Bikʼcạrko 3:7 - সান্তালী বাইবেল

⁷ Ar Israelko do Probhu Isorakʼ mẽtʼre oka bạṛicʼakʼkan onage kạmiko ehopʼena. Onko do akoren Probhu Isorko hiṛińkedete Bakʼal debota ar Asera debi sewawaeko ehopʼena.

Bikʼcạrko 3:7 Referans Kwoze

Exodus 34:13

Onkoakʼ pinḍkope rạputʼ giḍikatakoa, onkoakʼ pujạ reakʼ dhirikope gejertakoa ar onkoko pujạwako Asera khunṭiko hõpe rạputʼ giḍikatakoa.

2 Rapajko 23:6

Uni do Probhu Isorakʼ oṛakʼ khon Asera muṭhạn hataokate Jerusalem bahre Kedron soḍokʼte idikate onakoe atar giḍikada. Ona tayom onako gunḍạkate ona reakʼ dhuṛi do hoṛkoakʼ topa cetanreye chiṭiạukada.

2 Bõsbudạ 33:19

Uniyakʼ koejoṅ reakʼ katha, ar uniyakʼ nehõr joṅte Isorakʼ daya reakʼ katha, uniyakʼ sanam kại ar bepạtiạr reakʼ katha, Isor samaṅre ạuri nindhạnokʼre than boṭkocʼkoe benao ocoletʼ ar Asera muṭhạn ar lakʼ rokʼ akatʼko murtiko reakʼ joto katha do ńeńelkoakʼ puthire olakana.

2 Bõsbudạ 33:3

Uniren apat Hiskiạ do okako than boṭkocʼkoe marao giḍiletʼ onako uni do arhõe jut arokeda. Ona chaḍa uni do Bakʼal debota ńutumte pinḍko ar mitʼṭecʼ Asera khunṭiye benaokeda. Uni do sermaren ipilkoe sewawako kan tahẽkana are ḍobokʼako kan tahẽkana.

2 Bõsbudạ 24:18

Onko do akoren hapṛamkoren Probhu Isorakʼ oṛakʼ bạgikate Asera-muṭhạn ar boṅgako sewawakoko ehopʼena. Onkoakʼ niạ kại iạte Isorakʼ edre do Jihudạ ar Jerusalem cetanre paṛaoena.

2 Bõsbudạ 15:16

Asa raj do acʼren goṛomtetʼ buḍhi Maka do rạni leka tahẽkantae hudạ khone ocokʼkedea, ente uni do hirkhạwạnicʼ Asera muṭhạne benaoleda. Ar Asa do ona muṭhạne makʼ rạputʼketʼte kedron soḍokʼre idikateye atar giḍikada.

2 Rapajko 23:14

Josiạ do sewa reakʼ dhiriko hõe rạputʼ gejerkada ar Asera khunṭiko hoẽ makʼ khanḍa khunḍikada ar ona ṭhạ̃ire uni do manwakoakʼ jaṅkoe ḍạṅkada.

1 Rapajko 18:19

Ńitokʼ am do hoṛ kolkate Israelren sanamko Karmel burure iń ṭhen jarwakom. Ar Isebelakʼ ṭebilre Bakʼal debotaren okoe pon sae mõṛẽgel nạbi ar Aseraren pon sae nạbiko do jom ńu ocokom ar nonḍe ạgukom.”

1 Rapajko 16:33

Uni do mitʼṭecʼ Asera muṭhạn hoe benaokeda ar ona lahare Israelren sanam rapajko Israelren Probhu Isor tinạkʼko bekusi ocolede uni do acʼakʼ kạmi hotete ona khon hõ bạ̃ṛtiye bekusi ocokedea.

Bikʼcạrko 6:25

Ona ńindạge Probhu Isor do Gideone metadea, “Ạpumakʼ ḍaṅgra pal khon uni eae serma umerren dosaricʼ ḍaṅgram hataoea. Ar ona tayom Bakʼal debota ńutumte ạpum okaṭakʼ pinḍ do gaṛ lekan ṭhạ̃ireye benao akatʼ ona rạputʼ gejerme ar ona aṛere okaṭakʼ Asera-muṭhạn menakʼ ona hõ makʼ rạpudme.

Bikʼcạrko 3:12

Israel hoponko do Probhu Isorakʼ mẽtʼre oka bạṛicʼakʼkan onage arhõ kạmiko ehopʼena. Onate Probhu Isor do Israel hoponko upạrte Moabren Eglon raje daṛe ocokedea.

Dosar Biboron 16:21

“Aperen Probhu Isor ńutumte pinḍpe benaore ona pantere sekʼwae lạgitʼ Asera khunṭi reakʼ jãhãn kaṭko alope bitʼjoṅa,

Dosar Biboron 4:9

“Jiwetʼ jonom sontor akae tahenpe ar ape cetanre nojor dohoype jemon mẽtʼte okape ńelakatʼ ona alope hiṛiń ar apeakʼ ontor khon alope meṭao ocoy. Noako ape do aperen hoponko ar goṛom gidrạkope cetʼakoa.

2 Bõsbudạ 34:3

Uniyakʼ rajokʼ irạlakʼ bochorre uniyakʼ umer komge tahẽkanre hõ uniren hapṛam Dạudren Isorakʼ sana leka calakʼ reaṅgeye mone murukkeda. Uniye rajokʼ gelbar bochor oktere uni do than boṭkocʼko, Asera muṭhạnko, lakʼ rokʼ murtiko ar dul benao murhutʼko Jerusalem ar Jihudạ khone sạṅgińketʼkoa.

Bikʼcạrko 3:8

Ona iạte Probhu Isor do Israelko cetanreye edre seṅgelena ar Aram-Nahrayimren raj Kusan-Risithayimakʼ tire onkoe jimạketʼkoa. Ar onko do irạl bochor uni tabereko tahẽyena.

Bikʼcạrko 8:34

Okoe do beṛhaeten bạirikoakʼ ti khone rukhiyạletʼko onkoren uni Probhu Isor doko hiṛińkedea.

1 Samuel 12:9

Menkhan onko do Probhu Isorko hiṛińkedea. Onatege uni do golam hoyokʼ lạgitʼ Hasorren senaputi Siserawakʼ tire, Philisṭikoakʼ tire, ar Moab disạmren rajkoakʼ tire onkoe jimạkatʼkoa. Onko do aperen hapṛamko sãoteko lạṛhạiyena.

1 Samuel 12:10

Unre aperen hapṛam do Probhu Isor ṭhen rakʼketʼteko menkeda, ‘ale dole kại akada; ale do Probhu Isor bạgikate Bakʼal ar Astoretle pujạ akawatʼkinạ; ńitokʼ bạirikoakʼ ti khon baṛe rukhiyạleme, ar ale do amgele sewawama.’

Sereńko 106:7

Misorre tahen jokhecʼ aleren hapṛamko do amakʼ hahaṛa kạmi ńelte cetʼge bako bujhạuleda; onko do amakʼ asambheṛ dulạṛ reakʼ katha hõ bako disạ doholeda; onko do jalapuri aṛere, arakʼ jalapuri ṭhenko ṭhokkeda.

Jirimiạ 23:27

Onko doko hudiseda akoren hapṛamko cetʼleka Bakʼal debotako sewawade tahẽkante ińko hiṛińledeń onkage akoakʼ kukmũ reakʼ katha sanam ṭhenko roṛte ińren hoṛko ińakʼ ńutumko hiṛiń ocokoa.

Dosar Biboron 8:11

Sontor akae tahenpe teheń uniyakʼ okako hukum ar niạmkoń emapekan onako bebatao iạte aperen Isor do alope hiṛińea.

Dosar Biboron 8:14

Unre ape do bạḍại iạtepe phulạukʼa ar golam oṛakʼ khon okoeye oḍok ạgu akatʼpe uni aperen Isorpe hiṛińea.

Dosar Biboron 8:18

Menkhan aperen Probhu Isorakʼ katha do alope hiṛińa; unige niạko hoyocoe reakʼ daṛeye emakatʼpea, ar nonkage uni do aperen hapṛamko ṭhen oka bondobos reakʼ katha kiriạkateye menletʼ ona do ńitokʼe purạu lạgidokʼ kana.

Bikʼcạrko 8:33

Gideonakʼ gujukʼ tayom Israelko do arhõ Probhu Isor bạgikate Bakʼal debota sewawaeko ehopʼena. Onko do Bakʼal-Beritge akoren debota menteko dohowana.

Sereńko 106:35

bickom onko jạtrenko sãoteko mesalena ar onkoakʼ ạri cạliko hataoana.

Sereńko 106:36

Onkoren murtikoko sewawatʼkoa ar onko do akoren jhampako hoyena.