Bikʼcạrko 7:13 - সান্তালী বাইবেল

¹³ “Gideon do tinre onḍe senkateye seṭerena unre mitʼṭen hoṛ do acʼren gate sãote mitʼṭecʼ kukmũ reakʼ kathae lạiyaekan tahẽkana. Uni doe menetʼ tahẽkana, “Iń do mitʼṭecʼ iń kukmũkeda. Iń doń ńelkeda Jao reakʼ mitʼṭecʼ piṭhạ do Midiạnrenkoakʼ tạmbure guṛdạu hecʼena. Ona do onkoakʼ tạmbure nunạkʼ murukte josena, ar onate onkoakʼ tạmbu do lạnduṛena.”

Bikʼcạrko 7:13 Referans Kwoze

1 Korinthiko 1:27

menkhan dhạrti do okaṭakʼ lelhawakʼe metakʼkan, onage Isor doe bachaoana, jemon akelankoe lajao ocoko. Ar dhạrti okaṭakʼ nijorakʼe metakʼkan, onage Isor doe bachaoana jemon daṛeankoe lajao ocoko;

Bikʼcạrko 6:15

Gideone menkeda, “Menkhan E ińren Probhu Isor, iń do cekate Israelkoń bańcaokoa? Manase gusṭiko modre alege joto khon nicạṛ utạrko kanale, ar aleakʼ gharońjrenko modre hõ ińgeń huḍiń utạricʼ kana.”

Bikʼcạrko 4:21

Sisera doe laṅga akan tahẽkante onḍegeye jạpitʼkeda. Unre Jayel do tạmbu reakʼ mitʼṭecʼ khil ar hạtuṛe hataokeda. Ar hape hapete senkate Siserawakʼ cạndire onae kuṭạm bitʼadea ar ona do otre bitʼ hapeyena. Ar onate Sisera doe gocʼena.

Bikʼcạrko 4:9

Deborae menkeda, “Am sãoteń calakʼa, menkhan niạ lạṛhại reakʼ sabasi do bam ńama, ente Probhu Isor do mitʼṭen maejiuakʼ tire Siserae jimạyea.” Ar niạ katha menkate Debora do Barak sãote Kedesteye senena.

Bikʼcạrko 3:31

Ehud tayom do Anatren hopon Samgar onkoren raje hoyena. Uni do ḍaṅgra gupi ṭheṅgate Philisṭikoren turui sae hoṛe gocʼketʼkoa. Uni hõ Israelkoe rukhiyạletʼkoa.

Bikʼcạrko 3:15

Inạ tayom Israelko do arhõ Probhu Isor ṭhenko rakʼkeda ar uni do onko lạgitʼ Ehud ńutuman mitʼṭen babańcaoicʼe teṅgowatʼkoa. Uni doe tahẽkana Benjạmin gusṭiren Gera hopon. Uni do leṅgṛageye tahẽkana. Ar Israelko do Moabren raj Eglon ṭhen raj bheja emokʼ lạgitʼko kolkedea.

Bikʼcạrko 7:12

Unre Midiạnrenko, Amalekiko ar purub disạmren hoṛko do ona buru nalare poho lekako tahẽkana. Onkoren ũṭko do gaṅga gitil leka lekhare ạḍi saṅgeko tahẽkana.

Bikʼcạrko 7:14

Uniren gateye roṛ ruạṛkeda, “Noa do Israelkoren Joasren hopon Gideonakʼ tarwaṛe chaḍa ar cetʼge baṅkana. Isor do Midiạnrenko ar onkoakʼ goṭa ḍerage Gideonakʼ tireye soprota.”

Bikʼcạrko 8:10

Seba ar Salmuna do gelmõṛẽ hajar lạṛhại phạdante Karkorrekin tahẽkana. Purub disạmren lạṛhại phạdko modre nokoge sarecʼko tahẽkana ar mitʼ lakh bargel lạṛhại phạdko doko gocʼ ocolena.