Kolossiko lạgitʼ Pạul Apostolakʼ ciṭhi 1:16 - সান্তালী বাইবেল

¹⁶ Ente sermare ar otre, oka ńelokʼkan ar oka baṅ ńelokʼ kan, jotowakʼge uni hotete sirjạu akana. Siṅghạsonkoge cetʼ, rajosṭikoge cetʼ, baṅ do rajkoge, baṅ do ektiạriankoge sanamakʼ do uni hotete uni lạgitʼge sirjạu akana.

Santali Common Language New Testament

¹⁶ Ente sermare ar otre, oka ńelokʼkan ar oka baṅ ńelokʼ kan, jotowakʼge uni hotete sirjạu akana. Siṅghạsonkoge cetʼ, rajosṭikoge cetʼ, baṅ do rajkoge, baṅ do ektiạriankoge sanamakʼ do uni hotete uni lạgitʼge sirjạu akana.

Kolossiko lạgitʼ Pạul Apostolakʼ ciṭhi 1:16 Referans Kwoze

Romiko lạgitʼ Pạul Apostolakʼ ciṭhi 11:36

Ente jotowakʼge coṅ uni khon ar uni hotetege hijukʼkan ar sanamakʼ do uni lạgitʼ kangea. Uniyakʼge jaejug ṭhonok hoyokʼtae ma. Amen.

Johan 1:3

Sanamakʼge ona katha hotete sirjạu akana, ar oka sirjạu akan onako modre okaṭakʼ hõ uni begor do baṅ sirjạu akana.

1 Korinthiko 8:6

Enrehõ abo lạgitʼ do mitʼ goṭenge Isor menaea. Unige Baba do; ar uni ṭhen khonge jotowakʼ do hecʼakana ar uni lạgitʼge jiwetʼ menakʼ bona. Aboren Probhu Isor doe mitʼ goṭengea, uni do Probhu Mạsige. Uni hotetege jotowakʼ do hecʼakana ar uni hotetege jiwetʼ menakʼbona.

Ibriko 2:10

Sanamakʼ do Isor lạgitʼ kangea ar uni hotetege sanamakʼ do hoyakana. Onate ạḍi utạr hoponko acʼakʼ mạhimaren bhạgiyạdarko hoyocoko lạgitʼ Jisu do duk jom talate sạbit ocoye reakʼ lek tahẽkantaea.

1 Bõsbudạ 29:11

E Probhu, ṭhonokʼ, daṛe, jakjomok, jitạu ar sarhao do amakʼge, ente serma ar dhạrti reakʼ jotowakʼge amakʼ kana. E Probhu Isor, am do sanamakʼ cetanrem rajokʼkana; amakʼ ṭhạ̃i do sanamko cetanrege.

Ibriko 1:2

Menkhan sesa sisi dinkore uni do acʼren Hopon hotete abokoe galmarao akatʼbona. Isor do acʼren Hopon sanamakʼren ạidạri hoyokʼ lạgitʼe dohokedea. Ar Hopon hotetege uni do sanamakʼe sirjạukeda.

Ephesiko lạgitʼ Pạul Apostolakʼ ciṭhi 1:10

Uni doe niṭ akatʼ tahẽkana je, okte purạulen khan ona monsubạ purạu lạgitʼ serma ar dhạrti reakʼ jotowakʼ mitʼkate Mạsiyakʼ ḍanṭao gobolreye ạguiya.

Jesaea 44:24

Amren Probhu Isor, okoe doe amren chakʼḍaoicʼ kan, ar okoe do kukhireye gaṛhaoletʼme uniye meneda, “Iń kangeạń Probhu Isor do; ińge jotowakʼ iń sirjạuakada. Iń do sermań aṭetʼ akada ar ińge prithimiń pasnao akada.

Kạhtukko 16:4

Probhu Isor do jotowakʼe benao akada ona reakʼ nij jos lạgitʼ; Ar bedhoromicʼ hõ ghoṭna din lạgitʼ.

Kolossiko lạgitʼ Pạul Apostolakʼ ciṭhi 1:15

Nui Hopon kangea bin ńelokʼ kan Isorren muṭhạntetʼ do. Ar unige sanamakʼ ạuri sirjạureye tahẽkana ar sanam sirjon cetanre unigeye mạlik kana.

Kolossiko lạgitʼ Pạul Apostolakʼ ciṭhi 2:10

Uni do serma cetanren sanam cakʼlaoko ar ektiạrikoren matha kanae.

Jesaea 43:21

Onko hoṛko do iń apnar lạgitʼ iń benao akatʼkoa jemon ińakʼ ṭhonokko sodor daṛeakʼ.

Dosar Biboron 4:39

“Teheń ape do niạ katha baḍaekakʼpe ar ontorre rebetʼ dohokakʼpe, Probhu Isorge coṭ sermaren ar latar otren Isor kanae, uni chaḍa ar cele Isorge bạnukʼkoa.

Philipiko lạgitʼ Pạul apostolakʼ ciṭhi 2:10

jemon sermarenko, dhạrtirenko ar ot latarrenko tahenkan onko mitʼke mitʼkoakʼ gunṭhi do Jisu samaṅre ikhṛumokʼtako,

Kolossiko lạgitʼ Pạul Apostolakʼ ciṭhi 1:20

Ona chaḍa dhạrtirege cetʼ ar sermarege cetʼ, Mạsi hotete jotowakʼge acʼ tulucʼ samge ocoy lạgitʼe goṭaleda. Mạsi do kurusre acʼakʼ mãyãme danketʼte suluke ạguketʼa ar onate Isor tulucʼ manwakoakʼ noa samge do hoyakana.

1 Patras 3:22

Jisu do sermateye calao akana ar ńitokʼ Isorakʼ jojomsa aṛere menaea, ar sermaren goḍetko, ar ektiạrianko ar daṛeanko do uniyakʼ gobolre menakʼkoa.

Kolossiko lạgitʼ Pạul Apostolakʼ ciṭhi 2:15

Uni do sanam bạṛicʼ rajosṭiko ar ektiạriankoakʼ daṛeye cabaketʼtakoa. Nonkate uni do Mạsiyakʼ kurus hotete onko cetanreye jitạuena ar jotoko samaṅre onkoe bemanot ocoketʼkoa.

Ephesiko lạgitʼ Pạul Apostolakʼ ciṭhi 6:12

Aboakʼ noa lạṛhại do jãhãe manwa upạrte do baṅkana, bickom ona do ńut rajosṭi reakʼ joto lekan cakʼlaoko ar ektiạrianko upạrte, ńut dhạrtiren daṛean jiuko upạrte, ar coṭren joto bạṛicʼ jiuko upạrte.

Romiko lạgitʼ Pạul Apostolakʼ ciṭhi 8:38

Iń do noa katha bes okocʼtegeń baḍaea, moron se jion, serma goḍet se soetanren goḍet, menakʼakʼko se darakanakʼko se eṭakʼ jãhãn daṛeko,

Nehemiạ 9:6

Eken amkangeam aleren Probhu Isor do. Amge serma, maraṅ serma ar onare menakʼ jotowakʼko, dhạrti ar ona cetanre menakʼ jotowakʼko, jalapuri ar onare menakʼ jotowakʼkom sirjạu akada. Amge sanamko jiwim emakawatʼkoa ar sermaren sanamkoge amko sewawam kana.

Johan 1:10

Uni do dhạrtireye tahẽkana ar dhạrti do uni hotetege sirjạu akana, enhõ dhạrtiren manwa do bako oromledea.

Romiko lạgitʼ Pạul Apostolakʼ ciṭhi 9:5

Isorren maraṅ sekʼwako do onkoren hapṛamgeko tahẽkana ar manwa lekate Mạsi do onko bõsregeye janamlena. Uni kangeae Isor do, one uni sanamakʼko cetanre menae; jaejug hạbicʼ uniyakʼge sarhao hoyokʼtae ma. Amen.