Bikʼcạrko 5:23 - সান্তালী বাইবেল

²³ Probhu Isorren goḍete menkeda, “Meros baṛe sarapaeme, ạḍitetʼ sarapaeme onḍenko hoṛ do; lạṛhạire Probhu Isor tulucʼ bako seletʼlena, ar daṛeanko upạrte hõ baṅa.”

Bikʼcạrko 5:23 Referans Kwoze

2 Korinthiko 6:1

Isorren são kạmiyạko lekate noale nehõrapekana, Isorakʼ okaṭakʼ dayape ńamakatʼ ona do alope ạuṛiyakʼ ocoya.

1 Korinthiko 16:22

Jãhãe hoṛ Probhu Isor bae dulạṛe khan sarapicʼe hoyokʼma. Maran atha [Probhu Isore darae kana].

1 Korinthiko 3:9

ente ale do Isor tulucʼle kạmikana. Ar ape do Isorakʼ goḍa kanape, Isorakʼ benao akan oṛakʼge.

Romiko lạgitʼ Pạul Apostolakʼ ciṭhi 15:18

Iń hotete Mạsi okaṭakʼe kạmiakatʼ ona bahre jãhãn katha roṛ do ohoń dil daṛekea. Unige ińakʼ katha ar kạmite, hahaṛa kạmi ar cinhạko hotete ar sonot Jiu reakʼ daṛete boṅgan hoṛ jạtrenko do Isorreye tabe ocoakatʼkoa. Onate iń do Jerusalem khon ehopʼkate Illurikum hạbicʼ sanam jaegare Mạsiyakʼ bhage sombat purạteń lại jạhirakada.

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

Jirimiạ 48:10

Probhu Isore meneda, “Ińakʼ kạmire okoe hoṛe asketokʼ unire do sarap paṛaokʼma. Okoe acʼakʼ tarwaṛere mãyãm bae joro ocoy uni cetanre hõ sarap paṛaokʼma.

Nehemiạ 3:5

Ona sarecʼakʼ hĩs do Tekoaren hoṛko jut arokeda, menkhan onkoren kisạ̃ṛ hoṛko do onkoakʼ ńel todarot tabere kạmi bako rạjilena.

1 Samuel 26:19

E ạlińren maharaj, ạlińren mạlik, ńitokʼ do dayakate abenren gutiyakʼ katha ańjom ben. Probhu Isorge ạliń upạrteye teṅgo akatʼ ben khan tobe do ạlińakʼ samaṅokʼakʼ uni ṭhen ataṅokʼma. Ar manwako onka akatʼ khan tobe do Probhu Isorakʼ sarap onkore paṛaokʼma, ente teheń do Probhu Isore em akatʼ sompottire ạlińakʼ oka bhag menakʼ ona khon laga ńir liń reakʼko kurumuṭu kana. Onko doko meneda, ‘Do calakʼme, ar debotako pujạwakome.’

1 Samuel 25:28

Amren kạ̃ṛmĩyakʼ behokakʼ do dayakate ikạkakʼme. Probhu Isor do khạṭige ińren mạlikakʼ bõse teṅgo ṭarhaoa, ente uni do Probhu Isorakʼgeye lạṛhại kana. Ar ńit hạbicʼte amre cetʼ bạṛicʼakʼge baṅ ńel akana ar baṅ ńamokʼa.

1 Samuel 18:17

Mitʼdin Sạul do Dạude metadea, “Ińren maraṅicʼ hoponera Merab do am sãoteń baplakaea. Onate am do eken iń secʼ khon birbanṭa leka Probhu Isor lạgitʼ lạṛhạime.” Sạul do Dạud cetanre acʼakʼ ti rakabtae bae menetʼ tahẽkanre hõ Philisṭikoakʼ tite uni gocʼ ocoye do moneteye khojgokʼkan tahẽkangea.

1 Samuel 17:47

Ar tinạkʼ hoṛ nonḍe menakʼko onko hõko baḍae daṛeakʼa, tarwaṛe se borlomte Probhu Isor do bae bańcaoa, ente niạ lạṛhại do Probhu Isorakʼ kangea; ar uni do aleakʼ tireye jimạpea.”

Bikʼcạrko 13:3

Probhu Isorren goḍet do uniren bạhu ṭhen ńel ocoyenteye menkeda, “Bạńjhigetem gidrạge bako hoyakantama, menkhan am dom bhạrti hoṛmokʼa ar mitʼṭen koṛa hoponem janamea.

Bikʼcạrko 6:11

Mitʼdin Probhu Isorren goḍet do hecʼkate Ophra ato reakʼ Elon dare buṭạreye duṛupʼena. Ona jaega do Abieser bõsren Joasakʼ ạidạrire tahẽkana. Onḍe uniren hopon Gideon do Midiạnrenko ṭhen khon guhum okoe lạgitʼ darkha lelen kunḍre onae enokʼkan tahẽkana.

Bikʼcạrko 4:6

Uni do Napthali disạm reakʼ Kedes nagraha khon Abinoam hopon Barake hoho ạgu ocokedeteye metadea, “Israelkoren Probhu Isor do niạ hukume emamkana, ‘Napthali ar Sebulon gusṭirenko khon gel hajar hoṛko hataokom ar soṅgekate Tabor burute idikom.

Bikʼcạrko 2:1

Probhu Isorren goḍet do Gilgal khon Bokimre hecʼkate Israelkoe metatʼkoa, “Iń do Misor disạm khoniń oḍok ạgu akatʼpea ar oka disạm emape lạgitʼ aperen hapṛamko ṭheniń gokʼletʼ ona disạmteń ạgu akatʼpea. Ińiń menakada, ‘ape lạgitʼ oka bondobosiń dohoakatʼ ona do tishõ bạń rạpuda.

Bikʼcạrko 5:13

Ona tayom sarecʼ hoṛko do manotan hoṛko ṭhenko hecʼena; ar Probhu Isorren hoṛko do lạṛhại lạgitʼ iń ṭhenko hecʼena.

Bikʼcạrko 21:5

Mispare onko do mitʼṭecʼ kajakko kiriạyena, ona do noage je, Mispare Probhu Isor samaṅre jãhãege bae hạjirokʼ enḍekhan uni do khạṭigeye gocʼ ocokʼa. Ar onate onko do apan ạpin kupulikʼko ehopʼena, “Israelren sanam gusṭiko khon okoe Mispate Probhu Isor samaṅre bako hecʼakana?”

Bikʼcạrko 8:5

Onate Gideon do Sukotren hoṛkoe metatʼkoa, “Ińren lạṛhại phạdko thoṛa piṭhạ jom ocokope; enteko laṅga akana. Ar iń do ńitokʼ Midiạnren raj Seba ar Salmuna tạkiniń khudạuetʼkinạ.”

Bikʼcạrko 8:6

Menkhan Sukotren mukhiyạkoko menkeda, “Cedakʼ amren lạṛhại phạdko do piṭhạle jom ocokoa? Seba ar Salmuna tạkinakʼ kuṭrạ akatʼ ti do cetʼ amakʼ tirem ạguakada?”

Bikʼcạrko 8:8

Gideon do onḍe khon Penuelteye rakapʼ calaoena ar onḍenko hoṛ hõ piṭhại koeketʼkoa. Menkhan Sukotren hoṛko cetʼlekako metade onkage onko hõko menkeda.

Bikʼcạrko 21:8

Onko do mitʼ hoṛ armitʼ hoṛko kuliyana, “Israel gusṭiko modre cetʼ nonkan jãhãe hoṛ menaea, okoe do Mispare Probhu Isor samaṅre bae hạjir akan?” Unreko baḍaekeda, Jabes Gilead khon do celege onḍe bako senakana,

Sereńko 94:16

Iń ńutumte bạṛicʼko upạrte do okoeye teṅgokʼa? Iń ńutumte dusṭạmiko do okoeye teṅgo daramkoa?