Bikʼcạrko 8:10 - সান্তালী বাইবেল

¹⁰ Seba ar Salmuna do gelmõṛẽ hajar lạṛhại phạdante Karkorrekin tahẽkana. Purub disạmren lạṛhại phạdko modre nokoge sarecʼko tahẽkana ar mitʼ lakh bargel lạṛhại phạdko doko gocʼ ocolena.

Bikʼcạrko 8:10 Referans Kwoze

Bikʼcạrko 7:12

Unre Midiạnrenko, Amalekiko ar purub disạmren hoṛko do ona buru nalare poho lekako tahẽkana. Onkoren ũṭko do gaṅga gitil leka lekhare ạḍi saṅgeko tahẽkana.

2 Rapajko 3:26

Moab raj do tinreye ńelkeda lạṛhạireko bhagao ocokʼkana unre uni do lạṛhại phạdko talate Edomren raj ṭhen senokʼ lạgitʼ acʼ sãote eae sae tarwaṛe cakʼlaokoe soṅgeketʼkoa, menkhan bae sen daṛeada.

Bikʼcạrko 20:46

Enhilokʼ jotote bargel mõṛẽ hajar Benjaminren lạṛhại phạdko gocʼocoyena. Onko sanamkoge bhage lạṛhại phạdko tahẽkana.

Bikʼcạrko 20:35

Probhu Isor do enhilokʼ Israelkoakʼ tire Benjamin gusṭirenkoe jimạketʼkoa ar onko do bargel mõṛẽ hajar mitʼsae Benjaminren hoṛko gocʼketʼkoa. Onko sanamkoge tarwaṛe calaokoko tahẽkana.

Bikʼcạrko 20:25

Ar Benjạminrenko hõ onko tạkicʼ daramko lạgitʼ Gibea khonko oḍokente arhõ gel irạl hajar Israelkoko gocʼketʼkoa. Onko sanamkoge tarwaṛe calao lạṛhại phạdko tahẽkana.

Bikʼcạrko 20:17

Israelren sarecʼ lạṛhại phạdkoakʼ lekha do pon lakh tahẽkana. Onko do sanamkoge lạṛhạire ạḍi gạkhuṛko tahẽkana.

Bikʼcạrko 20:15

Enhilokʼ onko do akoakʼ atoko ar nagraha khon bargel turui hajar lạṛhại phạdko jarwaketʼkoa. Ona chaḍa onko sãote Gibearen eae sae tarwaṛe calaokoko tahẽkana.

Bikʼcạrko 20:2

Niạ katha do Benjamin gusṭiren hoṛko ańjom tiyokʼkeda. Ar Isorren okoeko hoṛko jarwayen onko modre Israel gusṭikoren sanam mukhiyạko ar pon lakh tarwaṛe cakʼlao hoṛko tahẽkana. Onko do baḍae sanaketʼkoa, ona hirkhạwakʼ kạmi do cekate hoyena.

Jesaea 37:36

Ona tayom Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Ar dosar hilokʼ setakʼre hoṛko to tinreko beretʼena unre sanam jaegare eken mạ̃ṛĩko ńelkeda.

Jesaea 9:4

Midiạnakʼ bhagaokʼ dinre okam cekaletʼ, onkage am dom rạputʼ kaca kucạya ona hamal arãṛ do, one okako gokʼ akatʼ, ar ona ṭheṅgage, one oka doe daletʼko, ar onko jạtrenkoge, okoe do onkoko santaoetʼko.

2 Bõsbudạ 28:8

Israelko do onkoren jạt boehako tala khon maejiuko ar koṛa hoponko ar kuṛi hoponkoko bondi idiketʼkoa. Onkoakʼ lekha do bar lakh tahẽkana. Onko do ḍher jinisko hõ Samariạteko luṭ idikeda.

2 Bõsbudạ 13:17

Abia ar uniren hoṛko do ạḍi utạr hoṛko gocʼketʼkoa. Onate Israelkoren bachao akan hoṛko mod khon mõṛẽ lakh hoṛko gocʼena.

Bikʼcạrko 7:22

Pe sae sakwa saḍekʼ oktere Probhu Isor do ḍera bhitriren hoṛkoe andmandaoketʼkote onko do mitʼ hoṛ armitʼ hoṛ cetanre tarwaṛeante lạṛhạiko ehopʼena. Onate Midiạnren lạṛhại phạdko do Tabat ṭhen Beth-sita hạbicʼko dạṛkeda.

Bikʼcạrko 6:5

Onko do akoren ạsul janwarko ar tạmbuko salakʼ pohoko leka jhãke jhãkko hijukʼkan tahẽkana.

Bikʼcạrko 8:11

Nobah ar Jogbeha reakʼ purub secʼreko tahẽkan hoṛkoakʼ horte senkate Gideon do ackage onko lạṛhại phạdko cetanre jhãpe emkeda. Unre onko do ạḍi nirdạndiko tahẽkana.

Bikʼcạrko 7:13

“Gideon do tinre onḍe senkateye seṭerena unre mitʼṭen hoṛ do acʼren gate sãote mitʼṭecʼ kukmũ reakʼ kathae lạiyaekan tahẽkana. Uni doe menetʼ tahẽkana, “Iń do mitʼṭecʼ iń kukmũkeda. Iń doń ńelkeda Jao reakʼ mitʼṭecʼ piṭhạ do Midiạnrenkoakʼ tạmbure guṛdạu hecʼena. Ona do onkoakʼ tạmbure nunạkʼ murukte josena, ar onate onkoakʼ tạmbu do lạnduṛena.”