Bikʼcạrko 8:3 - সান্তালী বাইবেল

³ Isor do apeakʼ tire Midiạnren mukhiyạ Oreb ar Sebe soprot akatʼkinạ. Ape khon do cetʼ ḍhergeń ceka akada?” Onate Gideon upạrte onkoakʼ raṅgao do cabayentakoa.

Bikʼcạrko 8:3 Referans Kwoze

Kạhtukko 15:1

Mạ̃hir roṛ ruạṛ do raṅgaoe cabaea, menkhan saegatʼ katha do raṅgaoe janam ocoya.

Philipiko lạgitʼ Pạul apostolakʼ ciṭhi 2:3

Apnarakʼ porho lạgitʼ se michạ bạḍạite cetʼ hõ alope cekaya, bickom nindhạn monte eṭakʼko apnar khon soros mente bujhạukope.

Romiko lạgitʼ Pạul Apostolakʼ ciṭhi 12:6

Isorakʼ daya lekate abo do judạ judạ daya dan bon ńamakada. Ar ona daya dan do nạbi lekate katha roṛ reakʼ daṛe menakʼ khan enḍekhan biwạs lekate uni do Isorakʼ kathae lạima.

Romiko lạgitʼ Pạul Apostolakʼ ciṭhi 12:3

Iń do Isor ṭhen khon oka dayań ńamakatʼ onate ape mimitʼkoń metapekana, apnar reaṅ okaṭakʼ lek kan ona khon bạ̃ṛti do alope hudisokʼa, bickom tinạkʼ lek mentepe bujhạukʼkan inạkʼge hudisokʼpe. Isor do okoe tinạkʼgan pạtiạukʼ reakʼ daṛeye emakawade ona khon bạ̃ṛti do okoe hõ jemon apnarte aloe hudisokʼma.

Johan 4:37

Noate sạbudokʼ kana, ‘mitʼ hoṛ doe era ar eṭagicʼ doe ira.’

Kạhtukko 25:15

Sombhuri hotete disạm cakʼlaoicʼ doe rạmjạu ocokʼa; ar mạ̃hir alaṅ do jaṅ hõ jaṅe rạpuda.

Kạhtukko 25:11

Tak nạpitre roṛakan katha do rupạ cetanre goṛhon akatʼ sona reakʼ ḍabhako lekana.

Kạhtukko 16:32

Okoe usạrate bae raṅgao hodokʼ uni do lạṛhại bir khon hõe bhagegea; okoe nagrahae hatetʼkan ona khon okoe apnare sambṛaokʼkan unigeye bhagea.

Sereńko 115:1

Aleakʼ do baṅ, E Probhu Isor, aleakʼ do baṅ, menkhan amakʼ sarhaoge baṛe hoyokʼma; amakʼ asambheṛ dulạṛ ar pạtiạr lạgitʼge hoyokʼma.

Sereńko 44:3

Onko do akoakʼ tarwaṛete noa disạm do bako ạidạrian tahẽkana, ar akoakʼ daṛete hõ bako jitạu daṛeada; amakʼ daṛe, hẽ amakʼ maraṅ daṛete, ar amakʼ ṭhonoktege ona doko onkaleda, ente onkore amakʼ daya do tahẽkana.

Bikʼcạrko 8:2

Uni doe roṛ ruạṛatʼkoa, “Ape khon do cetʼ ḍhergeń ceka akada? Ephrayim okaṭakʼ darkha joko halaṅ ạguakatʼ ona do cetʼ Ạbieserakʼ tumạlakʼko khon baṅ ḍhergea?

Bikʼcạrko 8:4

Gideon ar uniren pe sae hoṛ do Midiạnrenko khudạu idiketʼkote jordan ṭhen hecʼkate gaḍako paromena. Unre onko do ạḍiko laṅga akan tahẽkana,