Bikʼcạrko 9:15 - সান্তালী বাইবেল

¹⁵ Unre jạnumanakʼ dare do onkoe metatʼkoa, ‘Aperen raj mente sạrigepe teṅgoyiń khan enḍekhan dela hijukʼte ińakʼ umulre asray hataope. Ar bape onkae khan enḍekhan jạnum jhạuạ khon seṅgel oḍok hijukʼte Lebanon reakʼ debdạru darekoe joma.’

Bikʼcạrko 9:15 Referans Kwoze

Jesaea 30:2

Iń sãote sopolha baṅkate Misorteko calakʼ kana; onko do goṛo ńam lạgitʼ Pharaoakʼ asrayko hataoeda ar Misor reakʼ umulreko hirlạkʼ kana.

Hosea 14:7

Okoe uniyakʼ umulreko tahen onko do ḍher phosolko arjao ocoya. Onko do darkha nạ̃ṛĩ leka jo bahateko perejokʼa ar Lebanon reakʼ darkha rasa leka onkoakʼ ńutum do pasnaokʼtakoa.

Jesaea 2:13

Lebanon reakʼ sanam jeleń ar usul debdạru dareko ar Bason reakʼ sanam Elon dareko do copotʼ ocokʼa;

Bikʼcạrko 9:20

Menkhan bape onka akatʼ khan Abimelek bhitri khon seṅgel oḍokʼ hijukʼte apeko, metakʼme Sikemren ar Bet-Miloren hoṛkoe atarpea; metakʼme Sikemren ar Bet-Miloren hoṛko khon hõ seṅgel oḍok hijukʼte Abimeleke lo torojea.”

Daniel 4:12

Ona reakʼ sakamko do ạḍi napae tahẽkana ar jo hõ ạḍi ḍher tahẽkana ar ona khon sanamkoge jomakʼko ńametʼ tahẽkana. Ona latarre do ṭạnḍiren janwarko ḍerakʼkan tahẽkana ar coṭren cẽṛẽko hõ ona reakʼ ḍạrkoreko tukạyetʼ tahẽkana; ar sanam jiwiyankoge ona khon jomakʼko ńametʼ tahẽkana.

Jeheskel 19:14

Ona reakʼ mul nạ̃ṛĩ khon seṅgel do oḍokena; ar ona reakʼ ḍạr ar jokoe jomkeda. Disạm cakʼlaokoakʼ ṭheṅga lạgitʼ onare mitʼṭecʼ ḍạr hõ baṅ tahelena. “Noa do mitʼṭecʼ homor halaṅ kana; duk reakʼ sereń lekate noa do beoharokʼa.”

Jesaea 37:24

Amren golamko hotete Probhu Isor dom landa-dhutʼae kana, amakʼ sanam rãt gạḍikoante bururem decʼakana, Lebanon reakʼ usul utạrakʼ cuṛạrem rakapʼ akana, ar ona reakʼ usul usul debdạru ar bhage bhage saro dareko dom makʼ giḍiakada, ar ona reakʼ bir bhitrikorem boloakana,

Sereńko 104:16

Probhu Isorakʼ sirjạuakʼ sanam dare nạ̃ṛĩko do ḍher dakʼe ńameda; ar uniye rohoe akatʼ Lebanon reakʼ debdạru dareko hõ dakʼe ńameda.

2 Rapajko 14:9

Menkhan Israelren raj do Jihudạren raj ṭhen kathae roṛ gotʼkada, “Lebanon reakʼ aṭkuṭi jạnum do Lebanon reakʼ debdạru dare ṭhen kathae roṛ gotʼkada, ‘ińren hopon sãote amren hoponera baplayem.’ Ona tayom mitʼṭen bir janwar do hecʼkate ona aṭkuṭi jạnumkoe lebetʼ gańjaokeda.

Numeri 21:28

Hesbon nagraha khonakʼ seṅgel do oḍok hecʼente Moab ar nagrahakoe jarkharkeda ar Arnon gaḍa aṛe girobasokʼkanko do ona seṅgelteye atarketʼkoa.

Mathae 13:32

Ona itạ do sanam itạko khon kạṭicʼgere hõ, haralen khan joto aṛakʼ sakam khon lạṭuge hoyokʼa; ar nunạkʼ lạṭu harakʼa je, coṭren cẽṛẽko hõ hecʼkate ona reakʼ ḍạrkore tukạko benaojoṅa.”

Jeheskel 31:3

Ạsur reakʼ katha hudiskate ńelme, uni do mitʼ din Lebanon reakʼ debdạru dareye tahẽkana. Uniyakʼ mońj mońj ḍạrko do birre umuletʼ tahẽkana; uni do ạḍi usule tahẽkana, ar ona reakʼ muthni do rimil hạbicʼ ṭuṅgạu akan tahẽkana.

Jesaea 1:31

Daṛean hoṛko do rohoṛ busupʼ lekan kope hoyokʼa, ona reakʼ kạmi do seṅgel reakʼ alaṅ leka. Ona do mitʼ dhaogeye lokʼa; ar okoehõ ona seṅgel do bako ĩṛĩcʼ daṛeakʼa.” bańcaoicʼ

Bikʼcạrko 9:49

Onate sanamkoge dare khon ḍạrko makʼ ạguketʼte Abimelek tayomteko mohnḍayena. Ar ona tayom do ona bhitri oṛakʼ cetanreko ladekeda ar seṅgelko jeretʼada. Onate Sikem gaṛren sanam hoṛ doko atar cabayena. Onḍe do mitʼ hajar herel hoṛ ar maejiuko tahẽkana.

Bikʼcạrko 9:14

Mucạtʼre joto dareko do jạnumanakʼ dareko metadea, ‘amge aleren raj baṛe hoyokʼme.’

Bikʼcạrko 9:16

“Enḍekhan ańjompe, Abimelek raj benaokate ape do cetʼ biswạsteakʼ ar bhageakʼ kạmipe kạmi akada? Ape do cetʼ Jerubakʼal ar uniyakʼ gharońjrenko upạrte bhageakʼ ar oka lek reakʼ kan onape onka akada?

Sereńko 29:5

Ona aṛaṅ do debdạru darekoe rạputʼeda; Probhu Isor do Lebanon reakʼ debdạru darekoe rạputʼ kaṭra kuṭrạyeda.

Bikʼcạrko 9:44

Abimelek ar uni dolren hoṛko do samaṅ secʼko ńir calaoente nagraha bolokʼ reakʼ horreko teṅgoyena. Ar bilạn ṭạnḍire okoeko tahẽkan onko eṭakʼ bar dol do onko cetanre jhãpko emkeda arko gocʼketʼkoa.

Rak̕joṅ 4:20

Aboakʼ mũ reakʼ sahẽtʼ Probhuren ojokʼicʼ do, onkoakʼ khạnreye sapʼ ocolena; menkhan abo dobon hudisokʼkan tahẽkana uniyakʼ umulre jạt jạtrenko talare bon girobasokʼa.