Bikʼcạrko 6:21 - সান্তালী বাইবেল

²¹ Unre Probhu Isorren goḍetakʼ tire okaṭakʼ ṭheṅga tahẽkan ona reakʼ agalte ona jel ar bin khạmiyanakʼ piṭhạye ṭunḍukeda. Onate dhiri khon seṅgel rakapʼente jel ar piṭhạye atarkeda, Ar Probhu Isorren goḍet doe chanena.

Bikʼcạrko 6:21 Referans Kwoze

Levitikus 9:24

Ar Probhu Isor ṭhen khon seṅgel oḍok hecʼente pinḍ cetan reakʼ jeredokʼ samaṅokʼakʼ ar sanam itilkoe jomkeda. Ar noa ńelte hoṛ doko sạhnạskeda ar taberenteko sewakeda.

2 Bõsbudạ 7:1

Solomonakʼ koejoṅ mucạtʼen são sãote serma khon seṅgel do pheḍ hecʼente jeredokʼ samaṅokʼakʼ ar eṭakʼ eṭakʼ samaṅokʼakʼ jotowakʼ jiniskoe atarkeda ar koejoṅ oṛakʼ do Probhu Isorakʼ ṭhonokte perecʼena.

1 Rapajko 18:38

Unre coṭ khon Probhu Isorakʼ seṅgel do pheḍ hecʼente samaṅakʼ jelko, sahanko, dhiriko ar hasakoe jomkeda ar nala reakʼ dakʼ hõe jal ańjetʼkeda.

1 Bõsbudạ 21:26

Dạud do onḍe Probhu Isor ńutumte mitʼṭecʼ pinḍe benaokeda ar jeredokʼ samaṅokʼakʼ ar sulukren samaṅokʼakʼe samaṅkeda. Uni do Probhu Isor ṭhene nehõrena ar Probhu Isor do jeredokʼ samaṅokʼakʼ pinḍ cetanre serma khon seṅgele kolkeda.

Bikʼcạrko 13:20

Seṅgel reakʼ lepʼ tinre pinḍ khon cetante serma secʼ rakabokʼkan tahẽkana unre Probhu Isorren goḍet do ona lepʼ seṅgelte coṭteye rakapʼ calaoena. Ar noa ńelte Manoho ar uniren bạhuttetʼ do otrekin ombakʼ hapeyena,

Bikʼcạrko 6:20

Unre Isorren goḍet do uniye metadea, “Jel ar bin khạmiyanakʼ piṭhạ do niạ dhiri cetanre dohoyme, ar rase hõ dulakʼme.” Ar Gideon doe onkakeda.

Bikʼcạrko 13:19

Manoho do unre mitʼṭen merom boda ar uni sãote anaj samaṅokʼ jinisko ạgukate Probhu Isor ńutumte mitʼṭecʼ dhiri cetanreye samaṅkeda. Ar Probhu Isorren goḍet do unre mitʼṭecʼ hahaṛawakʼe kạmikeda, ar Manoho ar uniren bạhuttetʼ do onakin ńeletʼkan tahẽkana.

Jesaea 38:7

“ ‘Ińakʼ katha lekageń kạmikan ona reakʼ cinhạ do noage: