Bikʼcạrko 5:6 - সান্তালী বাইবেল

⁶ Anatren hopon Samgar ar Jayel bidạlre hortenko do sodor ḍahar bạgikate ạcur bihur horko pańjakeda.

Bikʼcạrko 5:6 Referans Kwoze

Jesaea 33:8

Ḍaharko do khạligea, cele hoṛ hõ horte bako calakʼ kana. Bondobos do rạputʼ akana; nagrahako do nihạ̃t ocokʼkana ar manwa do cele hõ bako metakokana.

Bikʼcạrko 3:31

Ehud tayom do Anatren hopon Samgar onkoren raje hoyena. Uni do ḍaṅgra gupi ṭheṅgate Philisṭikoren turui sae hoṛe gocʼketʼkoa. Uni hõ Israelkoe rukhiyạletʼkoa.

Rak̕joṅ 1:4

Sion reakʼ kulhiko doe homor halaṅeda, ente niṭ akatʼ porobre okoehõ bako hijukʼkana. Uniyakʼ sanam phaṭok duạrte bolokʼ hor do khạligea. Uniren naekeko doko jare jarekʼ kana, ar juạn kuṛiko doko dukokʼ kana, onate uni do monre ạḍi duke ńameda.

Levitikus 26:22

Ape talare jojom kaṭaha janwarkoń kolkoa. Onko do aperen gidrạkoko jomkoa, ar aperen mĩhũ-meromkoko maraokoa ar aperen hoṛko komaokʼtapea. Onate apeakʼ horko do khạlige tahena.

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.

Rak̕joṅ 4:18

Hoṛko do abo lạgitʼ tãṛãkʼ akaeko tahenkan tahẽkana, onate abo do phaelao ṭhạ̃ikore babon taṛam daṛeakʼkan tahẽkana. Aboakʼ ses dinko do sorakan tahẽkana, ar aboakʼ dinko hõ caba akan tahẽkana, ente aboakʼ ses okte do seṭer akan tahẽkana.

Sereńko 125:5

Menkhan okoe konḍea horreko tohodokʼ kan Probhu do bedhoromko sãote onkoe sạṅgińkoa. Israelko cetanre suluk baṛe tahenma!

2 Bõsbudạ 15:5

Onako dinre jãhãte oḍok calakʼ ar hijukʼre jãhãn sulukge baṅ tahẽkana, ente sanam jaegare ạlmạlge tahẽkana.

Bikʼcạrko 5:7

Unre Israelkoakʼ atokore celege bako tahẽkana, ar tin hạbicʼ iń Debora do Israelkoren eṅgat leka bạń tahẽkan, un hạbicʼ onkoakʼ atoko do khạlige tahẽkana.

Jirimiạ 6:25

Nagraha bahrete alope oḍok calakʼa se kulhikore hõ alope dãṛãna, ente bạirikoakʼ tire do tarwaṛe menakʼa ar goṭage bạṛicʼ botor menakʼa.