Bikʼcạrko 6:3 - সান্তালী বাইবেল

³ Israelko do tinre phosolko eretʼ tahẽkana unre Midiạnrenko, Amalekiko ar purub disạmren hoṛko hecʼkate onkoakʼ disạmko luṭ idiyetʼkan tahẽkana.

Bikʼcạrko 6:3 Referans Kwoze

Bikʼcạrko 7:12

Unre Midiạnrenko, Amalekiko ar purub disạmren hoṛko do ona buru nalare poho lekako tahẽkana. Onkoren ũṭko do gaṅga gitil leka lekhare ạḍi saṅgeko tahẽkana.

Bikʼcạrko 6:33

Ar Midiạnrenko, Amalekiko ar purub disạmren lạṛhại phạdko jotoko mitʼente jordan gaḍako paromkeda ar Jisreyel buru nalare senkateko ḍerayena.

Bikʼcạrko 3:13

Eglon raj do Amoniko ar Amalekiko soṅgekate Israelkoe akromonketʼkoa ar khijur nagrahae hatkeda.

Jobakʼ 1:3

Ar eae hajar bhiḍiko, pe hajar ũṭko, mõṛẽsae joṛa ḍaṅgra ar mõṛẽsae gadhako tahẽkantaea. Purub disạmren hoṛko modre unige jotoko khon kisạ̃ṛgeye tahẽkana.

1 Rapajko 4:30

Purub disạm ar Misorren sanam ạkilan hoṛko khon Solomonakʼ ạkil do ḍherge tahẽkana.

Bikʼcạrko 8:10

Seba ar Salmuna do gelmõṛẽ hajar lạṛhại phạdante Karkorrekin tahẽkana. Purub disạmren lạṛhại phạdko modre nokoge sarecʼko tahẽkana ar mitʼ lakh bargel lạṛhại phạdko doko gocʼ ocolena.

Genesis 29:1

Jakob do calakʼ calakʼte purub disạmren hoṛkoakʼ ṭoṭhateye seṭerena.

Mikạ 6:15

Itạpe eragea menkhan phosol do bape getʼ rakapʼ daṛeakʼa; ape do jạitun jope lelena menkhan ona reakʼ sunum do bape beohar daṛeakʼa, ar darkha len katehõ ona reakʼ rasa hõ bape ńũ daṛeakʼa.

Jobakʼ 31:8

enḍekhan okań er akatʼ ona do eṭakʼ hoṛko jom ma, ińakʼ anaj do rehetʼ sudhạko totʼ giḍikakʼma.

Dosar Biboron 28:51

Onko do aperen mĩhũ-meromko ar khet reakʼ phosolko jom cabaetapea ar sesrepe marao utạrokʼa. Ape lạgitʼ jãhãn phosol, nãwã darkha rasa, sunum se gại ḍaṅgra se bhiḍi meromkoren hopon hõ bako sarecʼkoa, ar ape do sesrepe marao utạrokʼa.

Levitikus 26:16

enḍekhan ape cetanre noakoń ạguya, iń do ackage apeakʼ hoṛmore khoy rogko, mẽtʼ bolokʼ rog ar jiwi loraokʼ rogkoń ạguiya. Ar ape do noako rog iạte bape ńeńela ar hoṛmo reakʼ daṛeko ńur cabakʼtapea. Unre itạpe erlere hõ jãhãn lab do baṅ hoyokʼtapea, ente apeakʼ phosol do bạirikoko joma.

Bikʼcạrko 6:2

Israelko cetanre Midiạnrenkoakʼ santao do nunạkʼ ḍher idiyena je, Israelko do buru reakʼ paṛakʼre, danderre ar buru cetan reakʼ gaṛkore asrayokʼko ehopʼena.

Bikʼcạrko 6:4

Onko do Israelkoakʼ disạmre jhãp emkate Gasa hạbicʼ sanam jaega reakʼ phosolko nosṭoyetʼ tahẽkana. Israelko jomkate jiwetʼko tahẽ daṛeakʼ nonkan jãhãnakʼge Midiạnrenkoakʼ ti khon baṅ rukhiyạkʼkan tahẽkana, onkoren bhiḍiko, ḍaṅgrako ar gadhako hõ baṅa.

1 Rapajko 20:27

Ar Israelko hõko jarwayena. Ar onkoakʼ jomakʼko reakʼ bebosta hoyen khan onko do Aramrenko sãote lạṛhại lạgitʼko oḍok hecʼena. Ar Aramrenko samaṅreko ḍerayena. Unre onko ńelte ako do barea huḍiń merom palren lekako hudisena, ente Aramrenko do goṭa disạmko chạplạu esetʼ akatʼ tahẽkana.

Jesaea 62:8

Probhu Isor do acʼakʼ jojom tite, acʼakʼ daṛeanakʼ tite kiriạkateye men akada, “Iń do ar tishõ amakʼ anajko bạirikoakʼ tire bạń emokʼa ar okaṭakʼ darkha rasa lạgitʼpe khaṭaokʼkan ona hõ bidisiạko do tishõ bako ńũiya.

Jeheskel 25:4

Onate iń do purub disạmren hoṛkoakʼ tireń soprotpea. Onko do apeakʼ disạmre tạmbuko ṭaṅgao ar ape talareko girobasokʼa; onko do apeakʼ jo ar toako joma.

Genesis 25:6

Uni do acʼren chuṭki erakoren hoponko hõ acʼ jiwetʼe tahenrege ḍhere danatʼkoa. Noko do Isahak sãote bae tahẽ ocowatʼkoa menkhan purub reakʼ mitʼṭecʼ disạmteye kolkatʼkoa.

Exodus 17:8

Niạ oktere Amalekikoren palṭonko do Israelko tulucʼ lạṛhại lạgitʼ Rephidimreko jarwayena.

Bikʼcạrko 10:12

Tinre Sidonrenko, Amalekiko ar Maonirenkoakʼ santao iạte goṛo ńam lạgitʼ iń ṭhenpe rakʼkeda unre hõ onkoakʼ ti khoniń bańcaoletʼpea.

1 Rapajko 5:10

Nonkate Hiram do Solomon jạṛuṛae bhor debdạru kaṭ ar saro kaṭkoe emadea,

Jesaea 11:14

Unkin do pạchim secʼ khon Philisṭikoakʼ disạm reakʼ daṛaṅ jaegare hatkin lagaoa, ar mitʼ sãote purub secʼakʼ disạmkin luṭa. Unkin do Edom ar Moabkin dokhol joṅa ar Amonrenko do unkin gobolrenko hoyokʼa.

Jirimiạ 49:28

Babelren raj Nebukadnesar do Kedar ar Hasorren okoekin raje bhagaoletʼ kin unkin babotre Probhu Isor doe meneda, “Beretʼpe, ar Kedarte rakapʼ calakʼpe ar purub disạmren hoṛko jarkharkope.

Jeheskel 25:3

Probhu Isorakʼ noa katha onko ańjom lạgitʼ metakom, ‘Ińakʼ oṛakʼ besonotokʼkan ar Israel disom ujạṛokʼkan ńelte ar Jihudạren hoṛko bondi ocokʼkan ńelte ape do ạḍipe kusilena.