Bikʼcạrko 5:11 - সান্তালী বাইবেল

¹¹ Ańjompe, dakʼ lo ṭhạ̃ire hoṛko doko khae khoyeda; ar Israelakʼ atoren hoṛko lạgitʼ Probhu Isor do bańcaokʼ reakʼe roṛeda. Noa ańjomkate hoṛko do Nagraha reakʼ phaṭok duạr ṭhenko senena.

Bikʼcạrko 5:11 Referans Kwoze

Mikạ 6:5

E ińren hoṛko, Moab raj Balak okae goṭaletʼ ar Beor hopon Biliam okae roṛ ruạṛletʼ ona baṛe hudiskate ńelpe. Siṭim khon Gilgol hạbicʼ apeakʼ calakʼ reakʼ katha disạipe jemon ape do ińiń kạmiletʼakʼ bańcaokʼ reakʼ kathape baḍae daṛeakʼ.”

1 Samuel 12:7

Enḍekhan niạ dhao do apege sapṛaokʼpe. Probhu Isor do ape ar aperen hapṛamko lạgitʼ okako dhorom reakʼe kạmi akatʼ ona jotowakʼ reaṅ Probhu Isor samaṅrege apeakʼ doskoń udukʼapea.

Bikʼcạrko 5:8

Onko do nãwã isorko secʼ monko lawerketʼtakoa Ar onkoakʼ phaṭok duạr ṭhen lạṛhại hoyena. Unre pongel hajar Israelkoakʼ tire mitʼṭecʼ ḍhal hõ baṅ tahẽkana, ar mitʼṭecʼ borlom hõ baṅ tahẽkana.

Rak̕joṅ 5:9

Hahaṅkarre ḍạkuko botorte jiwi cuputʼkate jomakʼle jogaṛetʼkana.

Rak̕joṅ 5:4

Dakʼ do kirińkatele ńũiyeda; ar aleakʼ sahan hõ damtele kirińeda.

Jesaea 28:6

Uni do bikʼcạrkoakʼ ontorre dhorom reakʼ monsubại danakoa. Ar okoe phaṭok-duạr ṭhen khon lạṛhạiko ocog onko do daṛeye emakoa.

Jesaea 12:3

Ona iạte ape do hulạsate bańcao reakʼ kũń khon dakʼpe loya.

Jobakʼ 29:7

“Tinre nagraha reakʼ phaṭok duạr ṭheniń senokʼkan tahẽkana ar onḍenakʼ kulhi dobạṭiạkore duṛupʼakʼ iń benaoetʼ tahẽkana,

Dosar Biboron 22:24

enḍekhan unkin banarge onḍenakʼ phaṭok duạr ṭhen idikate dhirite tiń gocʼkin hoyokʼa. Kuṛi do noa iạtege goje hoyokʼa uni do ato se nagrahare tahẽkate hõ goṛo ńam lạgitʼ bae kikiạuleda, ar herel do eṭakʼ hoṛren bạhui nosṭokede iạte. Ape talare nonkan bạricʼ hoṛ dope marao utạrkoa.

Sereńko 145:7

Ar am tinạkʼem bhạlại akatʼko onko do onako lại baṛaea, ar amakʼ dhorom reakʼ kathakote rạskạteko sereńa.

Genesis 24:11

Ona nagraha bahrere mitʼṭecʼ kuń tahẽkana. Uni guti do onḍe seṭerkate ũṭko ona kuń ṭhene ikhṛum ocoketʼkoa. Unre ạyupʼ hijukʼkan tahẽkana, ar kuṛikoakʼ dakʼ lo okte hõ hoyakan tahẽkana.

Genesis 29:2

Onḍe uni doe beṅgetʼ ạcurketʼ khan mitʼṭecʼ kuńe ńel ńamkeda. Unre ona kuń aṛere pe pal bhiḍi meromko aḍa akan tahẽkana. Gupiko do onḍe khonge akoren palko dakʼko ńũakokan tahẽkana. Ar kuń mocare do maraṅ okocʼ mitʼṭecʼ dhiri doho akan tahẽkana.

Genesis 29:3

Gukʼpiko do tinre sanam bhiḍi palko jarwayetʼko tahẽkana unre kuń reakʼ moca khon dhiri ocokʼkate onko do bhiḍiko dakʼko ńũ akokan tahẽkana. Ar ona tayom do arhõ dhiriteko esetʼkakʼ kan tahẽkana.

Dosar Biboron 33:21

Uni do acʼ lạgitʼ bhage jumiye bachaojoṅa; mukhiyạwakʼ kuṛại do uni lạgitʼge dohoakana. Lạṛhạire jarwa akan sordarko talare unige Probhu Isorakʼ hukume manao akatʼtaea, uni do Probhu Isorakʼ niạme dohoakada oka do Israel hoponko em ocoakan.”

Bikʼcạrko 11:40

Gilead Jiptharen hoponerawakʼ katha disạite homor halaṅ lạgitʼ Israelren kuṛiko do jao bochor pon din lạgitʼ oṛakʼ khonko oḍok calakʼkan tahẽkana.

Sereńko 71:15

Amakʼ dhorom kạmi ar amakʼ bańcaokʼ reakʼ katha do goṭa dinge ińakʼ mocare tahena, ente onako do baṅge lại cabakʼa.