Bikʼcạrko 6:36 - সান্তালী বাইবেল

^36-37 Unre Gideon do Isore metadea, “Ńelme, iń do khạrạire bhiḍi upʼ iń dohoyeda. Amakʼ gokʼakʼ lekate ińakʼ tite Israelko bańcaoko lạgitʼem ṭhik dohoakatʼ enḍekhan eken ona upʼ cetanrege sisir paṛaokʼma ar sarecʼ jaegako do rohoṛge tahenma. Enḍekhaniń bujhạu daṛeakʼa, amem menakatʼ lekage ińakʼ tite Israelkom bańcaokoa.”

Bikʼcạrko 6:36 Referans Kwoze

Bikʼcạrko 6:14

Probhu Isor do uni secʼ ạcurenteye menkeda, “Amakʼ niạ daṛetege Do calakʼme ar Midiạnrenkoakʼ ti khon Israelko bańcaokom, ente ińgeń koletʼmea.”

Mathae 16:1

Phạrusiko ar Sạdukiko do Jisu bidạue lạgitʼ uni ṭhenko hecʼena ar serma khon mitʼṭecʼ cinhạ udukʼako lạgitʼko metadea.

2 Rapajko 20:9

Jesaea doe roṛ ruạṛkeda, “Probhu Isor acʼakʼ gokʼake dohoy ona lạgitʼ uni do mitʼṭecʼ cinhại dohoya. Onate ma lạime, umul do cetʼ gel dhap lahakʼ se gel dhap tayomokʼa?”

Genesis 15:8

Unre Abrame menkeda, “E Probhu, ińren Isor, iń do cekateń baḍaea, noa disạm do ińakʼ ạidạrire hijukʼa mente?”

Bikʼcạrko 6:16

Probhu Isore roṛ ruạṛketʼteye menkeda, “Iń do am sãoteń tahena, ar onate sanam Midiạnrenko do mitʼ hoṛ lekagem haraokoa.”

1 Samuel 14:10

Arko metalaṅ khan, ‘ale ṭhen rakapʼ hijukʼ ben,’ enḍekhan laṅ rakapʼ calakʼa. Ar Probhu Isor aboakʼ tireye jimạ akatʼko onage hoyokʼa alaṅ ṭhen uniyakʼ cinhạ do.”

Jesaea 7:11

“Am do amren Probhu Isor ṭhen menme jemon uni do mitʼṭecʼ cinhại udukʼam- ar ona cinhạ do patal puri khon serma hạbicʼ jãhãn ṭhạ̃iregeye udukʼam ma.”

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.