Bikʼcạrko 7:8 - সান্তালী বাইবেল

⁸ Onate Gideon do pe sae hoṛ dohokate sarecʼ Israelko oṛakʼteye kol ruạṛkatʼkoa. Ar jomakʼko ar sakwako doe koe dohoketʼkote onko pe sae hoṛko ṭhene tahẽyena. Midiạnrenkoakʼ ḍera do tahẽkana Gideonkoakʼ ḍera reakʼ latar secʼre.

Bikʼcạrko 7:8 Referans Kwoze

Jesaea 27:13

Enhilokʼ maraṅ mitʼṭecʼ sakwa do oroṅokʼa. Unre Ạsur disạmre okoe do atʼko tahẽkan ar Misorte okoeko laga ńir ocolen onkoko ruạṛ hijukʼa ar Jerusalem reakʼ sonot burure Probhu Isorko sewawaea.

Bikʼcạrko 6:33

Ar Midiạnrenko, Amalekiko ar purub disạmren lạṛhại phạdko jotoko mitʼente jordan gaḍako paromkeda ar Jisreyel buru nalare senkateko ḍerayena.

Bikʼcạrko 3:27

Onḍe Ephrayim reakʼ buru ṭoṭhare sakwae oroṅketʼ khan Israelko do uni sãote buru khon latarteko pheḍ hecʼente uniko pańja idikedea,

Josuạ 6:20

Sakwa saḍe são sãote hoṛko do ãṭ aṛaṅteko hohokeda. Ar sakwa saḍe iạte tinre hoṛko do ãṭ aṛaṅteko hohokeda unre Jerikho nagraha reakʼ pạcri do lạnduṛ ńurena. Onate sanam hoṛ do nagraha bhitriteko boloyena arko dokholkeda.

Josuạ 6:4

Ar eae naekeko do bheḍa dereń reakʼ eae goṭecʼ sakwa do bondobos-sinduk laha lahate idikʼa. Ar eaeakʼ dinre ape do nagraha beṛhaete eae dhaope ạcurokʼa ar ona sãote naekeko do sakwako oroṅa.

Numeri 10:9

Apnarakʼ disạmre tahen jokhecʼ aperen bạiriko sãotepe lạṛhạire banar pepṛẽtʼ mitʼ dhaotepe oroṅa. Unre aperen Probhu Isor do ape lạgitʼe dạndikʼte bạirikoakʼ ti khone rukhiyạpea.

Levitikus 25:9

Ar ona dosar bochor reakʼ eae cando reakʼ gelakʼ dinre, metakʼme kại reakʼ puruchun dinre apeakʼ disạmre sanam jaegare sakwape oroṅa.

Bikʼcạrko 7:7

Unre Probhu Isor do Gideone metadea, “Okoe pe sae hoṛ do alaṅte caṭokʼkate dakʼko ńũketʼ onko hotetege iń doń bańcaopea ar apeakʼ tire Midiạnrenkoń jimạkoa. Ar eṭakʼko do apan ạpin oṛakʼteko ruạṛ joṅma.”

Bikʼcạrko 7:9

Enhilokʼ ạyupʼ jokhecʼ Probhu Isor do Gideone metadea, “Beretʼme, ar pheḍ senkate onkoakʼ ḍera cetanre jhãp emme. Iń do amakʼ tireń jimạ akatʼkoa.