Bikʼcạrko 7:22 - সান্তালী বাইবেল

²² Pe sae sakwa saḍekʼ oktere Probhu Isor do ḍera bhitriren hoṛkoe andmandaoketʼkote onko do mitʼ hoṛ armitʼ hoṛ cetanre tarwaṛeante lạṛhạiko ehopʼena. Onate Midiạnren lạṛhại phạdko do Tabat ṭhen Beth-sita hạbicʼko dạṛkeda.

Bikʼcạrko 7:22 Referans Kwoze

1 Rapajko 4:12

Tanakre, Megidore ar Sorethan ṭhen ar Jesreyel dạkhin reakʼ Bet-San nagraha khon Abel Mehola ar Jokmea hạbicʼ Bet-San reakʼ sanam ṭoṭhare do Ahiludren hopon Bana cetanre tahẽkana.

1 Rapajko 19:16

Ona chaḍa Nimsiren goṛomtetʼ koṛa Jehu do Israelren raj mentem ojokʼ bahalea, ar amakʼ hudạre nạbi hoyokʼ lạgitʼ do Abel Meholaren Saphat hopon Elisayem ojogea.

Josuạ 6:20

Sakwa saḍe são sãote hoṛko do ãṭ aṛaṅteko hohokeda. Ar sakwa saḍe iạte tinre hoṛko do ãṭ aṛaṅteko hohokeda unre Jerikho nagraha reakʼ pạcri do lạnduṛ ńurena. Onate sanam hoṛ do nagraha bhitriteko boloyena arko dokholkeda.

Jesaea 19:2

Probhu Isore meneda, “Iń do Misorren hoṛkoge Misorren hoṛko upạrteń uskurkoa; onate boeha do boeha upạrte, aḍepaseren hoṛ do aḍepaseren hoṛko upạrte, nagraharen hoṛ do nagraharen hoṛko upạrte, ar rajosṭiren hoṛ do rajosṭiren hoṛko upạrteko lạṛhạiya.

Jesaea 9:4

Midiạnakʼ bhagaokʼ dinre okam cekaletʼ, onkage am dom rạputʼ kaca kucạya ona hamal arãṛ do, one okako gokʼ akatʼ, ar ona ṭheṅgage, one oka doe daletʼko, ar onko jạtrenkoge, okoe do onkoko santaoetʼko.

Sereńko 83:9

Am do Midiạnrenko okam cekaletʼko, Kison gaḍa aṛeren sisko ar Jabinko leka nokore hõ onkaeme baṛe.

Josuạ 6:16

Ar eae dhao ạcurokʼ jokhecʼ tinre naekeko do sakwa mitʼ dhaoteko oroṅkeda unre Josuạ do hoṛkoe hukumatʼkoa, “Ãṭ aṛaṅte hohoepe, ente Probhu Isor do nagrahae jimạ akatʼbona.

Josuạ 6:4

Ar eae naekeko do bheḍa dereń reakʼ eae goṭecʼ sakwa do bondobos-sinduk laha lahate idikʼa. Ar eaeakʼ dinre ape do nagraha beṛhaete eae dhaope ạcurokʼa ar ona sãote naekeko do sakwako oroṅa.

2 Korinthiko 4:7

Menkhan noa dhon do hasa bhajanre dohoakana, ar alege ona hasa reakʼ bhajan do. Hasa reakʼ bhajanre dohoakana jemon hoṛkoko bujhạu daṛeakʼ baṅma, noa asambheṛ daṛe do apnar khonakʼ do baṅ bickom Isor ṭhen khonge hecʼakana.

1 Samuel 18:19

Dạud sãote Sạulren hoponera Merabakʼ bapla reakʼ okte seṭeren khan ńelena Merabakʼ bapla do Dạud badkate Mehola atoren Adriyel sãote hoyentaea.

Jeheskel 38:21

Ińakʼ disạm reakʼ sanam buruko cetanre Gog upạrte lạṛhạiyiń ạguiya. Mitʼke mitʼ manwawakʼ tarwaṛe do acʼren boeha upạrte tahentaea.

Habakkuk 3:14

Am do amakʼ ṭheṅgate uniren lạṛhại hoṛkoren matham sobokʼedea. One onko do chirchạtur cabale lạgitʼ hoe bharḍo lekako hijukʼkan, one onko nandanicʼ oko okote jome lekako rạskạkʼkan.

Hagae 2:22

Iń do eṭakʼ eṭakʼ jạtren rapajkoakʼ siṅghạson koń ulṭạu giḍikatakoa ar onkoakʼ ektiạriń marao utạra. Iń do rãt gạḍiko ar onaren cakʼlao koń ulṭạu giḍikoa; sadomko ar aswariko do uniren boehawakʼ tarwaṛeteko gujukʼa.

Jesaea 9:3

Am do onko jạtrenkom ḍherkoa ar onkoakʼ rạskạm maraṅtakoa; phosol ir jokhecʼ cetʼ leka hoṛko rạskạkʼ, luṭakʼ jinis hạṭiń oktere cetʼ leka rạskạ hecʼako, onkage onko do am samaṅreko rạskạkʼa,

Sakariạ 14:13

Enhilokʼ Probhu Isor ṭhen khon maraṅ ḍamaḍolge onkore paṛaokʼa ar onko doko ńẽtʼ ocokʼa. Onko sanamkoge apan ạpin upạrte tiko epela.