Bikʼcạrko 5:18 - সান্তালী বাইবেল

¹⁸ Lạṛhạire Sebulonren hoṛko do gujukʼ hạbicʼ jiwiko alaekeda; Napthaliren hoṛko hõ ṭạnḍi reakʼ usul jaegakore.

Bikʼcạrko 5:18 Referans Kwoze

Bikʼcạrko 4:10

Ar Barak do Sebulon ar Napthali gusṭiren hoṛkoe hohowatʼkoa. Onate gel hajar hoṛ do uni sãoteko senena ar Debora hõ onko tulucʼe calaoena.

Bikʼcạrko 4:6

Uni do Napthali disạm reakʼ Kedes nagraha khon Abinoam hopon Barake hoho ạgu ocokedeteye metadea, “Israelkoren Probhu Isor do niạ hukume emamkana, ‘Napthali ar Sebulon gusṭirenko khon gel hajar hoṛko hataokom ar soṅgekate Tabor burute idikom.

Johan sodor 12:11

Bheḍa Hoponakʼ mãyãm ar apnarakʼ gohate onko do uniko bhagao akadea. Onko do apnar dulạṛ baṅkate akoakʼ jiwi emokʼge rạjiko tahẽkana.

1 Johan 3:16

Mạsi do abon lạgitʼ acʼakʼ jiwiye emena, onate dulạṛ do cetʼkana mente bon baḍae orom akada. Enḍekhan boeha lạgitʼ apnar jiwi emokʼ aboakʼ hõ lek kan tabona.

Aposkạmi 20:24

Menkhan iń ṭhen do ińakʼ jiwi reakʼ jãhãn damge bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Ester 4:16

“Am do senkate Susanre menakʼko sanam Jihudikom jarwakoa ar iń ńutumte joto hoṛ upạspe dohoya. Ape do pe siń pe ńindạ cetʼge alope jom ńũiya. Ar ape cetʼ lekape upạs onkage iń ar ińren kạ̃ṛmĩko hõle upạsa. Ona tayom ạn upạrte jãhãnakʼge hoyokʼ enhõ iń do raj ṭheniń calakʼa. Ar ona khạtirte gujukʼ hoyokʼtiń khan hõ iń doń khaṛagea.”

Bikʼcạrko 4:14

Unre Debora do Barake metadea, “Am do laha idikʼme, Probhu Isor do teheńge amakʼ tire Siserae jimạ akadea. Probhu Isor do am laha lahateye senakana. ” Unre Barak do Tabor buru khone pheḍ hecʼena ar uni tayomte gel hajar hoṛko senena.

Bikʼcạrko 6:35

Uni do Manase gusṭirenko ṭhen hõ khobore kolkeda ar onko hõ uni ṭhenko jarwayena. Uni do Aser, Sebulon ar Napthali gusṭirenko ṭhen hõ khobore kolkeda ar onko hõ daramko lạgitʼko oḍok hecʼena.

Sereńko 68:27

Jotoko khon huḍiń utạricʼ Benjạmin, hankoko calakʼkana uniren bõsko, one okoeyakʼ tire do rajakʼ sạjại menakʼ; hanko Jihudi mukhiyạko, okoe doko saṅgege; hanko Sebulonren mukhiyạko ar hankoko calakʼkan Naphtạliren mukhiyạko.

Genesis 35:23

Leawakʼ kukhire Jakobren hoponko modre pạhil hopon do Rubene janamlena. Ona tayom do Simeon, Liwi, Jihudạ, Isakar ar Sebulon.

Genesis 35:25

Rahelren kạ̃ṛmĩ era Bilhawakʼ kukhire do Dan ar Napthtali.