Bikʼcạrko 9:17 - সান্তালী বাইবেল

¹⁷ Iń baba do acʼakʼ jiwi alaekate ape lạgitʼe lạṛhạilena ar Midiạnrenkoakʼ ti khone rukhiyạketʼpea.

Bikʼcạrko 9:17 Referans Kwoze

Johan sodor 12:11

Bheḍa Hoponakʼ mãyãm ar apnarakʼ gohate onko do uniko bhagao akadea. Onko do apnar dulạṛ baṅkate akoakʼ jiwi emokʼge rạjiko tahẽkana.

Romiko lạgitʼ Pạul Apostolakʼ ciṭhi 16:4

Unkin do ińakʼ jiwi rukhiyạ khạtirte ạkinakʼ hoṭokʼkin alaeletʼa. Eken iń eskar do baṅ, menkhan sanam boṅgan hoṛ jạtrenkoakʼ joto manḍerrenko hõ unkinko gunmanao johar ạkin kana.

Romiko lạgitʼ Pạul Apostolakʼ ciṭhi 5:8

Menkhan Isor aboe dulạṛetʼ bon ona reakʼ cinhạ do noage, kại hoṛ bon tahẽkanrege Mạsi do abo lạgitʼ jiwiye emkeda.

Ester 4:16

“Am do senkate Susanre menakʼko sanam Jihudikom jarwakoa ar iń ńutumte joto hoṛ upạspe dohoya. Ape do pe siń pe ńindạ cetʼge alope jom ńũiya. Ar ape cetʼ lekape upạs onkage iń ar ińren kạ̃ṛmĩko hõle upạsa. Ona tayom ạn upạrte jãhãnakʼge hoyokʼ enhõ iń do raj ṭheniń calakʼa. Ar ona khạtirte gujukʼ hoyokʼtiń khan hõ iń doń khaṛagea.”

Bikʼcạrko 9:16

“Enḍekhan ańjompe, Abimelek raj benaokate ape do cetʼ biswạsteakʼ ar bhageakʼ kạmipe kạmi akada? Ape do cetʼ Jerubakʼal ar uniyakʼ gharońjrenko upạrte bhageakʼ ar oka lek reakʼ kan onape onka akada?

Bikʼcạrko 9:18

Menkhan teheń ape do uniyakʼ gharońjrenko upạrtepe huletʼkana. Inạ mitʼ dhiri cetanre uniren eaegel hoponkope khũn akatʼkoa ar uniren kạ̃ṛmĩren hopon Abimelek do Sikemren hoṛko cetanre rajpe benao akadea, ente uni doe aperen peṛakana.

1 Samuel 19:5

Uni do acʼakʼ jiwi cuputʼkate uni Philisṭi hoṛe gocʼkedea, ar Probhu Isor do goṭa Israel lạgitʼ maraṅ bańcaoe hoeocokeda; ar ona ńelte am dom kusilena. Enḍekhan ńitokʼ do cedakʼ ạuṛiyakʼte Dạud gojete mitʼṭen bindusi hoṛakʼ mãyãm joro ocoyte uni upạrtem kạiya.”

Bikʼcạrko 12:3

Iń doń ńelkeda ape do bape goṛowạńkana onate jiwi cuputʼkate Amonrenko sãote lạṛhại lạgitʼ iń oḍok calaoena ar Probhu Isor do onko cetanreye jitạu ocokedińa. Menkhan ńitokʼ ape do cedakʼ iń tulucʼ lạṛhại lạgitʼpe hecʼakana?”