Bikʼcạrko 8:12 - সান্তালী বাইবেল

¹² Sebah ar Salmuna ńutuman Midiạnren unkin banar raj dokin dạṛkeda. Menkhan Gideon do unkine khudạu idiketʼkinteye sapʼketʼkinạ, ar onkoren goṭa lạṛhại phạdko do Gideon iạte ạḍi botor caṛhaoatʼkoa.

Bikʼcạrko 8:12 Referans Kwoze

Sereńko 83:11

Onkoren cetan hudạren hoṛkoakʼ dosa do Oreb ar Sib lekakome baṛe; ar onkoren disạm cakʼlaokoakʼ dosa hõ Sebah ar Salmuna leka hoyocoe me.

Amos 2:14

Okoe usạrako dạṛ daṛeakʼ onko do apnarte ohoko rukhiyạ daṛelena ar lạṛhại birko hõ akoakʼ jiwi do ohoko rukhiyạ daṛelea.

Jobakʼ 34:19

Uni do rapajkoakʼ mẽtʼãhã bae beṅgetʼatako kana, nacarko bạgi giḍikate kisạ̃ṛko maraṅ mente bae moneyako kana, ente onko jotoge uniyakʼ ti teakʼ kạmiko kangeako.

Bikʼcạrko 8:11

Nobah ar Jogbeha reakʼ purub secʼreko tahẽkan hoṛkoakʼ horte senkate Gideon do ackage onko lạṛhại phạdko cetanre jhãpe emkeda. Unre onko do ạḍi nirdạndiko tahẽkana.

Bikʼcạrko 8:13

Inạ tayom Joasren hopon Gideon do Heros ńutumanakʼ horte lạṛhại khone ruạṛena.

Habakkuk 3:7

Kusanren hoṛ do nindhạn dosareń ńelketʼkoa, ar Midiạnren hoṛ doko thar tharaokʼkana.

Jesaea 9:3

Am do onko jạtrenkom ḍherkoa ar onkoakʼ rạskạm maraṅtakoa; phosol ir jokhecʼ cetʼ leka hoṛko rạskạkʼ, luṭakʼ jinis hạṭiń oktere cetʼ leka rạskạ hecʼako, onkage onko do am samaṅreko rạskạkʼa,