Bikʼcạrko 7:25 - সান্তালী বাইবেল

²⁵ Onko do Oreb ar Seb ńutuman Midiạnren barea mukhiyạko sapʼketʼkinạ ar Oreb do Oreb reakʼ dhiri ṭhen ar Seb do seb reakʼ darkha lelenkunḍ jaegareko gocʼkedea. Onko do Midiạnrenko khudạu idiketʼkoa ar Oreb ar Seb tạkinakʼ bohokʼ do jordan hanasa Gideon ṭhenko idikeda.

Bikʼcạrko 7:25 Referans Kwoze

Jesaea 10:26

Phạdkoren Probhu Isor do Oreb burure Midiạnrenkoe hạnko jokhecʼ cetʼlekae cekaletʼ onkage uni do cạbukkote Ạsurrene dalkoa. Ar Misorre cetʼe cekaletʼ onkage uni do dakʼ cetanre acʼakʼ ṭheṅgae tultaea.

Josuạ 7:26

Akhanakʼ hoṛmo cetanre onko do ạḍi utạr dhiriko puńjikeda. Ona do teheń hạbicʼ hõ menakʼgea. Inạ tayom Probhu Isor do acʼakʼ edre khone ạcurena. Ar onate ona jaega do Akor lodamko metakʼkana.

Jesaea 9:4

Midiạnakʼ bhagaokʼ dinre okam cekaletʼ, onkage am dom rạputʼ kaca kucạya ona hamal arãṛ do, one okako gokʼ akatʼ, ar ona ṭheṅgage, one oka doe daletʼko, ar onko jạtrenkoge, okoe do onkoko santaoetʼko.

Habakkuk 3:7

Kusanren hoṛ do nindhạn dosareń ńelketʼkoa, ar Midiạnren hoṛ doko thar tharaokʼkana.

Sereńko 83:10

Sisrenko ar Jabin Endorreko mohor meṭaoena; onko do jumi reakʼ guricʼ lekako ńur tahẽyena.