Bikʼcạrko 6:26 - সান্তালী বাইবেল

²⁶ Ona tayom ona jaega cetanre amren Isor Probhu Isor ńutumte mitʼṭen mońj okocʼ pinḍ benaome. Ar ona tayom onem makʼ giḍiakatʼ Asera muṭhạn reakʼ kaṭte dosaricʼ ḍaṅgrate mitʼṭecʼ jeredokʼ samaṅokʼakʼ samaṅme.”

Bikʼcạrko 6:26 Referans Kwoze

1 Korinthiko 14:40

Menkhan noako sanamakʼ do ṭhik leka ar napaetege baṛe hoyokʼma.

1 Korinthiko 14:33

Isor do gulmalren Isor doe baṅkana, menkhan sulukren Isorge. Isorren hoṛko sanam manḍerkore cetʼ lekako tahenkan,

2 Samuel 24:18

Enhilokʼ Gad do Dạud ṭhen senkateye metadea, “Am do Jebusiạren Arownakʼ khạrạite senkate Probhu Isor ńutumte onḍe mitʼṭecʼ pinḍ benaome.”

Exodus 34:13

Onkoakʼ pinḍkope rạputʼ giḍikatakoa, onkoakʼ pujạ reakʼ dhirikope gejertakoa ar onkoko pujạwako Asera khunṭiko hõpe rạputʼ giḍikatakoa.

Bikʼcạrko 6:25

Ona ńindạge Probhu Isor do Gideone metadea, “Ạpumakʼ ḍaṅgra pal khon uni eae serma umerren dosaricʼ ḍaṅgram hataoea. Ar ona tayom Bakʼal debota ńutumte ạpum okaṭakʼ pinḍ do gaṛ lekan ṭhạ̃ireye benao akatʼ ona rạputʼ gejerme ar ona aṛere okaṭakʼ Asera-muṭhạn menakʼ ona hõ makʼ rạpudme.

Bikʼcạrko 6:27

Ona iạte Gideon do acʼren kạmiyạko mod khon gel hoṛe soṅgeketʼkote Probhu Isorakʼ katha lekae kạmikeda. Menkhan acʼakʼ gharońj ar atoren hoṛko botorte sińre baṅkate ńindại kạmikeda.

1 Samuel 6:14

Bet-semesre hecʼkate sagaṛ do Josuạwakʼ khet talare mitʼṭecʼ maraṅ okocʼ dhiri aṛere teṅgoyena. Ar Israelko do ona sagaṛ reakʼ kaṭte unkin gại do Probhu Isor ńutumte jeredokʼ samaṅokʼakʼko samaṅkeda.

2 Samuel 24:22

Arowna do Dạude metadea, “Ińren mạlik maharaj oka bhagem hudisetʼ onage ińakʼ nonḍe khon samaṅme. Jeredokʼ samaṅokʼakʼ lạgitʼ ḍaṅgra do nonḍege menakʼkoa ar sahan lạgitʼ hõ enokʼ paṭako ar ḍaṅgrakoakʼ arãṛ menakʼa.