Bikʼcạrko 9:19 - সান্তালী বাইবেল

¹⁹ Menkhan teheń Jerubakʼal ar uni gharońjrenko lạgitʼ pạtiạr ar bhageakʼ reakʼpe kạmi akatʼ khan Abimelek do aperen rạskạwạnicʼe hoyokʼma ar ape hõ uniren rạskạwanko baṛe hoyokʼpe!

Bikʼcạrko 9:19 Referans Kwoze

Jesaea 8:6

“Noko hoṛ do Siloah reakʼ legem ạtukʼ dakʼko nihạ̃tetʼ kana, onko do Resin ar Remaliạren hopon iạteko rạskạkʼ kana.

Jakob 4:16

Menkhan ape do phulạu ar usul montepe perecʼ akana. Ar nonkan joto phulạuakʼ do bạṛicʼgea.

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Bikʼcạrko 6:32

En hilokʼ Gideonakʼ ńutum uni do Jerubakʼale dohoketʼtaea (mane do “Bakʼalge uni tulucʼe lạṛhạima”). Ar Gideon do Bakʼal debotawakʼ pinḍe rạputʼ giḍiletʼte Joase menkeda, “Gideon upạrte Bakʼalge uni tulucʼe lạṛhạima. ”

Bikʼcạrko 9:18

Menkhan teheń ape do uniyakʼ gharońjrenko upạrtepe huletʼkana. Inạ mitʼ dhiri cetanre uniren eaegel hoponkope khũn akatʼkoa ar uniren kạ̃ṛmĩren hopon Abimelek do Sikemren hoṛko cetanre rajpe benao akadea, ente uni doe aperen peṛakana.

Bikʼcạrko 9:20

Menkhan bape onka akatʼ khan Abimelek bhitri khon seṅgel oḍokʼ hijukʼte apeko, metakʼme Sikemren ar Bet-Miloren hoṛkoe atarpea; metakʼme Sikemren ar Bet-Miloren hoṛko khon hõ seṅgel oḍok hijukʼte Abimeleke lo torojea.”