Bikʼcạrko 6:23 - সান্তালী বাইবেল

²³ Menkhan Probhu Isor do uniye metadea, “Suluk hoyokʼtam ma, ar alom botorokʼa. Am do bam gujukʼa.”

Bikʼcạrko 6:23 Referans Kwoze

Daniel 10:19

Uni do ińe metadińạ, “E Isorren dulạṛiạ, alom botorokʼa. Amakʼ suluk baṛe hoyokʼma. Diljoṅme ar daṛean hoyokʼme.” Uni do iń sãote kathae roṛketʼ sãote iń do daṛe ńamketʼteń menkeda, “E ińren kisạ̃ṛ, ma roṛme, ente am do daṛem emadińạ.”

Johan 20:26

Ado niạ mitʼ hapta tayom celako do arhõ oṛakʼ bhitrire mitʼ ṭhenko jarwayena, ar Thoma hõ onko sãoteye tahẽkana. Unre silpińko sińge tahẽkanre hõ Jisu do hecʼkate onko talare teṅgoyenteye metatʼkoa, “Suluk ape ma.”

Genesis 43:23

Uni ńel todaroticʼ doe menkeda, “Jotoge ṭhikgea, alope botorokʼa. Ape ar aperen babaren Isorge ona dan do apeakʼ bostareye doholeda. Apeakʼ ṭaka doń ńam akada.” Ar noa menkate Simeon do onko ṭhene oḍok ạgukedea.

Johan 20:19

Ado enhilokʼge, hapta reakʼ pạhil din ạyupʼ jokhecʼ celako do Jihudi mukhiyạko botorte duạr sińkate mitʼ ṭhenko jarwa akan tahẽkana. Unre Jisu do hecʼkate onko talare teṅgoyenteye metatʼkoa, “Suluk apema.”

Johan 14:27

“Iń do ape lạgitʼ suluk iń doho oṭokakʼ kana, ińakʼ sulukge apeń emape kana; dhạrti cetʼ lekae emokʼkan onka do bạń emokʼ kana. Apeakʼ ontor do alo khad badaokʼtapema ar monre botor hõ alo tahentape ma.

Sereńko 85:8

Probhu Isor okaṭakʼe mitạń iń do onageń ańjoma; uniren hoṛko ṭhen, uni botoraeko ṭhen uni do suluk reakʼ kathae roṛa; menkhan onko do lelha secʼ ar aloko ruạṛma.

Genesis 32:30

Unre Jakob do ona jaega reakʼ ńutum Penuele dohokeda (metakʼme “Isorakʼ mẽtʼãhã”). Uniye menkeda, “Iń do samna sạmni Isoriń ńelkedere hõ jiwetʼge minạńa.”

Romiko lạgitʼ Pạul Apostolakʼ ciṭhi 1:7

Rom nagraharen okoeko hoṛ do Isore dulạṛetʼko ar acʼren hoṛ hoyokʼ lạgitʼe hohoakatʼko, onko sanamko ṭhen, metakʼme ape ṭhenge iń do noa ciṭhiń oletʼkana. Aboren Isor Baba ar Probhu Jisu Mạsi doe mãyã apema ar suluke dan apema.

Bikʼcạrko 6:22

Gideon do Probhu Isorren goḍet kanae menteye bujhạuketʼ khane menkeda, “Hae hae, E Probhu Isor, iń do Probhu Isorren goḍet samna sạmniń ńelkedea!”

Bikʼcạrko 6:24

Unre Gideon do Probhu Isor ńutumte onḍe mitʼṭecʼ pinḍe benaoketʼte ona reakʼ ńutum do Jehowa-Shalome dohokeda (mane do “Probhu Isorge suluktetʼ”). Ar ona pinḍ do teheń hạbicʼ Abieser gusṭikoakʼ Ophrare menakʼa.

Bikʼcạrko 19:20

Unre uni haṛam hoṛe menkeda, “Amakʼ suluk baṛe hoyokʼtam ma. Ar jãhãnakʼge jạruṛem bujhạu ona reakʼ bhar do ińre dohoyme. Menkhan ńindạ do niạ tala kulhire alope tahẽ aṅgakʼa.”

Genesis 32:31

Jakob do tinre Peniel khone mohnḍayena unre siń cando doe rakapʼena. Ar acʼakʼ bulu iạte kheṛdokʼ kheṛdokʼe taṛam idikeda.