Bikʼcạrko 6:6 - সান্তালী বাইবেল

⁶ Midiạnrenko do Israelko tulucʼ ạḍi bạṛicʼko beoharetʼ tahẽkana, ar onate onko do Isor ṭhenko rakʼetʼ tahẽkana.

Bikʼcạrko 6:6 Referans Kwoze

Bikʼcạrko 3:9

Menkhan Israelko do Probhu Isorko rakʼade khan onko lạgitʼ mitʼṭen babańcaoicʼe teṅgowatʼkoa. Uni doe hoyokʼkana Kenas hopon Kaleb bokot Othniyel.

Jirimiạ 5:17

Onko do apeakʼ phosol ar jomakʼko jomtapea, aperen hopon ar hoponerakoko jomkoa; onko do aperen bhiḍi-merom-ḍaṅgra palko jomkoa, ar apeakʼ sanam darkha bagwan ar loa dareko jom cabaetapea. Ar okaṭakʼ gaṛ nagraharepe bhorsakʼkan ona do tarwaṛeteko dhaṅdhasera.”

Sereńko 50:15

Amakʼ muhinre hohowạńme; iń do amiń bańcaomea ar am do ińem manotińạ.”

Bikʼcạrko 3:15

Inạ tayom Israelko do arhõ Probhu Isor ṭhenko rakʼkeda ar uni do onko lạgitʼ Ehud ńutuman mitʼṭen babańcaoicʼe teṅgowatʼkoa. Uni doe tahẽkana Benjạmin gusṭiren Gera hopon. Uni do leṅgṛageye tahẽkana. Ar Israelko do Moabren raj Eglon ṭhen raj bheja emokʼ lạgitʼko kolkedea.

Malaki 1:4

Edom doe men boteja, “Alele chakachun akanre hõ jarkharakʼko do arhõle benao rakaba.” Menkhan phạdkoren Probhu Isore meneda, “Onkoko beretʼ daṛeakʼa menkhan iń do onań rạputʼ giḍikatakoa. Onko do ‘bedhorom’ reakʼ disạmko menocokʼa one onko jạtrenko do jao okte Probhu Isorakʼ edre latarre menakʼko.

Hosea 5:15

Ar tin hạbicʼ onko do akoakʼ dos bako aṅgoc ar iń secʼ bako moneyakʼ unhạbicʼ iń do ińakʼ jaegate ruạṛ senkate onḍeń tahena. Onkoakʼ duk kosṭore onko do gagoj salakʼ iń ṭhenko ruạṛ hijukʼa.”

Jesaea 26:16

E Probhu Isor, kosṭokʼre onko do amko ńam baṛaketʼmea; ar amakʼ sạjại paṛaoatʼkore onko do nehõrate khae khoe koejoṅko phuṭạuatʼmea.

Sereńko 78:34

Uni do onkoe gocʼketʼko tayom sarecʼ hoṛko do uniyakʼ kathako disạkeda; onko do arhõ uni secʼko ạcur ruạṛena ar jitkate uniko ńam baṛakedea.

Dosar Biboron 28:43

“Ape talare girobasokʼan eṭakʼ jạtren hoṛ do ape khonko usulokʼa ar ape dope copotʼ ocokʼa.

Bikʼcạrko 6:7

Midiạnrenkoakʼ santao iạte Israelko do tinre Probhu Isor ṭhen rarakʼko ehopʼena unre Probhu Isor do mitʼṭen nạbi onko ṭhene kolkedea. Uniye menkeda, “Israelkoren Probhu Isore meneda, ‘golam oṛakʼ Misor disạm khon ińgeń oḍok ạgu akatʼpea.

Bikʼcạrko 4:3

Jabinakʼ do irạl sae mẽṛhẽtʼ reakʼ rãt gạḍiko tahẽkantaea ar uni do bargel bochor hạbicʼ Israelko cetanre ạḍi bạṛicʼ jor julume caloetʼ tahẽkana. Onate Israelko do Probhu ṭhen goṛo ńam lạgitʼko rakʼkeda.

Bikʼcạrko 10:10

Onko do Probhu Isor ṭhen rakʼateko menkeda, “Aleren Isor bạgikate sạrige ale do am upạrte ạḍile kại akada ente Bakʼal debotale sewawaekan tahẽkana.”