Bikʼcạrko 3:12 - সান্তালী বাইবেল

¹² Israel hoponko do Probhu Isorakʼ mẽtʼre oka bạṛicʼakʼkan onage arhõ kạmiko ehopʼena. Onate Probhu Isor do Israel hoponko upạrte Moabren Eglon raje daṛe ocokedea.

Bikʼcạrko 3:12 Referans Kwoze

1 Samuel 12:9

Menkhan onko do Probhu Isorko hiṛińkedea. Onatege uni do golam hoyokʼ lạgitʼ Hasorren senaputi Siserawakʼ tire, Philisṭikoakʼ tire, ar Moab disạmren rajkoakʼ tire onkoe jimạkatʼkoa. Onko do aperen hapṛamko sãoteko lạṛhạiyena.

Bikʼcạrko 2:19

Menkhan disạm cakʼlaokoko gocʼlen khan hoṛko do arhõ debota secʼko lawerokʼkan tahẽkana arko sewawako kan tahẽkana ar hapṛamko khon hõ bạṛicʼakʼ horteko taṛametʼ tahẽkana. Onko do okalekate hõ bạṛicʼakʼ hor ar bạṛicʼ hewa bako bạgiyakʼkan tahẽkana.

Johan 19:11

Jisui roṛ ruạṛkeda, “Coṭ khon ektiạri baṅ emam khan iń cetanre jãhãn ektiạrige oho tahẽlentama.” Onate okoe amakʼ tireye soprot akadiń uniyakʼ kại do ḍhergetaea.”

Hosea 6:4

Probhu Isore meneda, “E Ephrayim, am do cetʼ iń cekawama? E Jihudạ, am hõ cetʼ iń cekawama? Amakʼ pạtiạr do setakʼ reakʼ kuṛhạ leka, aṅga marsalokʼ reakʼ sisir leka oka do usạrate chanokʼkan.

Daniel 5:18

E Maharaj, maraṅ Isor do am baba, metakʼme Nebukadnesar do rajosṭi, ar ṭhonoke emade tahẽkana.

Daniel 4:22

E maharaj, am kangeam ona dare do. Am do maraṅ ar daṛeanem hoyakana; amakʼ daṛe do ḍher akante serma hạbicʼem tiyokʼ akada ar amakʼ rajosṭi do dhạrti reakʼ ses simạna hạbicʼ seṭer akana.

Jeheskel 38:16

Am do rimil leka disạmem dapal eseda ar ińren hoṛ Israelko upạrtem rakapʼ hijukʼa. E Gog, mucạtʼre ińakʼ disạm upạrte amiń ạgumea. Unre iń do jạt jạtrenkoakʼ mẽtʼãhã samaṅre iń apnartetʼ do am hotete sonot menteń udugokʼa jemon onko do ińko baḍae daṛeạń.

Jesaea 37:26

Am do cetʼ bam ańjomakada, ḍher din laha khonge ona doń niṭakatʼ tahẽkana, ar ḍher din laharege ona reakʼ iń goṭa akatʼ tahẽkana mente? Ńitokʼ do onań hoyocokeda. Onatege pạcrite esetʼ nagrahako do dhiri puńjirem hoyocoakada.

Jesaea 10:15

Ṭeṅgocʼ do cetʼ mamakʼicʼ cetanreye rakapʼ kana se korat do cetʼ kaṭ mistiri samaṅreye bạḍại daṛeakʼa? Ona do baṅ hoedaṛeakʼa. Ṭheṅga do ekʼpelicʼ bae ghiriạ daṛeaea ar ladhna hõ ladhna sasapʼicʼ do bae epel daṛeaea.

2 Rapajko 5:1

Naman do Aram rajren lạṛhại phạdkoren subedare tahẽkana. Uniren mạlik samaṅre uni do mitʼṭen maraṅ ar manotanicʼ hoṛe tahẽkana, ente Probhu Isor do uni hotetege Arame jitạu ocoleda. Uni do mitʼṭen birbanṭa hoṛe tahẽkana, menkhan uniyakʼ hoṛmore do murhucʼ jom rog tahẽkantaea.

Bikʼcạrko 2:14

Ona iạte Probhu Isor do Israelko luluṭkoakʼ tireye jimạyetʼko tahẽkana. Onko do onkoakʼ jiniskoko luṭetʼ tahẽkana. Uni do onkoren beṛhaeten bạiriakʼ tireye jimạyetʼko tahẽkana, ar onate bạiriko upạrte bako teṅgo daṛeakʼkan tahẽkana.

Bikʼcạrko 2:11

Ar Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana. Onko do Bakʼal debotako sewawae kan tahẽkana.

Exodus 9:16

Menkhan am do jiwetʼ iń dohomea jemon ińakʼ daṛeń udukʼ daṛeam ar goṭa dhạrtire ińakʼ ńutum lại pasnaokʼtiń.

Bikʼcạrko 3:11

Kenas hopon Othniyelakʼ gujukʼ hạbicʼ disạmre pon gel bochor suluk tahẽkana.