Bikʼcạrko 3:16 - সান্তালী বাইবেল

¹⁶ Uni do banar secʼ dharanakʼ mitʼ moka jeleń mitʼṭecʼ chorae benao ocokeda ar acʼakʼ kicricʼ latarre jojomsa bulureye bedhaoana.

Bikʼcạrko 3:16 Referans Kwoze

Johan sodor 2:12

“Pergamom nagraha reakʼ manḍerren goḍet ṭhen noa katha olme. Okaṭakʼ laser tarwaṛe banar secʼ dhar menakʼ ona ạidạrige noa kathae meneda:

Johan sodor 1:16

Uni do acʼakʼ jojom tite eae goṭecʼ ipile sapʼ akatʼko tahẽkana ar moca khon do banarsa dharanakʼ mitʼṭecʼ laser tarwaṛe oḍokokʼkantae tahẽkana. Uniyakʼ mẽtãhã do tạpiste jolokʼkan siń cando leka jhak jhakaokʼkan tahẽkana.

Ibriko 4:12

Isorakʼ katha do jiwetʼgea ar jojaoakʼ kangea ar dene banar dharanakʼ tarwaṛe khon hõ bạ̃ṛti lasergea. Noa katha do manwa jiwi ar jiu, uṭi ar tumul hạṭiń begar hạbicʼ hõ sobokʼakʼ kana ar manwa ontor reakʼ sanam monejoṅakʼ ar hudisko biḍạu aṭkarakʼ kana.

Soros sereń 3:8

Onko jotoko ṭhen do tarwaṛe menakʼa, ar lạṛhạire jotogeko gạkhuṛgea; onko do ḍanḍare tarwaṛeko tolakada ar ńindạ reakʼ muhin iạte sapṛao menakʼkoa.

Sereńko 149:6

Onkoakʼ mocare Isorakʼ sarhao sereń baṛe tahenma ar tire do banar secʼ dharanakʼ tarwaṛege,

Sereńko 45:3

E birbanṭa, amakʼ ḍanḍare tarwaṛe toltam; ṭhonok ar mante sajaokʼme.

Bikʼcạrko 3:21

ar Ehud do leṅga tite acʼakʼ bulu khon chora or oḍokkate rajakʼ lacʼe bhoskaoketʼtaea.

Bikʼcạrko 3:15

Inạ tayom Israelko do arhõ Probhu Isor ṭhenko rakʼkeda ar uni do onko lạgitʼ Ehud ńutuman mitʼṭen babańcaoicʼe teṅgowatʼkoa. Uni doe tahẽkana Benjạmin gusṭiren Gera hopon. Uni do leṅgṛageye tahẽkana. Ar Israelko do Moabren raj Eglon ṭhen raj bheja emokʼ lạgitʼko kolkedea.

Bikʼcạrko 3:17

Ar senkate Moabren raj Eglon do bhejae emadea. Menkhan Eglon raj do moṭa hoṛe tahẽkana.

2 Samuel 20:8

Onko do Gibeonre menakʼ maraṅ dhiri ṭhenko seṭeren khan Amasae sãoteko ńapamena. Joab do unre lạṛhại phạdkoakʼ kicricʼe horokʼ akatʼ tahẽkana ar ḍanḍa paṭheakʼ khapre hõ tarwaṛe tahẽkantaea. Uni do tohotʼ gurokʼ hoṛ leka laha secʼe sen idiyen khan khap khon tarwaṛe do otre ńurentaea.