Kolossiko lạgitʼ Pạul Apostolakʼ ciṭhi 1:27 - সান্তালী বাইবেল

²⁷ Isor doe khojkana, boṅgan hoṛ jạtrenko talare hõ uniyakʼ noa sạri okoakʼ reakʼ maraṅ ṭhonok cetʼkana mente, ona jemon acʼren sanam hoṛko baḍae daṛeakʼ. Ona sạriyakʼ do noage, Mạsi do apeakʼ ontorre menaete uniyakʼ ṭhonok ńam reakʼpe as akana.

Santali Common Language New Testament

²⁷ Isor doe khojkana, boṅgan hoṛ jạtrenko talare hõ uniakʼ noa sạri okoakʼ reakʼ maraṅ ṭhonok cetʼkana mente, ona jemon acʼren sanam hoṛko baḍae daṛeakʼ. Ona sạriakʼ do noage, Mạsi do apeakʼ ontorre menaete uniakʼ ṭhonok ńam reakʼpe asakana.

Kolossiko lạgitʼ Pạul Apostolakʼ ciṭhi 1:27 Referans Kwoze

Johan 14:20

Enhilokʼgepe baḍae daṛeakʼa, iń do Babare, ape do ińre ar iń do apere minạńa mente.

Romiko lạgitʼ Pạul Apostolakʼ ciṭhi 8:10

Menkhan Mạsi apeakʼ ontorre menae khan enḍekhan kại iạte apeakʼ hoṛmo gocʼlenre hõ aperen Jiu doe jiwetʼgea, ente Isor do dhorom menteye ataṅ akatʼpea.

1 Johan 4:4

Menkhan E gidrạko, ape do Isorren kanape. Ape do onko eṛeko cetanrepe jitạu akana, ente noa dhạrtire okoe menae, uni khon apeakʼ ontorre menayicʼ doe maraṅgea.

Galathiko lạgitʼ Pạul Apostolakʼ ciṭhi 2:20

Iń do Mạsi tulucʼ iń kurus ocoakana. Onate jiwetʼ do bạnuńa, menkhan Mạsige ińre jiwetʼ menaea. Ar okaṭakʼ hoṛmote jioniń khemaokan ona do Isorren Hoponre pạtiạu hotetegeń khemaoeda. Uni do ińe dulạṛkedeńte acʼ apnartetʼe emena.

1 Korinthiko 3:16

Ape do cetʼ bape baḍaea, ape do Isorakʼ mundil kanape ar Isorren Jiu do apeakʼ ontorreye girobasokʼ kana mente?

Johan sodor 3:20

Ńelme, iń do duạrre teṅgokate silpińiń ṭhopʼ ṭhopʼetʼ kana. Jãhãege ińakʼ aṛaṅ ańjomkate silpińe jhicʼạń, enḍekhan bhitrite uni ṭheniń bolokʼa ar uni tulucʼiń jom ńũiya, ar uni hõ iń tulucʼe joma.

Johan 14:17

Uni sohotʼicʼ kangeae sạriyakʼren Jiu do. Dhạrtiren hoṛko uni do ohoko ataṅ daṛelea, ente onko do ńelhõ bako ńelekana ar baḍae hõ bako baḍae akadea. Menkhan ape dope baḍae akadea, ente uni do ape são sãoteye tahẽkana ar apeakʼ ontorreye girobasokʼa.

Galathiko lạgitʼ Pạul Apostolakʼ ciṭhi 4:19

E ińren gidrạko, Mạsi apere ạuriye muṭhạnokʼ hạbicʼ ape iạte arhõ bedonteń sasetokʼ kana.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

1Timothi 1:1

Iń Pạul do aboren babańcaoicʼ Isor ar Jisu Mạsiyakʼ hukumte apostoliń hoyakana. Ar aboakʼ sanam as do Mạsi Jisurege.

Kolossiko lạgitʼ Pạul Apostolakʼ ciṭhi 2:3

Mạsirege sanam lekan bud ar akelko do oko menakʼa.

Johan 14:23

Jisu do uniye roṛ ruạṛadea, “Jãhãege ińe dulạṛiń uni do ińakʼ kathae dohoya. Ińren Baba do uniye dulạṛea ar uni ṭhen liń hijukʼte uni soṅgeteliń tahena.

2 Korinthiko 6:16

Isorakʼ mundilre boṅga muṭhạnkoakʼ jaega do okare? Aboge coṅ jiwetʼ Isorakʼ tahen oṛakʼkan bon. Sonot sostore meneda, “Iń do ińren hoṛko talareń girobasokʼa, ar onko tulucʼ iń dãṛãna. Iń do onkoren Isorriń hoyokʼa, ar onko do ińren hoṛko hoyokʼa.”

Kolossiko lạgitʼ Pạul Apostolakʼ ciṭhi 3:11

Nonkate boṅgan hoṛ jạtrenko talare se Jihudiko talare, khatna se bin khatna ocoakanko talare, osobbho, nicạṛ jạtrenko, golam se sạdhinko talare jãhãn begar do bạnukʼa; onḍe do Mạsigeye asolicʼ kana ar uni do sanamko talare menaea.

Johan 17:26

Iń do onko ṭheniń sodor akatʼmere hõ arhõń sodormea, jemon cetʼ lekam dulạṛ edeńkan onkan dulạṛ onkoakʼ ontorre tahentako ar iń do jemon onko tulucʼ mitʼ akaniń tahen.

Ephesiko lạgitʼ Pạul Apostolakʼ ciṭhi 2:22

Ape do uni tulucʼgepe kolom mitʼakana ar onate ape hõ mitʼ sãotepe gathao rakapʼ ocokʼkana, jemon sonot Jiu hotete Isorakʼ mundilpe hoydaṛeakʼ.

Johan 6:56

Okoe ińakʼ jele jom ar ińakʼ mãyãme ńũi uni do ińreye tahẽnkana ar iń hõ unire.

Ephesiko lạgitʼ Pạul Apostolakʼ ciṭhi 1:7

Isorakʼ bin mucạtʼ dayate Mạsi tulucʼ bon jopoṛao akante uniyakʼ mãyãm hotete bon chaḍao ocoakana, metakʼme kại reakʼ ikạ bon ńam akada.

Philipiko lạgitʼ Pạul apostolakʼ ciṭhi 4:19

ar noate Isor doe kusikʼkana. Ińren Isor do acʼakʼ ṭhonokte perecʼ dhon lekate Mạsi Jisu hotete apeakʼ joto ṭonṭakoe cabaetapea.

Romiko lạgitʼ Pạul Apostolakʼ ciṭhi 9:23

Arhõ uni do acʼakʼ bin mucạtʼ ṭhonok reakʼ katha hõ baḍae ocokoe menletʼ tahẽkana. Okoe uniyakʼ dayako ńamakatʼ onko do laha khongeye tear akatʼko tahẽkana acʼakʼ ṭhonok ńam lạgitʼ.

Romiko lạgitʼ Pạul Apostolakʼ ciṭhi 5:2

Ńitokʼ Isorakʼ daya reakʼ oka horte bon calakʼkan onḍe do Mạsire pạtiạu iạte bon seṭerakana. Ar Isorakʼ ṭhonok ńam reakʼ aste bon rạskạkʼ kana.

Kolossiko lạgitʼ Pạul Apostolakʼ ciṭhi 1:5

Sermare ape lạgitʼ okaṭakʼ jogao dohoakan ona ńam reakʼ as khonge ape talare noa pạtiạu ar dulạṛ do janam akana. Ar okaṭakʼ bhage sombat, metakʼme sạri katha ape ṭhen seṭer akan ona hotetege ape do noa as reakʼ kathape ańjom akada.

2 Korinthiko 4:17

Ale do ńitokʼ mitʼ ghạṛi lạgitʼ okale dukokʼkan ona khạtirte jaejug ṭhonokle hameṭ joṅa. Noa ṭhonok do nunạkʼge ḍhera je, ona do ohoge soṅlena.

Luk 17:21

Okoe hõ bako mena, ‘Isorakʼ raj do nõkʼõe nonḍe’ se, ‘hane hanḍe,’ ente Isorakʼ raj do aperege menakʼa.”

Mathae 13:11

Uniye roṛ ruạṛatʼkoa, “Ape do serma raj reakʼ okoakʼkope baḍae ocoakana, menkhan onko do baṅ em akatʼkoa.

2 Korinthiko 2:14

Isoriń sarhaoede kana, Mạsi tulucʼ bon mitʼ akante ar Isor do acʼakʼ jitạuakʼre jaogeye ạyuretʼbon kana. Mạsi baḍaeye do mitʼṭecʼ mahkaokʼkan so leka. Isor do acʼakʼ jitạuwakʼre ona jut so ale hotete sanam jaegareye mahkao ocoyeda.

Romiko lạgitʼ Pạul Apostolakʼ ciṭhi 11:33

Isorakʼ dhon do asambheṛgea. Uniyakʼ bud ar akel hõ khạndrińgea. Uniyakʼ bicạr ar sanam kạmiko do oho ḍunḍhạulena.

Romiko lạgitʼ Pạul Apostolakʼ ciṭhi 2:4

Am do Isorakʼ asambheṛ daya, sahao daṛe ar soborim neṅghaoetʼtaea. Am dom hiṛiń akada, Isorakʼ noa daya do kại khone ạcur ruạṛetʼmea mente.

Ibriko 6:19

Noa as do aboakʼ jionre loṅgor leka khạṭi ar kajakgea, ar ona do sonot jaega reakʼ orwal tayomre, metakʼme Isor samaṅre seṭerokʼa.