Bikʼcạrko 6:11 - সান্তালী বাইবেল

¹¹ Mitʼdin Probhu Isorren goḍet do hecʼkate Ophra ato reakʼ Elon dare buṭạreye duṛupʼena. Ona jaega do Abieser bõsren Joasakʼ ạidạrire tahẽkana. Onḍe uniren hopon Gideon do Midiạnrenko ṭhen khon guhum okoe lạgitʼ darkha lelen kunḍre onae enokʼkan tahẽkana.

Bikʼcạrko 6:11 Referans Kwoze

Josuạ 17:2

Menkhan Manase gusṭiren sarecʼ bõsren hoṛko, metakʼme Abieser, Helek, Asriyel, Sikem, Hepher ar Semida bõsren hoṛko do Kanan disạm reakʼ jaega jumiko emoco akan tahẽkana. Bõsko secʼ khon nokoge Josephren hopon Manaseren sarecʼ hoponko tahẽkana.

Ibriko 11:32

Noa khon bạ̃ṛti do ar cetʼ iń lạiya? Gideon, Barak, Samson, Jeptha, Dạud, Sạmuel ar nạbikoakʼ katha galmarao lạgitʼ ińakʼ somoe do bạnukʼa.

Bikʼcạrko 13:3

Probhu Isorren goḍet do uniren bạhu ṭhen ńel ocoyenteye menkeda, “Bạńjhigetem gidrạge bako hoyakantama, menkhan am dom bhạrti hoṛmokʼa ar mitʼṭen koṛa hoponem janamea.

Bikʼcạrko 8:2

Uni doe roṛ ruạṛatʼkoa, “Ape khon do cetʼ ḍhergeń ceka akada? Ephrayim okaṭakʼ darkha joko halaṅ ạguakatʼ ona do cetʼ Ạbieserakʼ tumạlakʼko khon baṅ ḍhergea?

Jesaea 63:9

Uni do onkoakʼ jotowakʼ dukreye dukena ar uniren goḍet do onkoe bańcaoketʼkoa. Uniyakʼ daya ar dulạṛte uni do onkoe chaḍaoketʼkoa; sedaeakʼ sanam dinkore onko doe tul rakapʼketʼkoa are ghõṛa idiketʼkoa.

Genesis 48:16

uni serma Goḍet, okoe do sanam muhin reakʼ ti khone rukhiyạ akadiń, unige nukin gidrại bhorakinma. Nukin hotetege iń ar ińren hapṛam Abraham ar Isahakakʼ ńutum do jiwetʼ tahenma. Ar aboakʼ disạmre nukin bõsren hoṛ do lekhare ḍherko hoyokʼma.”

Genesis 16:7

Probhu Isorren goḍet do horre hahaṅkar jaegare mitʼṭecʼ dakʼ bhumbukokʼ ṭhen Hagare ńamkedea. Ona dakʼ jharna do Sur ńutuman mitʼṭecʼ jaegate calakʼ horre tahẽkana.

Bikʼcạrko 5:23

Probhu Isorren goḍete menkeda, “Meros baṛe sarapaeme, ạḍitetʼ sarapaeme onḍenko hoṛ do; lạṛhạire Probhu Isor tulucʼ bako seletʼlena, ar daṛeanko upạrte hõ baṅa.”

Josuạ 18:23

Awim, Para, Ophra,

Numeri 26:30

Gileadren bõskoakʼ bõs do hoyokʼ kana Leser khon Leseri bõsko, Helok khon Helok bõsko,

Bikʼcạrko 6:12

Unre Probhu Isorren goḍet do Gideon ṭhen ńel ocoyenteye metadea, “E daṛean bir, Probhu Isor do am sãore menaea.”

Bikʼcạrko 13:6

Unre maejiu do jãwãetetʼ ṭhen senkateye menkeda, “Isorren mitʼṭen hoṛ do iń ṭhene hecʼlena. Isorren goḍet lekage uniyakʼ muṭhạn do tahẽkana ạḍitetʼ botorge. Ar oka khone hecʼena ona do bạń kuli ledea ar uni hõ acʼakʼ ńutum do bae lạiyạdińa.

Bikʼcạrko 9:5

Uni do Ophrare acʼ apatakʼ oṛakʼte senkate acʼren eaegel boehako, metakʼme Jerubakʼalren sanam hoponko inạ mitʼ dhiri cetanregeye gocʼketʼkoa. Menkhan Jerubakʼalren joto khon huḍiń utạricʼ hopon Jotham do okoreye tahẽkanteye bańcaoena.

1 Rapajko 19:19

Tayomte Eliạ do onḍe khone oḍok calaoente Saphatren hopon Elisa sãoteye ńapamena. Uni do gelbar joṛa ḍaṅgrawante jumiye cacas kan tahẽkana ar uni do siyokʼ jokhecʼ tayom utạrakʼ nahelreye tahẽkana. Ar Eliạ do uni ṭhen senkate acʼakʼ oyonakʼ bocʼkate uniye lade oṭoadea.