Bikʼcạrko 4:3 - সান্তালী বাইবেল

³ Jabinakʼ do irạl sae mẽṛhẽtʼ reakʼ rãt gạḍiko tahẽkantaea ar uni do bargel bochor hạbicʼ Israelko cetanre ạḍi bạṛicʼ jor julume caloetʼ tahẽkana. Onate Israelko do Probhu ṭhen goṛo ńam lạgitʼko rakʼkeda.

Bikʼcạrko 4:3 Referans Kwoze

Bikʼcạrko 1:19

Probhu Isor do Jihudạ gusṭiren hoṛko sãoteye tahẽkana. Onko do buru ṭoṭhakoko hatletʼgea, menkhan bilạn ṭạnḍiren hoṛko do bako laga ńir daṛeatʼkoa, ente onkoakʼ do mẽṛhẽtʼ reakʼ rãt gạḍiko tahẽkantakoa.

Sereńko 106:42

Onkoren bạiriko do ako cetanre santaoko ehopʼkeda; ar onko gobolreko tahẽyena.

Bikʼcạrko 3:9

Menkhan Israelko do Probhu Isorko rakʼade khan onko lạgitʼ mitʼṭen babańcaoicʼe teṅgowatʼkoa. Uni doe hoyokʼkana Kenas hopon Kaleb bokot Othniyel.

Sereńko 78:34

Uni do onkoe gocʼketʼko tayom sarecʼ hoṛko do uniyakʼ kathako disạkeda; onko do arhõ uni secʼko ạcur ruạṛena ar jitkate uniko ńam baṛakedea.

Sereńko 50:15

Amakʼ muhinre hohowạńme; iń do amiń bańcaomea ar am do ińem manotińạ.”

1 Samuel 7:8

Onko do Samuelko metadea, “Aboren Probhu Isor do Philisṭikoakʼ ti khon jemone bańcao bon ona lạgitʼte Probhu Isor ṭhen ragme.”

Bikʼcạrko 10:16

Inạ tayom onko talare tinạkʼ debotako tahẽkan onko jotoko ocokʼ giḍikatʼkoa ar Probhu Isor sewawaeko ehopʼena. Israelkoakʼ kosṭo ńelte Probhu Isor do monre duke ńamkeda.

Bikʼcạrko 5:8

Onko do nãwã isorko secʼ monko lawerketʼtakoa Ar onkoakʼ phaṭok duạr ṭhen lạṛhại hoyena. Unre pongel hajar Israelkoakʼ tire mitʼṭecʼ ḍhal hõ baṅ tahẽkana, ar mitʼṭecʼ borlom hõ baṅ tahẽkana.

Bikʼcạrko 3:15

Inạ tayom Israelko do arhõ Probhu Isor ṭhenko rakʼkeda ar uni do onko lạgitʼ Ehud ńutuman mitʼṭen babańcaoicʼe teṅgowatʼkoa. Uni doe tahẽkana Benjạmin gusṭiren Gera hopon. Uni do leṅgṛageye tahẽkana. Ar Israelko do Moabren raj Eglon ṭhen raj bheja emokʼ lạgitʼko kolkedea.

Josuạ 17:16

Joseph gusṭiren hoṛko roṛ ruạṛkeda, “Buru reakʼ onako jaegare ale do bale sahobokʼa ar okoe Kananiko bilạn ṭạnḍi reakʼ Bet-Sean ar ona aḍepase atokore ar Jisreyel lodamreko girobasokʼ kan onko sanamko do mẽṛhẽtʼ reakʼ rãt gạḍiko menakʼtakoa.”

Dosar Biboron 28:33

Bin oprom jạtren hoṛko do apeakʼ jumi reakʼ phosol ar apeakʼ khaṭaoakʼ reakʼ kuṛạiko joma ar ape do jiwetʼ jonompe santao ocokʼa.

Dosar Biboron 28:29

Kãṛã hoṛ ńutre cetʼ lekae ṭạmḍạu baṛae onkage ape hõ sińrepe ṭạmḍạu baṛaea; ar jãhãnakʼ kạmirege bape jo-bahakʼa. Ape do jaoge santao arpe luṭ ocokʼa; ar ona khon bańcaope lạgitʼ celege bako tahena.

Bikʼcạrko 4:4

Unre Lapidotren oṛakʼ hoṛ Debora do mitʼṭen maejiu nạbiye tahẽkana. Ar unige Israelkoe bicạretʼko tahẽkana.

Exodus 2:23

Ḍher din tayom Misorren raj doe gocʼena. Ar Israelko do golam khaṭao iạte ạḍi ala jhalareko paṛao akan tahẽkana. Noa khon chaḍao ńam lạgitʼ onkoakʼ rakʼ do Isor ṭhen seṭerena.

Bikʼcạrko 6:6

Midiạnrenko do Israelko tulucʼ ạḍi bạṛicʼko beoharetʼ tahẽkana, ar onate onko do Isor ṭhenko rakʼetʼ tahẽkana.

Bikʼcạrko 10:10

Onko do Probhu Isor ṭhen rakʼateko menkeda, “Aleren Isor bạgikate sạrige ale do am upạrte ạḍile kại akada ente Bakʼal debotale sewawaekan tahẽkana.”