Bikʼcạrko 3:26 - সান্তালী বাইবেল

²⁶ Kạmiyạkoko koyokʼ hor akatʼ oktere Ehud doe ńir pharakente rokʼ akatʼ dhiriko paromkate Seyirateye seṭerena.

Bikʼcạrko 3:26 Referans Kwoze

Bikʼcạrko 3:25

Onko do ḍher ghạṛicʼko koyokʼ horkeda, menkhan enhõ duạr bae jhicʼetʼte onko do lajao dea giḍikate choṛan ạgukate duạrko jhicʼkeda. Arko jhicʼketʼ khan onkoren mạlik do gocʼge otre bhindạṛ akanko ńelkedea.

Bikʼcạrko 3:27

Onḍe Ephrayim reakʼ buru ṭoṭhare sakwae oroṅketʼ khan Israelko do uni sãote buru khon latarteko pheḍ hecʼente uniko pańja idikedea,

2 Samuel 4:6

Unkin do guhum hatao bhankate oṛakʼ bhitritekin boloyena. Unre Isboset do acʼakʼ giticʼ oṛakʼ reakʼ khaṭ cetanreye giticʼ jirạu joṅkan tahẽkana. Rekab ar Bana do uniyakʼ oṛakʼre bolokate lacʼkin bhoskaoketʼtaea arkin gocʼkedea, ar ona tayom do uniyakʼ bohokʼkin kuṭrạketʼte onḍe khonkin dạṛkeda. Unkin do goṭa ńindạ Araba reakʼ horte taṛamate Hebronte Dạud ṭhenkin idikeda. Arkin metadea, “Amren bạiri Sạul, okoe do amakʼ jiwi hatao reakʼe kurumuṭiyetʼ tahẽkan, uniren hopon Isbosetakʼ bohokʼ do nõkʼõe liń ạguakada. Teheń Probhu Isor do aboren mạlik maharaj secʼte Sạul ar uniren hopon cetanreye halakeda.”

2 Rapajko 9:10

Isebel do Jisriyelre setako jomea, uni do okoege bako topakaea.’ ” Niạ menkate uni nạbi do duạr jhicʼketʼteye ńir oḍokena.