Bikʼcạrko 8:26 - সান্তালী বাইবেল

²⁶ Onate tinạkʼ sonae ńamketʼ ona reakʼ ojon do bargel keji mõṛẽsae gram hoyena. Ona chaḍa uniyakʼ ńamakʼ condro-har, jhur jhuri, Midiạnren rajkoakʼ horokʼakʼ beguni kicricʼko se ũṭkoakʼ hoṭokʼ reakʼ malako do baṅ sapʼlena.

Bikʼcạrko 8:26 Referans Kwoze

Johan sodor 18:16

Onko do bhabna ar rakʼ rakʼateko mena, “Hae, hae! Mĩhĩ musnạ kicricʼ ar beguni roṅakʼ ar jeṅgetʼ arakʼ kicricʼte bande akan ar sona, damanakʼ dhiri ar mạnikte abhran akan ona maraṅ nagraha do!

Johan sodor 18:12

Onkoakʼ onako jinis modre sona, rupạ, damanakʼ dhiri ar muti mạnik, mĩhĩ musnạ kicricʼ, beguni roṅakʼ kicricʼ, lumạṅ kicricʼ ar jeṅgetʼ arakʼ kicricʼ; aema lekan mońj so kaṭko ar hạti ḍaṭate tearakʼ aema jinisko; damanakʼ kaṭ reakʼ tearakʼ jinisko, pitạl, mẽṛhẽtʼ ar mormor dhirite tear jinisko;

Johan 19:5

Ar Jisu do jạnum reakʼ mukuṭ ar beguni roṅanakʼ kicricʼ horokʼ akatʼge bahreteye oḍok hecʼena. Unre Pilạt do hoṛkoe metatʼkoa, “Nũkʼũi ńelepe, uni hoṛ.”

Johan 19:2

Palṭonko do jạnum reakʼ mukuṭ galaṅkate bohokʼreko horokʼadea.

Jirimiạ 10:9

Tạrsis khon koṭecʼ capṛawakʼ rupạ ar Uphas khon sonako ạguiyeda. Ar kạrigol ar sonhar do onakote boṅgako muṛạuetʼkoa. Onko do beguni roṅakʼ kicricʼ ar jeṅgetʼ arakʼ kicricʼko horokʼako kana; ona do gạkhuṛ kạrigol tite benaoakʼ kana.

Ester 8:15

Mordekai do mĩhĩ musnạ sutạm reakʼ beguni kicricʼ cetanre lil ar ponḍ roṅ reakʼ raj kicricʼ horokʼkate ar sona reakʼ mitʼṭecʼ mukuṭ bohokʼre horokʼkate raj samaṅ khone oḍok calaoena. Ar Susan nagraharen hoṛko do ãṭ aṛaṅteko hulạsena.

Johan sodor 17:4

Uni maejiu do beguni roṅakʼ kicricʼe horokʼ akatʼ tahẽkana ar hoṛmore do sona ar damanakʼ dhiri ar muti mạnikkote abhran tahẽkantaea. Uniyakʼ tire do hirkhạwakʼte perecʼ ar acʼakʼ loṭghuṭi ar besaphate perecʼ sona reakʼ bạṭi tahẽkana.

Jeheskel 27:7

Misor reakʼ likạn goṛhon mĩhĩ mushnạ kicricʼte amakʼ jahaj reakʼ badam do benaolena ar onatege hoṛko do amko orom daṛeamkan tahẽkana. Elisa khon ạguwakʼ nil ar beguni roṅakʼ kicricʼ do amakʼ dapalakʼ tahẽkana.

Luk 16:19

“Mitʼṭen kisạ̃ṛ hoṛe tahẽkana. Uni do beguni roṅakʼ ar eṭakʼ damanakʼ kicricʼkoe horokʼ bandeyetʼ tahẽkana. Ar jaoge hesecʼ sekrejokʼ tulucʼe jom-ńũiyetʼ tahẽkana.

Bikʼcạrko 8:21

Unre Seba ar Salmuna tạkin kin menkeda, “Amge hecʼkate gocʼlińme, ente am cetʼleka onkage amakʼ kạmiko hõ.” Onate Gideon do hecʼkate unkine gocʼketʼkinạ ar unkinren ũṭakʼ hoṭokʼre tahẽkan condro-har doe raṛa hataokeda.

Bikʼcạrko 8:25

Onkoko roṛ ruạṛadea, “Ale do kusitege onale emokʼa.” Onate onko do mitʼṭecʼ kicricʼko aṭetʼkeda ar mimitʼko do akoakʼ luṭ reakʼ hạṭiń khon mitʼṭecʼkate lutur reakʼ pagrako dohokeda.

Bikʼcạrko 8:27

Gideon do onako sonate mitʼṭecʼ ephode benao ocoketʼa ar acʼakʼ ato Ophrareye dohokeda. Ar Israelko do onḍe ona ephod sewawakʼko ehopʼena arko laṭghaṭkeda. Gideon ar uniyakʼ gharońjrenko lạgitʼ onage mitʼṭecʼ jhampa leka hoyena.

Kạhtukko 31:22

Uni do pichạuṛikoe tearjoṅ kana; acʼhõ musnạ ar beguni roṅakʼ kicricʼe bandeyeda.

Jesaea 3:18

Enhilokʼ Probhu Isor do onkoakʼ napae napae goena gạṭikoe recʼkoa. Uni do onkoakʼ pạigạnko, cạndi reakʼ rupạ jhạliko, chondro harko,