Bikʼcạrko 8:33 - সান্তালী বাইবেল

³³ Gideonakʼ gujukʼ tayom Israelko do arhõ Probhu Isor bạgikate Bakʼal debota sewawaeko ehopʼena. Onko do Bakʼal-Beritge akoren debota menteko dohowana.

Bikʼcạrko 8:33 Referans Kwoze

Bikʼcạrko 9:46

Niạ sombat ańjomkate Sikem gaṛren hoṛko do El-Berit debotawakʼ mundil reakʼ bhitri oṛakʼreko boloyena.

Bikʼcạrko 9:4

Ar onko do Bakʼal- Beritakʼ mundil khon eaegel goṭecʼ rupạko emadea. Onate Abimelek do bhạṅguạ ar bạṛicʼ hoṛkoe bhaṛaketʼkoa. Onko do uni soṅgeren hoṛko hoyena.

Bikʼcạrko 2:19

Menkhan disạm cakʼlaokoko gocʼlen khan hoṛko do arhõ debota secʼko lawerokʼkan tahẽkana arko sewawako kan tahẽkana ar hapṛamko khon hõ bạṛicʼakʼ horteko taṛametʼ tahẽkana. Onko do okalekate hõ bạṛicʼakʼ hor ar bạṛicʼ hewa bako bạgiyakʼkan tahẽkana.

Bikʼcạrko 8:27

Gideon do onako sonate mitʼṭecʼ ephode benao ocoketʼa ar acʼakʼ ato Ophrareye dohokeda. Ar Israelko do onḍe ona ephod sewawakʼko ehopʼena arko laṭghaṭkeda. Gideon ar uniyakʼ gharońjrenko lạgitʼ onage mitʼṭecʼ jhampa leka hoyena.

Bikʼcạrko 2:17

Menkhan enhõ Israel hoponko do disạm cakʼlaokoakʼ katha bako luturakʼkan tahẽkana. Probhu Isor cetanre pạtiạu doho baṅkate debotako cetanre apnarko ṭehãḍokʼkan tahẽkana arko sewawako kan tahẽkana. Onkoren hapṛamko Probhu Isorakʼ oka horteko taṛametʼ tahẽkan ona hor khon thoṛa ghạṛicʼ khangeko ghańjeṛokʼ kan tahẽkana.

Jirimiạ 3:9

Uni do loṭghuṭi reakʼ kạmi jãhãnakʼ bae metatʼte dhiriren ar kaṭren debotako sãoteye laṭghaṭketʼte disạme bhonḍkeda.

2 Rapajko 12:2

Naeke Jehoyada tinạkʼ din Joasren sosolhayicʼe tahẽkan unạkʼ din Joas do Probhu Isorakʼ mẽtʼre oka bhageakʼ kan onageye kạmiyetʼ tahẽkana.

Bikʼcạrko 9:27

Onko do akoakʼ khetre senkate darkha joko lenkeda arko porobena. Onko do akoren debotawakʼ mundilte senkateko jom-nũkeda ar Abimelekko sarapadea.

Josuạ 24:31

Josuạ tinạkʼ din jiwetʼe tahẽkan ar ona tayom dinkore okoeko murubbiko jiwetʼko tahẽkan unạkʼ din Israelko do Probhu Isorko sewawadea. Israelko lạgitʼ Probhu Isor oka bhageakʼkoe kạmiletʼ ona do onkoren murubbiko hõko ńelleda.

Bikʼcạrko 2:12

Onkoren hapṛamkoren Probhu Isor, okoe do Misor disạm khone oḍok ạguletʼko tahẽkan uni do jaogeko bạgiyaekan tahẽkana. Onko do ako beṛhaeten jạtren eṭakʼ eṭakʼ debota secʼko ạcurokʼkan tahẽkana arko pujạwako kan tahẽkana, ar onkate Probhu Isorakʼ pitko caṛhao ocoyetʼ tahẽkana.

Bikʼcạrko 8:32

Joasren hopon Gideon do haṛamkateye gocʼena. Ar Abieserkoakʼ Ophrare uniren apat Joasakʼ topareko baekadea.

Jirimiạ 23:27

Onko doko hudiseda akoren hapṛamko cetʼleka Bakʼal debotako sewawade tahẽkante ińko hiṛińledeń onkage akoakʼ kukmũ reakʼ katha sanam ṭhenko roṛte ińren hoṛko ińakʼ ńutumko hiṛiń ocokoa.

Bikʼcạrko 3:7

Ar Israelko do Probhu Isorakʼ mẽtʼre oka bạṛicʼakʼkan onage kạmiko ehopʼena. Onko do akoren Probhu Isorko hiṛińkedete Bakʼal debota ar Asera debi sewawaeko ehopʼena.

Bikʼcạrko 10:6

Israel hoponko do arhõ Probhu Isorakʼ nońjorre oka bạṛicʼakʼkan onage kạmiko ehopʼena. Onko do Bakʼal debotako ar Astarot debiko ar Aramrenko, Sidonrenko, Moabrenko, Amonrenko ar Philisṭikoren debotako sewawakoko ehopʼena. Nonkate Israelko do Probhu Isorko bạgikedete ar bako sewawadea.