Bikʼcạrko 9:20 - সান্তালী বাইবেল

²⁰ Menkhan bape onka akatʼ khan Abimelek bhitri khon seṅgel oḍokʼ hijukʼte apeko, metakʼme Sikemren ar Bet-Miloren hoṛkoe atarpea; metakʼme Sikemren ar Bet-Miloren hoṛko khon hõ seṅgel oḍok hijukʼte Abimeleke lo torojea.”

Bikʼcạrko 9:20 Referans Kwoze

Bikʼcạrko 9:15

Unre jạnumanakʼ dare do onkoe metatʼkoa, ‘Aperen raj mente sạrigepe teṅgoyiń khan enḍekhan dela hijukʼte ińakʼ umulre asray hataope. Ar bape onkae khan enḍekhan jạnum jhạuạ khon seṅgel oḍok hijukʼte Lebanon reakʼ debdạru darekoe joma.’

Sereńko 140:10

Onko cetanre jolokʼkan aṅgrage baṛe ńurakoma; ar seṅgelre, khạndri ghaḍlakʼre onko doko khadle giḍi ocokʼma; jemon tishõ onḍe khon aloko rakapʼ daṛeakʼ.

Sereńko 28:4

Okoakʼ kạmi reakʼ ar bạṛicʼ kạmi reakʼ kuṛại baṛe emakom; onkoakʼ tite okako kạmi akatʼ ona reakʼ kuṛại emakom; ar okaṭakʼ kuṛạiko ńam onage baṛe emkatakom

Bikʼcạrko 9:23

Inạ tayom Isor do Abimelek ar Sikemren hoṛko talare mitʼṭen bạṛicʼ jiue kolkedea. Onate Sikemren hoṛko do Abimelek sãote bepạtiạrko kạmikeda.

Bikʼcạrko 7:22

Pe sae sakwa saḍekʼ oktere Probhu Isor do ḍera bhitriren hoṛkoe andmandaoketʼkote onko do mitʼ hoṛ armitʼ hoṛ cetanre tarwaṛeante lạṛhạiko ehopʼena. Onate Midiạnren lạṛhại phạdko do Tabat ṭhen Beth-sita hạbicʼko dạṛkeda.

Bikʼcạrko 9:6

Ona tayom Sikem ar Bet-Miloren sanam hoṛko mitʼente Sikem reakʼ khunṭi ṭhen Elon dare aṛere senkate Abimelekko rajkedea.

Bikʼcạrko 9:19

Menkhan teheń Jerubakʼal ar uni gharońjrenko lạgitʼ pạtiạr ar bhageakʼ reakʼpe kạmi akatʼ khan Abimelek do aperen rạskạwạnicʼe hoyokʼma ar ape hõ uniren rạskạwanko baṛe hoyokʼpe!

Bikʼcạrko 9:21

Ona tayom Jotham do Ber ńutumanakʼ mitʼṭecʼ jaegateye dạṛkeda. Uni do acʼren boeha Abimelek botorte onḍege girobasokʼe ehopʼena.

Bikʼcạrko 9:44

Abimelek ar uni dolren hoṛko do samaṅ secʼko ńir calaoente nagraha bolokʼ reakʼ horreko teṅgoyena. Ar bilạn ṭạnḍire okoeko tahẽkan onko eṭakʼ bar dol do onko cetanre jhãpko emkeda arko gocʼketʼkoa.