Bikʼcạrko 6:1 - সান্তালী বাইবেল

¹ Israelko do arhõ Probhu Isorakʼ nońjorre oka bạṛicʼakʼkan onage kạmiko ehopʼena. Onate uni do Midiạnrenkoakʼ tireye jimạkatʼkoa ar eae bochor hạbicʼ onko gobolreye dohoketʼkoa.

Bikʼcạrko 6:1 Referans Kwoze

Bikʼcạrko 2:11

Ar Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana. Onko do Bakʼal debotako sewawae kan tahẽkana.

Genesis 25:2

Uniyakʼ kukhire do nokoko janamlena Simran, Joksan, Medan, Midiạn, Jisbak ar Suah.

Habakkuk 3:7

Kusanren hoṛ do nindhạn dosareń ńelketʼkoa, ar Midiạnren hoṛ doko thar tharaokʼkana.

Ibriko 11:32

Noa khon bạ̃ṛti do ar cetʼ iń lạiya? Gideon, Barak, Samson, Jeptha, Dạud, Sạmuel ar nạbikoakʼ katha galmarao lạgitʼ ińakʼ somoe do bạnukʼa.

Genesis 37:28

Ar Midiạnren bạnij-bepariko do tinreko hecʼ sorena unre Josephren boehako do kuń khonko or rakapʼkedea ar bargel rupạ ṭakate Ismaelren bepari ṭhenko ạkhrińkedea. Onko bạnij-bepariko do Misorte Joshepko idikedea.

Numeri 22:4

Onko do Midiạnren murubbikoko lạiyatʼkoa, “Ḍaṅgrako ṭạnḍireko ạtiń leka noko dolrenko do abo beṛhaeteakʼ sanamakʼko siṭhạ cabaea.” Onate Moabren raj Sipor hopon Balak do Beor hopon Biliam hoho ạguiye lạgitʼ hoṛkoe kolketʼkoa. Unre Biliam do Uphreṭis gaḍa aṛe reakʼ acʼren hoṛkoakʼ disạmre Pethor nagrahareye tahẽkana. Balak doe roṛgotʼkada, “Misor disạm khon mitʼ dol hoṛko oḍok hecʼakana. Ar goṭa disạmko chạplạu ạcur akana ar iń samaṅreko girobasokʼ kana.

Bikʼcạrko 6:13

Gideone menkeda, “Menkhan E ińren Probhu Isor, am ale sãote menam khan enḍekhan ale cetanre noako do cedakʼ hoyokʼkana? Ar okayena uniyakʼ ona hahaṛa kạmiko one uniyakʼ katha aleren hapṛamko ṭhen khonle ańjomakatʼ, Probhu Isorge Misor disạm khone oḍok ạguletʼkoa mente? Menkhan ńitokʼ uni do aleye dea giḍiakatʼlea ar Midiạnrenkoakʼ tireye jimạ akatʼlea.

Bikʼcạrko 10:7

Ona iạte uni do onko cetanre edrete pit caṛhaoadea ar Philisṭiko ar Amonrenkoakʼ tireye jimạkatʼkoa.