Bikʼcạrko 6:20 - সান্তালী বাইবেল

²⁰ Unre Isorren goḍet do uniye metadea, “Jel ar bin khạmiyanakʼ piṭhạ do niạ dhiri cetanre dohoyme, ar rase hõ dulakʼme.” Ar Gideon doe onkakeda.

Bikʼcạrko 6:20 Referans Kwoze

Bikʼcạrko 13:19

Manoho do unre mitʼṭen merom boda ar uni sãote anaj samaṅokʼ jinisko ạgukate Probhu Isor ńutumte mitʼṭecʼ dhiri cetanreye samaṅkeda. Ar Probhu Isorren goḍet do unre mitʼṭecʼ hahaṛawakʼe kạmikeda, ar Manoho ar uniren bạhuttetʼ do onakin ńeletʼkan tahẽkana.

Bikʼcạrko 6:19

Gideon do bhitrite bolokate mitʼṭen merom hopon gurkateye isinkedea ar gel irạl keji holoṅ tulucʼ thoṛa bin khạmiyanakʼ piṭhạye benaokeda. Ona tayom onako bahrete ạgukate Elon dare buṭạre Probhu Isorren goḍet samaṅreye dohokeda.

Bikʼcạrko 6:21

Unre Probhu Isorren goḍetakʼ tire okaṭakʼ ṭheṅga tahẽkan ona reakʼ agalte ona jel ar bin khạmiyanakʼ piṭhạye ṭunḍukeda. Onate dhiri khon seṅgel rakapʼente jel ar piṭhạye atarkeda, Ar Probhu Isorren goḍet doe chanena.

Bikʼcạrko 13:16

Probhu Isorren goḍete roṛ ruạṛkeda, “Iń ben sapʼ doholiń khan hõ abenakʼ jãhãn jomakʼ do bạń joma. Menkhan jeredokʼ samaṅokʼakʼ samaṅ ben menetʼ khan ona do Probhu Isor ńutumtege onkae ben.” Uni do Probhu Isorren goḍete tahẽkan Manoho do ona bae bujhạu daṛeada.

Bikʼcạrko 13:15

Unre Manoho do Probhu Isorren goḍete metadea, “Merom boda hoponakʼ jel isinkate ạuriliń ạguam hạbicʼ; am do thoṛa ghạṛicʼ tahẽ hataṛokʼme.”