Bikʼcạrko 4:15 - সান্তালী বাইবেল

¹⁵ Barak do tinre onko cetanre jhãpe emkeda unre uni samaṅre Probhu Isor do Sisera ar uniyakʼ sanam rãt gạḍi ar lạṛhại phạdkoe andmandao ocoketʼkoa. Unre Sisera do acʼakʼ rãt bạgikateye dạṛkeda.

Bikʼcạrko 4:15 Referans Kwoze

Josuạ 10:10

Probhu Isor do Israelko samaṅre onkoe andmandao ocoketʼkoa. Onate Probhu Isor do Gibeonre Israelko hotete onkoren ḍher hoṛe gocʼketʼkoa. Beth-Harante rakapʼ calao akan horre Probhu Isor do Israelko hotete onkoe khudạu idiketʼkote Aserka ar Makeda hạbicʼ goṭa hore ńẽtʼ idiketʼkoa.

Ibriko 11:32

Noa khon bạ̃ṛti do ar cetʼ iń lạiya? Gideon, Barak, Samson, Jeptha, Dạud, Sạmuel ar nạbikoakʼ katha galmarao lạgitʼ ińakʼ somoe do bạnukʼa.

2 Rapajko 7:6

Probhu Isor do rãt gạḍi, sadomko, ar maraṅ mitʼ dol lạṛhại phạdkoakʼ sabad Aramrenkoe ańjom ocoketʼkoa. Onate Aramren lạṛhại phạdko do ako akoreko mepenena, “Ńelpe, Israelren raj do abore jhãp em lạgitʼ Hittiren raj ar Misorren rajkine bhaṛa ạguakatʼkinạ.”

Dosar Biboron 7:23

Aperen Probhu Isor do apeye soprotapea onko ạuriko marao utạrokʼ hạbicʼ.

1 Samuel 7:10

Samuel do tinre jeredokʼ samaṅokʼakʼe samaṅetʼ tahẽkana ona jokhecʼ Philisṭiko do Israelko sãote lạṛhại lạgitʼko oḍok hecʼena. Menkhan enhilokʼ Probhu Isor do Philisṭiko upạrteye huḍurkeda. Ar ona iạte onko do botorteko ạulạu cabayena ar Israelko ṭhenko bhagao ocoyena.