Bikʼcạrko 4:4 - সান্তালী বাইবেল

⁴ Unre Lapidotren oṛakʼ hoṛ Debora do mitʼṭen maejiu nạbiye tahẽkana. Ar unige Israelkoe bicạretʼko tahẽkana.

Bikʼcạrko 4:4 Referans Kwoze

Luk 2:36

Un jokhecʼ Hanna ńutuman mitʼṭen maejiu hõ nạbiye tahẽkana. Uni do Aser bõsren Phạnuel hoponerae tahẽkana. Ar uni hõ aema umer hoyakantae tahẽkana.

2 Rapajko 22:14

Niạ katha ańjomkate naeke Hilkiạ, Ahikam, Akbar, Saphan ar Asaya do maejiu nạbi Hulda ṭhen senkate uni tulucʼko galmaraokeda. Hulda do kicricʼ khạnḍwạkʼ rurukhiyạicʼ Salumren bạhui tahẽkana. Ar Salum do Harhasren goṛomtetʼ koṛa, metakʼme Tikwaren hopone tahẽkana. Hulda do Jerusalem reakʼ dosar atoregeye girobasokʼ kan tahẽkana.

Exodus 15:20

Aronren miserat Mạriạm do mitʼṭen maejiu nạbigeye tahẽkana. Uni do toblae sapʼkeda, ar uni tayom tayomte eṭakʼ maejiuko hõ tobla sapʼkate enecʼ enecʼteko oḍok hecʼena.

Galathiko lạgitʼ Pạul Apostolakʼ ciṭhi 3:28

Jihudi ar boṅgan hoṛ jạtrenko talare, golam ar sạdhin hoṛko talare, maejiu ar herel talare jãhãn begar do bạnukʼa, ente Mạsi Jisu tulucʼpe joṛao mitʼ akante jotoko Mạsirepe mitʼgea.

1 Korinthiko 11:5

Ar jãhãe maejiu bohokʼ begor ṭuṭurikateye koejoṅ se nạbi lekate kathae lại, uni do acʼakʼ bohokʼe bemanoteda, ente uni do hoyo poṭor akan maejiu lekageye hoyakana.

Aposkạmi 21:9

Uniren do ponea kũạ̃ri kuṛiko tahẽkantaea. Ar onko doko nạbi baṛayetʼ tahẽkana.

Mikạ 6:4

Iń do Misor disạm khoniń oḍok ạgu akatʼpea, ar golam khoniń chaḍao akatʼpea. Ape goṛowape lạgitʼte Mose, Aron ar Mạriạm tekoń kolletʼkoa.

Nehemiạ 6:14

E ińren Isor, Tobiạ ar Sanbalat tạkin okaṭakʼ kin kạmi akatʼ ona do disạ dohokakʼme. Maejiu nạbi Noadiạ ar sarecʼ nạbiko okoe do iń botor ocoyiń reakʼko kurumuṭuletʼ onkoakʼ katha hõ disạ dohokakʼme baṛe.

Bikʼcạrko 4:3

Jabinakʼ do irạl sae mẽṛhẽtʼ reakʼ rãt gạḍiko tahẽkantaea ar uni do bargel bochor hạbicʼ Israelko cetanre ạḍi bạṛicʼ jor julume caloetʼ tahẽkana. Onate Israelko do Probhu ṭhen goṛo ńam lạgitʼko rakʼkeda.

Bikʼcạrko 4:5

Uni do Ephrayem buru ṭoṭhako reakʼ Rama ar Bethel tala reakʼ mitʼṭecʼ khijur dare buṭạreye duṛupʼkan tahẽkana, ar Israelko do akoakʼ jhogṛa emanko miṭmaṭ lạgitʼ uni ṭhenko hijukʼkan tahẽkana.

Jeheskel 13:17

Ona tayom Probhu Isor do ińe metadińạ, “E manwa hopon, am jạtren okoe maejiuko do nạbi lekate akoakʼ benaoakʼ kathako roṛetʼkan ńitokʼ onko upạrte teṅgokʼme. Am do onko upạrte noa katha roṛme,

Bikʼcạrko 5:1

Enhilokʼ Debora ar Abinoamren hopon Barak do noa sereńkin sereńkeda: