salakʼ mimitʼ hoṛle sontoretʼkoa arle cetʼako kana, jemon Mạsi hotetele purun daṛeako.

Santali Common Language New Testament

²⁸ Ale do uni Mạsi reaṅle porcareda, metakʼme Isorakʼ asambheṛ akel salakʼ mimitʼ hoṛle sontoretʼkoa arle cetʼako kana, jemon Mạsi hotetele purun daṛeako.

Kolossiko lạgitʼ Pạul Apostolakʼ ciṭhi 1:28 Referans Kwoze

Jirimiạ 3:15

Ar ona tayom do ińakʼ kusi leka gukʼpikoń emapea; onko do ạkil ar bud salakʼko calaopea.

Mathae 5:48

Onate aperen sermaren Baba cetʼlekae khạṭige, onkage ape hõ khạṭi hoyokʼpe.

Kolossiko lạgitʼ Pạul Apostolakʼ ciṭhi 3:16

Mạsiyakʼ katha apeakʼ ontorre purạte girobas ocowakʼpe. Isorakʼ akelte lại cecetʼ ar sipikhạukʼpe, sereńko, sarhao sereńko ar Jiuteakʼ õṛhẽyakʼkote apeakʼ ontorre Isor gun manao tulucʼ sereńaepe.

1 Korinthiko 2:6

Okoeko Mạsiyakʼ Jionreko hara sạbit akan onko ṭhen do akel reakʼ kathagele roṛeda; menkhan ona akel do noa dhạrti reakʼ baṅkana, se noa jugren mukhiyạkoakʼ hõ baṅkana one okoe doko parom calakʼko kan;

Kolossiko lạgitʼ Pạul Apostolakʼ ciṭhi 1:22

Menkhan Mạsiyakʼ gujukʼte uniyakʼ hoṛmo hotete Isor do ńitokʼ acʼ tulucʼe mitʼ akatʼpea, jemon uni do sonot, niphuṭ ar bin dusạnko mente acʼ samaṅreye teṅgo ṭarhao ocope.

2 Korinthiko 11:2

Iń do ape lạgitʼ ińakʼ ontorre Isor reakʼ khạndri ãṭteń ãṭokʼkana, ente iń do eken mitʼṭen jãwãe tulucʼ, metakʼme Mạsi tulucʼge apeakʼ bapla reaṅ iń ṭhik dohoakada, jemon niphuṭ kũạ̃ri kuṛi leka uni tireń jimạ daṛeape.

2 Korinthiko 4:5

Ale apnar reaṅ do bale porcareda, bickom Jisu Mạsi doe Probhu kana mentele porcarede kana ar Jisu lạgitʼge aperen golamle hoyakana.

Aposkạmi 20:31

Onate ape do sontor akae tahenpe. Disạipe, iń do pe bochor khon siń ńindạ mẽtʼ dakʼ joro joroteń sontor akatʼpea, ar tisge bạń thirakana.

Aposkạmi 8:35

Unre Philip do sonot sostor reakʼ ona hạṭiń khon ehopʼkate uni ṭhen Jisu reaṅ bhage sombate porcarkeda.

Ibriko 10:14

ente Isorakʼ monsubạ lekate okoeko begar ocoakan ona mitʼṭen dãṛẽ hotete uni do jaejug hạbicʼ onkoe sạbit ocoakatʼkoa.

1Timothi 3:2

Onate manḍer ạyuricʼ do nonkanicʼ hoyokʼ jạruṛa jemon okoe hõ uni do aloko dusi daṛeae. Uniren do mitʼṭen erae tahentaema. Uni do sote ar apnarte sambṛaokʼicʼ ar bhage bud akel tahen jạruṛtaea. Uni do soṛa ar pekʼṛayicʼ hoyokʼ jạruṛtaea. Ar eṭakʼko cetʼako reakʼ daṛe hõ tahen jạruṛtaea.

Kolossiko lạgitʼ Pạul Apostolakʼ ciṭhi 2:10

Uni do serma cetanren sanam cakʼlaoko ar ektiạrikoren matha kanae.

1 Korinthiko 12:8

Adom adom hoṛ do uni sonot Jiu hotete akel reakʼ kathako roṛeda.

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

2 Korinthiko 10:14

Onate apeakʼ katha iạtele sarhaokʼre simạnạ bahre do cetʼhõ bale roṛeda. Ar ape ṭhen bale senlen khan aleakʼ nonkan sarhaoakʼ do simạ bahre hoykokʼtalea. Menkhan ale do Mạsi reaṅ bhage sombat porcar porcarte ape ṭhenhõle senlena.

1 Korinthiko 15:12

Mạsi gocʼko khone jiwetʼ beretʼ ocoakan khan enḍekhan ape modren adomko do cekateko meneda gocʼkoakʼ jiwetʼ beredokʼ do bạnukʼ anaṅ?

1 Korinthiko 1:30

Jisu Mạsi tulucʼpe mitʼakan ona do Isor khonge hoyakana. Jisu Mạsige abo lạgitʼ Isor ṭhen khone emakan akel do; unige aboren dhoromicʼ, sonoticʼ ar chakʼḍaoicʼ.

Luk 21:15

ente iń do nonkan katha ar nonkan akeliń emapea, onape roṛ ruạṛakore aperen bạiriko do cetʼhõ bako roṛ daṛeakʼa, ar onahõ bako baṅ daṛeakʼa.

1 Korinthiko 2:15

Okoe hoṛ doe Jiutenicʼkan uni do jotowakʼkoe tojbijeda, menkhan okoe hõ uni do bako tojbij daṛeaea.

1 Korinthiko 1:23

menkhan ale do kuruslen Jisu Mạsiyakʼ kathale porcareda. Ona katha Jihudiko ṭhen do mitʼṭecʼ tạkicʼakʼ kana ar boṅgan hoṛ jạtrenko ṭhen do lelhawakʼge,

Romiko lạgitʼ Pạul Apostolakʼ ciṭhi 16:25

Jisu Mạsi reaṅ oka bhage sombat iń porcaretʼkan ona bhage sombat hotete ṭarhao dohope reakʼ daṛe do Isorakʼ menakʼgetaea. Ar ḍher jug hạbicʼ Isor do acʼakʼ okoakʼko reaṅ okoege bae lại akawatʼkoa,

Aposkạmi 17:3

Uni doe bujhạuatʼkoa are sạbudkeda je, Mạsi do duk jojom ar gocʼko khon jiwetʼ beredokʼ reakʼ jạruṛ tahẽkantaea. Uni doe metatʼkoa, “Ape ṭhen okoe Jisu reakʼ kathań lạiyetʼkan uni kangeae Mạsi do.”

Aposkạmi 10:36

Isor do Israelko ṭhen noa bhage sombate kolletʼ tahẽkana je, Jisu Mạsi, one okoe do sanamkoren Probhu Isorkan, uni hotetege suluk do ńamokʼa mente.

Aposkạmi 9:20

Ona tayom uni do bin bilomte eṭakʼ eṭakʼ sunạgogkore noa menkate porcare ehopʼena je, Jisu kangea Isorren Hopon do.

Aposkạmi 8:5

Un jokhecʼ Philip do Samariạ disạm reakʼ mitʼṭecʼ nagrahate senkate Mạsi reaṅe porcarkeda.

Aposkạmi 5:42

Onko do jaoge mundilre ar oṛakʼ oṛakʼ senkate cetʼakoko ehopʼena ar Jisuge Mạsi kanae mente noa bhage sombat porcar iditegeko tahẽyena.

Aposkạmi 3:20

Ar ona iạte jemon Isor do uni Mạsi, metakʼme Jisui kol apeteye cerṭha ocope. Ente ape lạgitʼge uni doe bachao ocoakana.

Mark 6:34

Jisu lạukạ khone pheḍen khan gadel hoṛe ńelketʼkoa. Ar hoṛkore mãyã hecʼadea, ente onko do gupiyicʼ begor bhiḍi lekako tahẽkana. Ar Jisu do ạḍi okocʼakʼko reaṅ cetʼakoe ehopʼena.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Mathae 3:7

Ar ạḍi utạr Phạrusiko ar Sạdukiko hõ bạptisokʼ lạgitʼ acʼ ṭhen hijukʼkane ńelketʼkoa. Uni doe metatʼkoa, “Eya kạrinạṅgin hoponko, Isorakʼ daraekan sạjại khon ńir pharakokʼ lạgitʼ do okoeye cetaoketʼpea?

Jirimiạ 6:10

Okoeyiń galmaraoakoa ar okoeyiń sontorkoa jemon ińakʼ kathako ańjomtiń? Onkoakʼ lutur do tepetʼgete bako ańjom ńameda. Probhu Isorakʼ katha onko lạgitʼ do mitʼṭecʼ henostage hoyakana; onare jãhãn rạskạge bako ńameda.

Sosolhayic̕ 12:9

Sosolhayicʼ do ạkilan hoṛe tahẽkana ar hoṛko hõ bidiyại cetʼ idiwatʼkoa. Uni do hudis ar biḍạu aṭkarkate ạḍi utạr kạhtukkoe gathao galaṅkeda.

Kạhtukko 8:5

Lelha hoṛ do, budan hoyokʼ lạgitʼ ạkilko hameṭ joṅa; ar khaṭo bujan hoṛ hõ ạkilko hameṭ joṅa.

Dosar Biboron 4:5

“Ińren Probhu Isorakʼ hukum bataokate ape hõ ạn-ạrikoń cetʼ akawatʼpea; jemon oka disạm ạidạri lạgitʼpe calakʼkan ona disạmre onape manao daṛeakʼ. Ar joton salakʼ onakope manao idiy.

2 Patras 3:15

Disạipe, manwako kại khon bańcaoko ńam lạgitʼ aboren Probhu Isor doe sombhuriyeda. Ar inạ mitʼ kathage aboren dulạṛiạ boeha Pạul hõ Isore emakade akelte apeye olatʼpea.

Ibriko 13:21

Okaṭakʼ bhageakʼ kan onate uni do acʼakʼ monejoṅ leka calakʼ lạgitʼ apeko purạteye sạbit utạrpe ma. Uniyakʼ mẽtʼãhã samaṅre okaṭakʼ bhageakʼkan Jisu Mạsi hotete aboakʼ ontorre uni do onageye kạmi ma. Jaejug hạbicʼ Isorakʼ ṭhonokʼ hoyokʼtae ma. Amen.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

1 Thessalonikikko 4:6

Noa babotre okoe hõ jemon jãhãe boeha behok lekate aloe ṭhokaye. Ale do laharegele lại akatʼpea arle sontorakatʼpea, noako behokakʼ iạtege Probhu Isor doe sạjạipea,

1 Korinthiko 4:14

Lajao ocope lạgitʼ do bạń oletʼ kana, bickom ińren dulạṛiạ gidrạko leka sontorpe lạgitʼgeń oleda.

Aposkạmi 13:38

Onate E ińren boehako, ape do baḍae joṅpe, Jisu hotetege ape ṭhen kại reakʼ ikạ ńam reaṅ jạhirokʼ kana.

Aposkạmi 11:20

Menkhan onko modre adomko do Antiokiạte senkate Junạni pạrsiren hoṛko ṭhen hõ Probhu Jisu reaṅ bhage sombat porcarko dhurạuena. Noko do Kupros dip ar Kurene nagraharen hoṛko tahẽkana.

Jeheskel 7:10

“Ńelpe, din do hecʼena! Ona do seṭerakana! Sorbonas do oḍokʼ hecʼakana, ṭheṅgare baha bhoṭokʼ akana, bạḍại reakʼ baha do saṛ akana.

Aposkạmi 17:18

Unre Epikuri ar Stoik ponḍitko modren adomko do Pạul tulucʼ reṭepeṭekʼko ehopʼena. Onko modren adomkoko menkeda, “Nui galbạjạriạ do cetʼe menetʼkana?” Arhõ eṭakʼko doko menkeda, “Uni do pasecʼ ạnạ̃ṛi boṅgako reakʼ kathae porcareda.” Onko do noa iạtegeko menkeda, ente Pạul do Jisu reaṅ ar gocʼko khon jewetʼ beredokʼ reaṅe porcarako kan tahẽkana.

Esra 7:25

E Esra, Isor reaṅ amakʼ oka ạkil menakʼ ona lekate am do phurạt gaḍa pạchim aṛeren sanam hoṛko bicạrko lạgitʼ nonkan kạmiyạko ar bikʼcạrkom bahalkoa okoe do amren Isore emakan ạn-ạriko baḍae. Ar okoe ona bako baḍae onko do onape cetʼakoa.

Kolossiko lạgitʼ Pạul Apostolakʼ ciṭhi 2:3

Mạsirege sanam lekan bud ar akelko do oko menakʼa.

Kolossiko lạgitʼ Pạul Apostolakʼ ciṭhi 4:12

Epaphrase hõe joharape kana. Uni do aperen hoṛko modren mitʼ hoṛkanae ar uni do Jisu Mạsiren golamge. Uni do siń sạṭupʼ ape lạgitʼe koeyeda jemonpe sạbit utạrokʼ ar jotowakʼre Isorakʼ monejoṅakʼ baḍaekate khạṭi akanpe teṅgo ṭarhao daṛeakʼ.