Bikʼcạrko 8:30 - সান্তালী বাইবেল

³⁰ Uniren do ạḍi utạr bạhuko tahẽkante acʼrenge eae gel hoponko tahẽkantaea.

Bikʼcạrko 8:30 Referans Kwoze

Bikʼcạrko 9:5

Uni do Ophrare acʼ apatakʼ oṛakʼte senkate acʼren eaegel boehako, metakʼme Jerubakʼalren sanam hoponko inạ mitʼ dhiri cetanregeye gocʼketʼkoa. Menkhan Jerubakʼalren joto khon huḍiń utạricʼ hopon Jotham do okoreye tahẽkanteye bańcaoena.

Bikʼcạrko 9:2

“Sikemren sanam hoṛko kulikope onko lạgitʼ bhageakʼ do okaṭakʼ hoyokʼa- Jerubakʼalren eaegel hoponge disạm cakʼlaokoko hoyokʼ bhage hoyokʼa, se mitʼ hoṛ hoyokʼge bhage hoyokʼa? Alope hiṛińa ińhõ apeakʼ mãyãm ar jelren kangeạń.”

1 Rapajko 11:3

Uniren do eae sae erako tahẽkantaea, ar onko do raj gharońjren hoponerageko tahẽkana; ona chaḍa uniren do pe sae chuṭki era hõko tahẽkantaea. Ar uniren erako do bạṛicʼ horteko idikedea.

Dosar Biboron 17:17

Uni do aema aloe bạhu joṅma; onate uni do eṭakʼ secʼe ghańjeṛokʼa. Uni do apnar lạgitʼ sona rupạ aema aloe jarwajoṅma.

Malaki 2:15

Probhu Isor do jãwãe ar maejiu cetʼ bae mitʼ akatʼkinạ? Hoṛmo ar jiu do uniren kangea kin. Unkin do cekate kin mitʼgea? Ente uni do unkin hotete Isore botorae kan mitʼ bõsrenko rukhiyạkoe menleda. Ar onate ape do apeakʼ ontor babotre sontor akae tahenpe; jemon juạn okteren bạhuko sãote phạsiạrako alope hoyokʼ.

2 Rapajko 10:1

Samariạre Ahabren eaegel hoponko tahẽkana. Jihu do ciṭhi olkate Samariạte Jisriyelren subedarko ṭhen, murubbiko ṭhen ar Ahabren bõs rurukhiyạko ṭhene kolkeda. Uniye olkeda,

Bikʼcạrko 12:14

Uniren do pongel hopon ar pegel goṛomtetʼ koṛako tahẽkana. Onko do eaegel gadhakoreko decʼ baṛaekan tahẽkana. Ar Adbon do irạl bochor Israelkoakʼe bicạrketʼtakoa.

Bikʼcạrko 12:9

Uniren do pegel koṛa hopon ar pegel kuṛi hoponko tahẽkana. Uni do acʼ bõsrenko bahreren hoṛko tulucʼ acʼren hoponerakoe baplaketʼkoa ar acʼren hoponko lạgitʼ pegel bạhuko hõe ạguketʼkoa. Ibsan do eae bochor Israelkoren bikʼcạricʼe tahẽkana.

Bikʼcạrko 10:4

Jayirren do pegel hoponko tahẽkantaea; ar onko do pegel gadhare decʼkateko dãṛã baṛaekan tahẽkana. Gilead reakʼ pegel ato do onkoakʼ gobolre tahẽkana. Teheń hạbicʼ ona atoko do Hawot-Jayirko metakʼ kana.

Genesis 46:26

Jakob sãote okoe do Misor disạmteko calaoen, metakʼme acʼ apnar bõsren jotote turuigel turui hoṛko tahẽkana; noa lekhare uniren hoponkoren bạhuko do bako sapʼakana.

Genesis 7:7

Ḍubạ dakʼ khon rukhiyạkʼ lạgitʼ Noha do, acʼren bạhu, ar uniren hoponko ar onkoren bạhuko tulucʼ ona jahajteye boloyena.

Genesis 2:24

Ona iạte manwa do eṅgat-apat bạgikate acʼren bạhu tulucʼ mitʼ akane tahena ar unkin do mitʼ hoṛmokin hoyokʼa.

Bikʼcạrko 8:31

Sikemre uniren do mitʼṭen miluạ bạhui tahẽkantaea. Uniren hõ mitʼṭen hopone tahẽkana. Gideon do uniyakʼ ńutum Abimeleke doholetʼtaea.

Bikʼcạrko 9:18

Menkhan teheń ape do uniyakʼ gharońjrenko upạrtepe huletʼkana. Inạ mitʼ dhiri cetanre uniren eaegel hoponkope khũn akatʼkoa ar uniren kạ̃ṛmĩren hopon Abimelek do Sikemren hoṛko cetanre rajpe benao akadea, ente uni doe aperen peṛakana.

Bikʼcạrko 9:1

Jerubakʼalren hopon Abimelek do Sikemre acʼ mamottetʼtako ṭhen senkate onko ar acʼ eṅgattetʼren eṭakʼ sanam bõskoe metatʼkoa,