Bikʼcạrko 6:15 - সান্তালী বাইবেল

¹⁵ Gideone menkeda, “Menkhan E ińren Probhu Isor, iń do cekate Israelkoń bańcaokoa? Manase gusṭiko modre alege joto khon nicạṛ utạrko kanale, ar aleakʼ gharońjrenko modre hõ ińgeń huḍiń utạricʼ kana.”

Bikʼcạrko 6:15 Referans Kwoze

1 Samuel 9:21

Sạule roṛkeda, “Am do cedakʼ niạ katha dom mitạń kana? Israelkoakʼ sanam gusṭiko modre Benjạmin gusṭige sanam khon huḍiń utạrakʼ kana, ar iń do ona gusṭiren hoṛ kạnạń. Arhõ Benjạmin gusṭiren tinạkʼ bõsko menakʼle onako modre aleakʼ bõsren do celegele baṅkana.”

Exodus 3:11

Menkhan Mose do Isore metadea, “Iń do nonkan celegeń baṅkana, one Pharao ṭhen senkate Misor khon Israelkoń oḍok ạgu daṛeako.”

Exodus 4:10

Mose doe menkeda, “Menkhan E Probhu Isor, iń do rawal moca hoṛ doń baṅkana. Lahatehõ bạń roṛ daṛeakʼ kan tahẽkana ar am sãote katha roṛ tayom hõ bạń daṛeakʼ kana. Ińakʼ mocare katha do aṭkaokʼtińa, ente ińakʼ alaṅ do hamalgetińạ.”

Jirimiạ 1:6

Unre iń doń menkeda, “E Probhu Isor, iń do katha roroṛ bạń baḍaea; ar iń doń huḍińgea.”

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

1 Korinthiko 15:9

Ente apostolko modre ińge sanamko khoniń nicạṛgea, ar apostol ńumugokʼ lek hõń baṅkana, ente Isorakʼ manḍerren koń khedletʼkoa.

Luk 1:34

Mạriạm do serma goḍete metadea, “Noa do cekate hoedaṛekokʼa? Ińakʼ ma baplage coṅ baṅ hoyakantiń.”

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Jirimiạ 50:45

Onate Probhu Isor do Babel upạrte okae goṭa akatʼ, ar Babelren hoṛko upạrte okae pontha akatʼ ona ańjompe. Palren kạṭicʼ hoponko hõko or idi ocokʼa; ar onkoakʼ kạmi khạtirtege ạtiń ṭạnḍi doe maraoa.

1 Samuel 18:23

Onko do noa katha Dạudko baḍae ocokede khan uni doe menkeda, “Rajren jãwãe gomkeń hoyokʼ do cetʼ ạḍi algagepe bujhạueda? Iń doń reṅgecʼ hoṛ kana, mitʼṭen sadharon hoṛ kạnạń.”

Genesis 32:10

Amren nui guti oka daya ar pạtiạrem udukʼ akawade onaren lek doń baṅkana. Eken mitʼṭecʼ ṭheṅga tire sapʼkate noa Jordan gaḍań paromlena, menkhan ńitokʼ iń soṅgere barea maraṅ dolrenko menakʼkoa.

Bikʼcạrko 6:11

Mitʼdin Probhu Isorren goḍet do hecʼkate Ophra ato reakʼ Elon dare buṭạreye duṛupʼena. Ona jaega do Abieser bõsren Joasakʼ ạidạrire tahẽkana. Onḍe uniren hopon Gideon do Midiạnrenko ṭhen khon guhum okoe lạgitʼ darkha lelen kunḍre onae enokʼkan tahẽkana.