Bikʼcạrko 5:30 - সান্তালী বাইবেল

³⁰ “Khạṭige onko do luṭakʼ jinisko ńamakada ar ako talareko hạṭiń joṅkana; mimitʼ herel hoṛ lạgitʼ mitʼṭen se barea kuṛi ar Sisera lạgitʼ do nana parkan kicricʼ, tiń galaṅakʼ kicricʼko, hoṭokʼ beṛhaeteakʼ baha galaṅakatʼ kicricʼko noa sanamakʼge cetʼ bako luṭ akada?”

Bikʼcạrko 5:30 Referans Kwoze

Exodus 15:9

“Bạiri doe menkeda, ‘onkoń khudạukoa, ariń sapʼkoa, ar onkoakʼ jiniskoń hạṭińjoṅa; iń do onkoakʼ jiniskote apnar iń perejokʼa. Ar tarwaṛe sapʼkate onkoń khudạukoa.’

Sereńko 45:14

Noksa akatʼ horoakʼte uni do raj ṭhenko idiyea; ar uni tayomte soṅgeten kũạ̃ri kuṛiko hõ am ṭhenko idi ocokʼa.

Jobakʼ 20:5

dusṭạmikoakʼ hulạs joṅ do thoṛa ghạṛi lạgitʼ kana. Ar bedhoromkoakʼ rạskạ do eken mitʼ ripitʼ lạgitʼ kana;

2 Samuel 13:18

Unre guti do Tamare oḍok gotʼkadete silpiń reakʼ huṛkạṛe lagaokada. Uni kuṛi do mitʼṭecʼ tilpạṅ talpaṅ kicricʼe horokʼ akatʼ tahẽkana, ente rajren kũạri kuṛi do nonkan kicricʼgeko horokʼetʼ tahẽkana.

Genesis 37:3

Haṛam umerren hopone tahẽkan iạte Israel do joto hoponko khon Josephge ḍhere dulạṛede tahẽkana. Ar mitʼṭecʼ tilpạṅ talpaṅ aṅgrope benaoade tahẽkana.

Bikʼcạrko 5:19

Rapajkoko hecʼena arko lạṛhạiyena, unre Kananren raj doko lạṛhạiyena; Tanak ṭhen, Megido reakʼ dakʼko ṭhenge, menkhan mitʼ kuṭrạ rupạ hõ bako luṭana.

Bikʼcạrko 5:29

Uniren mukhiyạ ạkilan erakoko roṛ ruạṛadea; ar uni hõ mone monte roroṛe ehopʼena,

Sereńko 68:12

Onko maejiu doko meneda, “Lạṛhại phạdkoren raj doko dạṛjoṅ kana, onko doko dạṛjoṅ kana, ar oṛakʼre menakʼko maejiuko do luṭakʼ jinisko hạṭińjoṅ kana.

Kạhtukko 16:19

Bạḍạiko sãote luṭakʼ jinis hạṭiń joṅ khon mạ̃hir monte santao ocokʼko sãote tahenge bhagea.

Exodus 27:16

“Raca reakʼ duạr lạgitʼ ponea khunṭi, ponea ganḍo ar bargel moka jeleń mitʼṭecʼ orwal tahena. Orwal do nil, beguni, ar jeṅgetʼ arakʼ sutạm ar uńatʼ mĩhĩ musnạ sutạmte mitʼṭecʼ noksa reakʼ jinisge hoyokʼa.

Jesaea 9:2

Okoeko hoṛ do ńutreko tahenkan onko do maraṅ marsalko ńela; ar okoe kaṛaṅ ńut reakʼ umulreko duṛupʼ akan onko do marsal bamberakoa.