Bikʼcạrko 6:10 - সান্তালী বাইবেল

¹⁰ Ińiń metatʼpe tahẽkana, ińkangeạń Probhu aperen Isor do. Ar okoeyakʼ disạmrepe girobasokʼkan onko Amorikoren debotako do alope sewawakoa;’ menkhan ape do ińakʼ katha bape ańjomleda.”

Bikʼcạrko 6:10 Referans Kwoze

Jirimiạ 10:2

Probhu Isore meneda, “Boṅgan hoṛ jạtrenkoakʼ cạl-colon do alope cetʼjoṅa, ar serma reakʼ cinhạko ńelte alope torasokʼa, ente eṭakʼ jạtrenko do ona ńelteko torasokʼ kana.

Jirimiạ 9:13

Probhu Isore meneda, “Ona reakʼ karon do hoyokʼkana, iń okaṭakʼ ạn-ạriń emakatʼko ona doko bạgi akawada; onko do ińakʼ aṛaṅ bako ańjomleda ar ona leka bako taṛamleda.

Jirimiạ 43:7

Nonkate onko do Probhu Isorakʼ bako bataoletʼte Misorteko boloyena ar Tahpanhes hạbicʼko senena.

Jirimiạ 43:4

Nonkate Johanan ar lạṛhại phạdkoren sanam subedarko ar sanam hoṛko do Jihudạ disạmre tahen babotre Probhu Isorakʼ hukum bako bataoleda.

Jirimiạ 42:21

Iń do teheń apeń metatʼpea menkhan okako babotre roṛ lạgitʼ aperen Probhu Isor do ape ṭhene kol akadiń ona do ńit hõ bape manao akada.

Jirimiạ 3:25

Dela hijukʼpe, abo do aboakʼ lajaoakʼre bon kunḍlạṅokʼma,, aboakʼ lajao do aboko danaṅ esetʼbon ma. Juạn okte khon teheń hạbicʼ abo do aboren Probhu Isor upạrte bon kạiyeda, ar aboren hapṛamko hõ onkageko kạmileda. Abo do aboren Probhu Isorakʼ bon bebatao akada.”

Jirimiạ 3:13

Am do eken amakʼ ghạṭko aṅgocʼme, amren Probhu Isor upạrtem hul akada mente, ar hạṛiạṛ dare buṭạkore debotako do amakʼ dulạṛem em akawatʼkoa ar ińakʼ aṛaṅ hõ bam ańjom akada.’

Bikʼcạrko 2:2

Ape do noa disạmren hoṛko tulucʼ jãhãnakʼge bondobos alope dohoya ar onkoakʼ pinḍkope rạputʼ giḍikatakoa.’ Menkhan ape do ińakʼ katha bape bataoleda. Cekate nonka dope kạmikeda?

Ibriko 5:9

Nonkate tinreye sạbit ocoyena unre acʼakʼko bataotae sanamko lạgitʼ jaejug bańcaokʼ reakʼ hore hoyena.

Romiko lạgitʼ Pạul Apostolakʼ ciṭhi 10:16

Menkhan sanamko ona bhage sombat do bako luturada. Jesaea nạbiye menakada, “E Probhu Isor, alele porcarakatʼ bhage sombat do okoeye pạtiạuada?”

Sephaniạ 3:2

Uni do celege bae manaokoa, ar ḍanṭao hõ bae moneyakʼa. Probhu Isor cetanre uni do bae bhorsakʼkana, acʼren Isor ṭhen hõ bae senokʼkana.

Kạhtukko 5:13

Ińren gurukoakʼ katha bạń ańjomleda, ar ińko cetʼạdiń tahẽkankoakʼ katha bạń luturatʼ tahẽkana.

2 Rapajko 17:33

Onko do Probhu Isorko sewawae kan tahẽkana, menkhan ona sãote okako disạm khonko ạgu ocolen onako disạm reakʼ cạli leka onko do akoren debotako hõko sewawako kan tahẽkana.

Josuạ 24:15

Ar aperen Probhu Isor sewawae bape menjoṅkan khan enḍekhan teheń ṭhik joṅpe okoepe sewawaea. Aperen hapṛamko Phurạt gaḍa hanasare okoe debotakoko sewawako kan tahẽkan onkope sewawakoa se okoeyakʼ disạmrepe girobasokʼ kan onko Amorikoren debotakope sewawakoa? Menkhan iń ar ińakʼ gharońjrenko do Probhu Isor gele sewawaea.”

Bikʼcạrko 6:9

Misor reakʼ ektiạri khon ar sanam sasantaokoakʼ ti khon ińgeń rukhiyạ akatʼpea. Ape samaṅ khon ińgeń laga ńir akatʼkoa ar onkoakʼ disạmiń emakatʼpea.

2 Rapajko 17:7

Noako hoylena, ente Misor khon, Misorren raj Pharaoakʼ gobol khon okoe do onkoe oḍok ạguletʼko Israelko do akoren uni Probhu Isor upạrteko kạiletʼ tahẽkana. Onko do debotakoko sewawako kan tahẽkana ar onko samaṅ khon Probhu Isor do okoe jạtrenkoe laga ńirletʼko tahẽkan onko lekako taṛametʼ tahẽkana. Ona chaḍa Israelren rajko oka ạri cạliko benao oṭoletʼ ona lekageko calakʼkan tahẽkana.

Exodus 34:12

Sontorokʼpe! Oka disạmpe bolo lạgidokʼkan ona disạmren hoṛko sãote cetʼge alope bondobosa; arpe onkae khan onko do ape talare jhampa lekako hoyokʼa.

Exodus 34:14

Cele debotage alope sewawakoa, ente Probhu Isorakʼ ńutum do ãṭicʼ Isor; uni do mitʼṭen ãṭ Isor kanae.

2 Rapajko 17:13

Probhu Isor do acʼren sanam nạbiko ar ńeńelko hotete Israelko ar Jihudiko niạ menteye sontorletʼkoa, “Apeakʼ bạṛicʼakʼ hor khon ruạṛokʼpe ar sanam ạn-ạriko okaṭakʼ do aperen hapṛamko manao lạgitʼ iń ematʼko tahẽkan ar ińren gutiko, metakʼme nạbiko hoteteń baḍae ocoakatʼpe ona lekage ińakʼ sanam hukumko ar niạmko manaope.”

Nehemiạ 9:29

“Amakʼ ạn-ạri secʼ ruạṛ hijukʼ lạgitʼ onkom sontorletʼkoa menkhan onkoakʼ beohar do bạḍạite perecʼge tahẽkantakoa; onko do amakʼ sanam hukumko bebataoleda. Amakʼ okako hukum palonkate hoṛko bańcaokʼ ona upạrteko kạileda. Onko do hoṭokʼko keṭecʼ ketʼtakote amakʼ katha bako ańjomletʼa.

Jirimiạ 17:23

Aperen hapṛamko ona kathako ańjomletʼre hõ, bako moneyada. Onko do hoṭokʼko keṭecʼketʼ takoa; onko do ińakʼ katha bako ańjomleda ar ińakʼ ḍanṭao hõ bako manaoleda.