Bikʼcạrko 3:31 - সান্তালী বাইবেল

³¹ Ehud tayom do Anatren hopon Samgar onkoren raje hoyena. Uni do ḍaṅgra gupi ṭheṅgate Philisṭikoren turui sae hoṛe gocʼketʼkoa. Uni hõ Israelkoe rukhiyạletʼkoa.

Bikʼcạrko 3:31 Referans Kwoze

Bikʼcạrko 5:6

Anatren hopon Samgar ar Jayel bidạlre hortenko do sodor ḍahar bạgikate ạcur bihur horko pańjakeda.

1 Korinthiko 1:17

Mạsi do bạptisko lạgitʼ bae kol akadińa menkhan bhage sombat porcar lạgitʼgeye kol akadińạ. Ona bhage sombat do akel reakʼ kathate porcar do bae kol akadińạ, jemon Jisu Mạsiyakʼ kurus alo ạuṛiyagokʼtae.

1 Samuel 17:50

Unre Dạud do ńir senkate uni Philisṭi hoṛakʼ tarwaṛe bocʼkate uniye gocʼkedea ar uniyakʼ bohokʼe makʼ kuṭrạketʼtaea. Nonkate Dạud do eken ginḍwạri ar mitʼṭecʼ dhirite uni Philisṭiye bhagaokedea. Uniyakʼ tire jãhãn tarwaṛe baṅ tahẽkanre hõ uni do Philisṭi hoṛe ńẽtʼkedea are gocʼkedea. Philisṭiko tinreko ńelkeda akoren birbão hoṛe gocʼena unre onko do dạdạṛko ehopʼena.

1 Samuel 17:47

Ar tinạkʼ hoṛ nonḍe menakʼko onko hõko baḍae daṛeakʼa, tarwaṛe se borlomte Probhu Isor do bae bańcaoa, ente niạ lạṛhại do Probhu Isorakʼ kangea; ar uni do aleakʼ tireye jimạpea.”

Bikʼcạrko 15:15

Unre uni do gadhawakʼ berel jambeye hataokeda ar onate mitʼ hajar hoṛe gocʼketʼkoa.

Bikʼcạrko 5:8

Onko do nãwã isorko secʼ monko lawerketʼtakoa Ar onkoakʼ phaṭok duạr ṭhen lạṛhại hoyena. Unre pongel hajar Israelkoakʼ tire mitʼṭecʼ ḍhal hõ baṅ tahẽkana, ar mitʼṭecʼ borlom hõ baṅ tahẽkana.

Bikʼcạrko 2:16

Unre Probhu Isor do onko talare disạm cakʼlaokoe teṅgoyetʼko tahẽkana. Onko do luluṭko reakʼ ti khon Israelkoko rukhiyạyetʼko tahẽkana,

1 Samuel 4:1

Samuel okae menetʼ tahẽkan ona do sanam Israelko ṭhen seṭerokʼkan tahẽkana. Mitʼ dhao Israelko do Philisṭiko upạrte lạṛhại lạgitʼko oḍok calaoena. Ar Ebeneserreko ḍerayena ar Philisṭiko do Aprere.

Bikʼcạrko 10:17

Inạ tayom Amonrenko do riạu mitʼkate lạṛhại calakʼ lạgitʼ Gileadre senkateko ḍerayena. Ona iạte Israelko hõko oḍokente Mispare senkateko ḍerayena.

Bikʼcạrko 10:7

Ona iạte uni do onko cetanre edrete pit caṛhaoadea ar Philisṭiko ar Amonrenkoakʼ tireye jimạkatʼkoa.

Bikʼcạrko 4:1

Ehude gocʼen tayom Israelko do arhõ Probhu Isorakʼ mẽtʼre oka bạṛicʼakʼ kan onage kạmiko dhurạuena.

Bikʼcạrko 3:30

Ar enhilokʼ Moab disạm do Israelkoakʼ hatre hecʼena, ar irạlgel bochor hạbicʼ disạmre suluk tahẽyena.

1 Samuel 12:9

Menkhan onko do Probhu Isorko hiṛińkedea. Onatege uni do golam hoyokʼ lạgitʼ Hasorren senaputi Siserawakʼ tire, Philisṭikoakʼ tire, ar Moab disạmren rajkoakʼ tire onkoe jimạkatʼkoa. Onko do aperen hapṛamko sãoteko lạṛhạiyena.

Bikʼcạrko 10:11

Probhu Isor do Israelkoe roṛ ruạṛatʼkoa, “Misriko, Amoriko, Amonrenko ar Philisṭikoakʼ ti khon iń do cetʼ bạń bańcaoletʼpea?