Bikʼcạrko 8:24 - সান্তালী বাইবেল

²⁴ Uni do arhõe metatʼkoa, “Menkhan ińakʼ mitʼṭecʼ nehõr menakʼtińạ. Apeakʼ luṭ reakʼ hạṭiń khon mitʼṭecʼkate lutur reakʼ pagra imạńpe.” Uni do noa iạteye menkeda, ente Midiạnrenko do Ismael bõsren hoṛko tahẽkana ar onako oktere Ismael bõsrenko do luturre sona reakʼ pagrako horokʼetʼ tahẽkana.

Bikʼcạrko 8:24 Referans Kwoze

Genesis 25:13

Ar noa do Ismael bõsrenkoakʼ ńutum kana: Janam lekate uniren hoponkoakʼ ńutum do hoyokʼ kana, pạhilre Nebayot, uni tayom do Kedar, Adbeyel, Mibsam,

Genesis 37:28

Ar Midiạnren bạnij-bepariko do tinreko hecʼ sorena unre Josephren boehako do kuń khonko or rakapʼkedea ar bargel rupạ ṭakate Ismaelren bepari ṭhenko ạkhrińkedea. Onko bạnij-bepariko do Misorte Joshepko idikedea.

Genesis 37:25

Ona tayom Josephren dadattetʼtako do jom-ńũiy lạgitʼko duṛupʼen khan Ismaelren bạnij-beparko Gilead khon hijukʼko ńelketʼkoa. Onko do ũṭre decʼkate jut so mosola, ran sunum ar gondhorosante Misor disạmteko calakʼkan tahẽkana.

1 Rapajko 20:11

Israelren raje menkeda, “Unipe metawaea, ‘okoe hoṛ tarwaṛeante ńit hõ lạṛhạire bae pheḍakan uni do lạṛhạire jitạukate ruạṛ hecʼakan hoṛ leka aloe phulạukʼ ma.’ ”

1 Samuel 25:11

Ińren kạpcikan hoṛko lạgitʼ oka jomakʼ ar ńũńũakʼ iń dohoakatʼ ar gur akatʼko janwar reakʼ hataokate cetʼ nonkan hoṛiń emakoa okoe reaṅ do cetʼge bạń baḍaekan?”

Exodus 32:3

Onko do jotoge akoakʼ lutur reakʼ pagra totʼkate Aronko emadea.

Exodus 12:35

Israelko do Moseyakʼ katha leka misriko sona-rupạ ar kicricʼko koeketʼkoa.

Genesis 24:53

Ona tayom uni do sona ar rupạ reakʼ gohona ar kicricʼko oḍokkate Rebekae emadea, ar Rebekaren boeha ar eṅgattetʼ hõ aema dam reakʼ jiniskoe ematʼkinạ.

Genesis 24:22

Ũṭko dakʼe ńũ sạtatʼko khan uni guti do turui gram ojon sona reakʼ mitʼṭecʼ mạkṛi ar banar ti lạgitʼ barsae gram ojon sona reakʼ barea sakom oḍokkate Rebekae caladeteye kulikedea,

Genesis 35:4

Unre onko ṭhen tinạkʼ boṅga murhutʼko tahẽkan onko do Jakobakʼ tireko jimạketʼkoa. Ona sãote lutur reakʼ pagrako hõ uniko emadea. Ar Jakob do onako hataokate Sikem nagraha ṭhenakʼ maraṅ dare buṭạreye topakada.

Bikʼcạrko 8:25

Onkoko roṛ ruạṛadea, “Ale do kusitege onale emokʼa.” Onate onko do mitʼṭecʼ kicricʼko aṭetʼkeda ar mimitʼko do akoakʼ luṭ reakʼ hạṭiń khon mitʼṭecʼkate lutur reakʼ pagrako dohokeda.

Genesis 25:12

Sararen kạ̃ṛmĩ Misiri Hagarakʼ kukhire Abrahamren hopon Ismaelakʼ janam do hoylena.

Exodus 32:4

Aron do onkoakʼ ona saj bajkoe galao ocoketʼte chańcreye dulketʼa ar mitʼṭen mĩhũ muṭhạne benaokedea. Ona ńelte Israelko doko menkeda, “E boehako, aperen debotako do nuirege menakʼkoa. Misor disạm khon noko debotage ape doko oḍok ạguakatʼpea.”

Exodus 32:8

Onko do ińakʼ hukum khon pharakteko senakana. Onko do ako lạgitʼ mitʼṭen mĩhũ muṭhạnko benao akawana. Ar otre ombakʼkate uniko ḍobokʼae kana ar uni ńutumte janwar dãṛẽko samaṅetʼkoa arko meneda, ‘E boehako, nuirege aboren debota do menakʼkoa. Noko debotage Misor disạm khonko oḍok ạguakatʼ bona.’ ”

Jeheskel 7:20

Onko do mońj mońj gohna iạteko gorbokʼkan tahẽkana ar onate akoren hirkhạwan boṅga muṭhạnko benaojoṅ kan tahẽkana. Onate iń do onako hirkhạwakʼ jinisgeń hoyoco akatʼtakoa.