Bikʼcạrko 6:25 - সান্তালী বাইবেল

²⁵ Ona ńindạge Probhu Isor do Gideone metadea, “Ạpumakʼ ḍaṅgra pal khon uni eae serma umerren dosaricʼ ḍaṅgram hataoea. Ar ona tayom Bakʼal debota ńutumte ạpum okaṭakʼ pinḍ do gaṛ lekan ṭhạ̃ireye benao akatʼ ona rạputʼ gejerme ar ona aṛere okaṭakʼ Asera-muṭhạn menakʼ ona hõ makʼ rạpudme.

Bikʼcạrko 6:25 Referans Kwoze

Bikʼcạrko 3:7

Ar Israelko do Probhu Isorakʼ mẽtʼre oka bạṛicʼakʼkan onage kạmiko ehopʼena. Onko do akoren Probhu Isorko hiṛińkedete Bakʼal debota ar Asera debi sewawaeko ehopʼena.

Exodus 34:13

Onkoakʼ pinḍkope rạputʼ giḍikatakoa, onkoakʼ pujạ reakʼ dhirikope gejertakoa ar onkoko pujạwako Asera khunṭiko hõpe rạputʼ giḍikatakoa.

Aposkạmi 5:29

Unre Patras ar eṭakʼ apostolkoko roṛ ruạṛkeda, “Manwakoakʼ hukum batao khon Isorakʼ hukumkoge batao lek tabona.

Mathae 10:37

“Jãhãege, acʼren eṅgat-apat iń khon bạ̃ṛtiye dulạṛkin uni do ińre lek doe baṅkana. Ar jãhãe acʼren gidrạko iń khon bạ̃ṛtiye dulạṛko uni hõ ińre lek doe baṅkana.

Mathae 6:24

“Okoe hõ barea kisạ̃ṛ ṭhen guti do ohoe khaṭao daṛelena, ente mitʼ hoṛe dulạṛea ar eṭagicʼ doe kurudaea. Mitʼ hoṛakʼe ańjomtaea ar eṭagicʼ doe neṅghaoea. Isor ṭhen ar dhon ṭhen guti do ohogepe khaṭao daṛelena.

1 Rapajko 18:21

Eliạ do hoṛko samaṅre senkateye menkeda, “Ar tinạkʼ din barea lạukạre lebetʼ akanpe tahena? Probhu doe Isorkan khan unige sewawaepe, ar Bakʼalgeye Isorkan khan enḍekhan unige sewawaepe.” Menkhan hoṛko do cetʼge bako roṛ ruạṛleda.

Aposkạmi 4:19

Patras ar Johan dokin roṛ ruạṛkeda, “Apeakʼ hukum liń manaoa se Isorakʼ hukumko liń senakʼa? Isorakʼ mẽtʼãhã samaṅre okaṭakʼ ṭhika, ona do apege bicạrpe.

Sereńko 101:2

Sạbit jion khemao lạgitʼ iń moneyakʼa; Am do iń ṭhen tisem hijukʼa? Iń do sạbit monte ińakʼ oṛakʼreń tahena.

Jobakʼ 22:23

Sanam daṛeanicʼ ṭhenem ruạṛ hecʼlen khan, tobe do lahate lekam pheraokʼa. Amakʼ tạmbu khon bạṛicʼakʼkom sạṅgiń giḍile khan,

Dosar Biboron 7:5

Ape do onko jạtrenkoakʼ pinḍkope rạputʼ giḍikatakoa, ar pujạ reakʼ dhirikope gejertakoa, Asera khunṭiko hõpe rạputʼ giḍikatakoa ar boṅga muṭhạnko do seṅgelrepe khadle giḍikakoa.

Genesis 35:2

Unre Jakob do acʼren hoṛko ar sãoten eṭakʼ hoṛkoe metatʼkoa, “Ape ṭhen tinạkʼ boṅga murhutʼko menakʼko onko joto do giḍikakope ar apnar baṛe saphakʼpe ar apeakʼ kicricʼko bodoltape.

Bikʼcạrko 2:11

Ar Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana. Onko do Bakʼal debotako sewawae kan tahẽkana.

Bikʼcạrko 6:26

Ona tayom ona jaega cetanre amren Isor Probhu Isor ńutumte mitʼṭen mońj okocʼ pinḍ benaome. Ar ona tayom onem makʼ giḍiakatʼ Asera muṭhạn reakʼ kaṭte dosaricʼ ḍaṅgrate mitʼṭecʼ jeredokʼ samaṅokʼakʼ samaṅme.”