Bikʼcạrko 3:4 - সান্তালী বাইবেল

⁴ Probhu Isor do Mose hotete onkoren hapṛamko okae hukumatʼko tahẽkan ona do Israel hoponkoko manao idiya se baṅa ona biḍạu ạtkarko lạgitʼ iạtege noko jạtrenkoe doholetʼkoa.

Bikʼcạrko 3:4 Referans Kwoze

1 Korinthiko 11:19

Ente ape talare dola duli do tahengea, jemon Isor samaṅre ape modre biḍạukʼ ṭarhaokʼkoko sodorokʼ.

Bikʼcạrko 3:1

Okoe Israelko Kanan disạmre lạṛhại reakʼ cetʼge bako baḍaekan tahẽkan onko biḍạu aṭkarko lạgitʼ Probhu Isor do adom adom jạtrenko disạm talaregeye dohokatʼkoa.

Bikʼcạrko 2:22

Ar akoren hapṛamko leka ińakʼ horteko calakʼa se baṅa ona do noko jạtrenko hoteteń biḍạukoa.”

Dosar Biboron 33:8

Liwi reaṅ uni doe menkeda, “Amakʼ Thumim do Lewi emaeme, ar amakʼ Urim do amren dhoromicʼ, one uni Masa ṭhenem bulạulede, one uni tulucʼ Meriba dakʼ ṭhenem reṭepeṭelen.

Dosar Biboron 8:2

Disạipe, aperen Probhu Isor do pongel bochor hạbicʼ hahaṅkarreye dãṛã ạyur ocoketʼpea mente. Apeakʼ bạḍạiko rạpudtape lạgitʼ ar monre menakʼtapeakʼ, metakʼme uniyakʼ hukumkope manaoa se baṅa, ona biḍạu aṭkarpe lạgitʼ uni do noae kạmi akada.

Exodus 15:25

Noa katha ańjomkate Mose do Probhu Isor ṭhene rakʼkeda. Uni do Mose mitʼṭen dareye udukʼadea. Mose do dakʼre ona dareye topoketʼ khan dakʼ do ńũi lek hoyena. Probhu Isor do onḍe biḍạureye paṛaoketʼkote onko lạgitʼ mitʼṭecʼ niạm ar ạne bandhaokeda.