Bikʼcạrko 8:27 - সান্তালী বাইবেল

²⁷ Gideon do onako sonate mitʼṭecʼ ephode benao ocoketʼa ar acʼakʼ ato Ophrareye dohokeda. Ar Israelko do onḍe ona ephod sewawakʼko ehopʼena arko laṭghaṭkeda. Gideon ar uniyakʼ gharońjrenko lạgitʼ onage mitʼṭecʼ jhampa leka hoyena.

Bikʼcạrko 8:27 Referans Kwoze

Sereńko 106:39

Ar nonkate onko doko bhoṅḍena; akoakʼ kạmiko iạte Probhu Isor ṭhen bepạtiạrkoko hoyena.

Bikʼcạrko 18:14

Ar okoeko hoṛ do Layisre senkate khoj khoborko ạguletʼ tahẽkan onko do akoren hoṛko metatʼkoa, “Apepe baḍaegea, niạ oṛakʼre do mitʼṭecʼ ehpod, debotakoakʼ muṭhạn rokʼ bekʼnao muṭhạnko ar dulakʼ muṭhạnko menakʼa? Onate ńitokʼ cetʼpe cekaea ma hudispe.”

Bikʼcạrko 17:5

Mikạwakʼ do mitʼṭecʼ mundil tahẽkana. Uni do mitʼṭecʼ ehpod ar debota muṭhạnko benaokate acʼren mitʼṭen hopon do naeke hudạreye dohokedea.

Bikʼcạrko 18:17

Unre uni naeke do turui sae hoṛko sãote onḍeye teṅgo akan tahẽkana. Ar disạm reakʼ khoj khobor okoeko ạguletʼ onko mõṛẽ hoṛ do bhitrite bolokate goṛhon muṭhạnko, ephod, deb muṭhạnko ar dul muṭhạnkoko hataoketʼkoa.

Dosar Biboron 7:16

Aperen Probhu Isor apeakʼ tire okoe jạtrenkoe jimạko onko dope marao utạrkoa. Onko do daya hõ alope dayawakoa ar onkoren debotako hõ alope sewawakoa, ente ona do apeakʼ jhampa lekako hoyokʼa.

Bikʼcạrko 6:24

Unre Gideon do Probhu Isor ńutumte onḍe mitʼṭecʼ pinḍe benaoketʼte ona reakʼ ńutum do Jehowa-Shalome dohokeda (mane do “Probhu Isorge suluktetʼ”). Ar ona pinḍ do teheń hạbicʼ Abieser gusṭikoakʼ Ophrare menakʼa.

Exodus 23:33

Apeakʼ disạmre alope girobas ocoakaoa. Arpe tahẽ ocoako khan onko do iń upạrte kại secʼko or idipea, ar onkoren deb-debikope sewawako khan khạṭige jhãmparepe paṛaokʼa.”

Hosea 2:2

“Aperen gogo nehõraepe, unige ruhedepe, ente ińren bạhu doe baṅkana ar ińhõ uniren jãwãe doń baṅkana. Uni do acʼakʼ mẽtʼãhã khon laloce ocokʼ giḍikakʼma ar acʼakʼ ontor khon laṭghaṭ hõe sạṅgiń giḍikakʼma.

Jesaea 8:20

Ape do Isorakʼ hukum ar gohako ṭhen calakʼ hoyokʼtapea. Ar Isorakʼ katha leka onko bako roṛ enḍekhan bujhạu hoyokʼa onko talare marsal do bạnukʼa.

Sereńko 73:27

Okoe am ṭhen khon pharakteko sen akan, onko doko ses utạrokʼa; ar okoe amre bako pạtiạu akan onko dom marao giḍikoa.

Bikʼcạrko 6:11

Mitʼdin Probhu Isorren goḍet do hecʼkate Ophra ato reakʼ Elon dare buṭạreye duṛupʼena. Ona jaega do Abieser bõsren Joasakʼ ạidạrire tahẽkana. Onḍe uniren hopon Gideon do Midiạnrenko ṭhen khon guhum okoe lạgitʼ darkha lelen kunḍre onae enokʼkan tahẽkana.

Dosar Biboron 12:5

Menkhan aperen Probhu Isor do apnar sodorokʼ lạgitʼ aperen gusṭiko emakʼ jaega khon okaṭakʼ ṭhạ̃i acʼ lạgitʼe bachao joṅ onḍege sewawae lạgitʼ calakʼpe.

Dosar Biboron 7:25

Onkoren boṅga muṭhạnko do seṅgelrepe khadle giḍikakʼa. Ar onkoakʼ hoṛmo reakʼ sona, rupạ do alope lalocakʼa. Ar ape lạgitʼ hõ alope hataoa, ente onape onkae khan onakoge apeakʼ jhampa leka hoyokʼa. Ar aperen Isor ṭhen hõ ona do hirkhạwanakʼ jinis kana.

Bikʼcạrko 8:26

Onate tinạkʼ sonae ńamketʼ ona reakʼ ojon do bargel keji mõṛẽsae gram hoyena. Ona chaḍa uniyakʼ ńamakʼ condro-har, jhur jhuri, Midiạnren rajkoakʼ horokʼakʼ beguni kicricʼko se ũṭkoakʼ hoṭokʼ reakʼ malako do baṅ sapʼlena.

Bikʼcạrko 8:28

Nonkage Israelko do Midiạnrenko kobojketʼkoa; onate onko do bohokʼ ar bako rakapʼ daṛeada. Gideonakʼ jionre sarecʼ pongel bochor do disạmre suluk tahẽkana.

Exodus 32:4

Aron do onkoakʼ ona saj bajkoe galao ocoketʼte chańcreye dulketʼa ar mitʼṭen mĩhũ muṭhạne benaokedea. Ona ńelte Israelko doko menkeda, “E boehako, aperen debotako do nuirege menakʼkoa. Misor disạm khon noko debotage ape doko oḍok ạguakatʼpea.”

Exodus 34:16

Ona chaḍa onkoren kuṛiko sãote tinre aperen hoponkope baplakoa unre onkoren kuṛiko do akoren boṅgako otoṅ ocokoa arko laṭghaṭa ar aperen hoponko hõ onareko bulạukʼa.

Bikʼcạrko 2:2

Ape do noa disạmren hoṛko tulucʼ jãhãnakʼge bondobos alope dohoya ar onkoakʼ pinḍkope rạputʼ giḍikatakoa.’ Menkhan ape do ińakʼ katha bape bataoleda. Cekate nonka dope kạmikeda?

Bikʼcạrko 2:3

Ona iạte ńitokʼ iń metape kana, ape ṭhen khon noko hoṛ do ar bạń laga oḍokkoa; onko do ape lạgitʼ jhampa lekako hoyokʼa, ente onkoren debotakoakʼ jhạlirepe paṛaokʼa. ”

Sereńko 106:35

bickom onko jạtrenko sãoteko mesalena ar onkoakʼ ạri cạliko hataoana.

Jeheskel 7:20

Onko do mońj mońj gohna iạteko gorbokʼkan tahẽkana ar onate akoren hirkhạwan boṅga muṭhạnko benaojoṅ kan tahẽkana. Onate iń do onako hirkhạwakʼ jinisgeń hoyoco akatʼtakoa.

Hosea 3:4

Ṭhik nonkage Israelko do ḍher din hạbicʼ rapajko, mukhiyạko, samaṅokʼakʼ porobko, pujạ reakʼ dhiriko, ephod ar boṅgako chaḍageko tahena.