Bikʼcạrko 9:57 - সান্তালী বাইবেল

⁵⁷ Sekemren hoṛko okaṭakʼko behokletʼ Isor do ona reakʼ paona sạjại onko hõe ematʼkoa. Ar nonkate Jerubakʼalren hopon Jothamakʼ sarap do uni cetanre paṛaoena.

Bikʼcạrko 9:57 Referans Kwoze

Bikʼcạrko 9:20

Menkhan bape onka akatʼ khan Abimelek bhitri khon seṅgel oḍokʼ hijukʼte apeko, metakʼme Sikemren ar Bet-Miloren hoṛkoe atarpea; metakʼme Sikemren ar Bet-Miloren hoṛko khon hõ seṅgel oḍok hijukʼte Abimeleke lo torojea.”

1 Rapajko 16:34

Ahabakʼ oktere Bethelren Hiel do Jerikho nagraha arhõe benao ruạṛkeda. Nunren hopon Josuạ hotete Probhu Isorakʼ katha leka ona nagraha reakʼ rehetʼ gathao lạgitʼ Hielren maraṅicʼ hopon Abiramakʼ jiwi alae hoyentaea ar ona reakʼ phaṭok silpiń lagao lạgitʼ do uniren huḍińicʼ hopon Segub hõ jiwi emokʼ hoyentaea.

Bikʼcạrko 9:45

Goṭa dinko ńẽtʼketʼkote Abimelek do nagrahae hatkeda ar onḍenko hoṛkoe gocʼketʼkoa. Ona tayom nagrahae ḍahao maraoketʼte onare buluṅe chiṭiạuada.

Josuạ 6:26

“Inạ tayom Josuạ do kiriạyenteye menkeda, “Jerikho nagraha okoe hoṛ arhõe benao rakab unire do Probhu Isorakʼ sarap paṛaokʼa: Pạhilicʼ hoponakʼ jiwite uni do ona reakʼ rehetʼe rakaba, ar huḍińicʼ hoponakʼ jiwite ona reakʼ phaṭok duạrkoe gathaoa.”

Bikʼcạrko 9:24

Isorgeye nonkakeda jemon Jerubakʼalren eaegel hoponkoakʼ mãyãm cetanre oka behokakʼ hoyakan ona iạte onkoren boeha Abimelek cetanre ar gogocʼ kạmire okoeko gokʼṛokoko tahẽkan onko Sikemren hoṛko cetanre hala ruạṛokʼ.

Bikʼcạrko 9:56

Abimelek do eaegel boehakoe gocʼletʼkote apattetʼ cetanre okae behokletʼ onkage Isor do uniyakʼ paona sạjạiye emkatʼtaea.

Bikʼcạrko 10:1

Abimelek tayom Tola ńutuman Isakar gusṭiren mitʼṭen hoṛ do Israel hoponko rukhiyạko lạgitʼe hecʼena. Tola doe hoyokʼ kana Puaren hopon ar Dodoren do goṛomtetʼ koṛa. Ephrayim buru ṭoṭha reakʼ Semirre uni doe girobasokʼkan tahẽkana.

1 Rapajko 2:32

Ar uni tinạkʼ mãyãme joro ocoakatʼ ona reakʼ do Probhu Isorgeye hala ruạṛaea, ente ińren ạpuń begor baḍae ocoyete uni do bar hoṛe gocʼketʼkinạ. Unkin do lạṛhại phạdkoren senaputi Nerren hopon Abner ar Jihudạ lạṛhại phạdkoren senaputi Jether ren hopon Amasa.

Bikʼcạrko 1:7

Onate Adoni-Beseke menkeda, “Iń do eaegel rapajkoakʼ ti ar jaṅga reakʼ buḍhạ kạṭupʼ iń samakʼ kuṭrạletʼtakoa. Onko do ińakʼ ṭebil latar reakʼ ạiṭhạwakʼko halaṅ jometʼ tahẽkana. Onko cetanre okań cekaletʼ Isor hõ iń cetanre onkageye kạmi akada.” Ar Adoni-Besek do Jerusalemteko idikede khan onḍeye gocʼena.

2 Samuel 3:39

Raj lekate ińiń ojokʼ bahal oco akanrehõ teheń iń doń nijorena ar Seruyaren hoponko bạń dormoj daṛeako kana. Probhu Isorge behoketʼkoakʼ kuṛại doe emakoma.”

Sereńko 7:17

Probhu Isor do dhorom reakʼe bicạra, onate iń do uniń sarhaoea; ar iń do maraṅ Probhu Isorakʼ iń õṛhẽ sereńa.

Sereńko 94:23

Onkoakʼ behokakʼ do onko cetanregeye ạguiya, onkoakʼ bedhoromakʼge uni doe cabakoa; aboren Isor Probhu Isorgeye onkakoa.

Kạhtukko 5:22

Bedhorom hoṛ do bạṛicʼ kạmi reakʼ jhạlireko paṛaokʼa, uni do apnarakʼ kại babertegeye tol ḍhumbạgokʼa.

Jesaea 3:11

Hae hae, bedhorom hoṛko do! Onko cetanre do muhin hijukʼa. Ar okako kạmikan ona reakʼ kuṛại doko ńamgea.