Bikʼcạrko 3:10 - সান্তালী বাইবেল

¹⁰ Probhu Isorren Jiu do uni cetanreye hecʼena ar uni do Israelkoren raje hoyena. Uni do tinre lạṛhại lạgitʼe oḍok senena unre Probhu Isor Aramren raj Kusan-Risithayim do uniyakʼ tireye jimạkedea, ar onate uni doe bhagaokedea.

Bikʼcạrko 3:10 Referans Kwoze

1 Samuel 11:6

Hoṛkoakʼ kathae ańjomketʼ khan Isorren Jiu do Sạul cetanreye hecʼena, ar edrete uni doe seṅgelena.

Bikʼcạrko 14:19

Inạ tayom Probhu Isorren jiu do purạ daṛete Samson cetanreye hecʼena. Ar uni do Askilonte senkate onḍenko pe gel hoṛe gocʼketʼkoa ar onkoakʼ jotowakʼe luṭketʼtakoa ar onkoakʼ kicricʼ ạgukate okoe acʼakʼ kudum reakʼ manetetʼko lạiletʼ onkoe ematʼkoa. Ona tayom uni do edrete acʼren apatakʼ oṛakʼteye calaoena.

Bikʼcạrko 14:6

Unre Probhu Isorren jiu do uni cetanreye decʼena, ar onate eken tite merom hopon leka uni dhạcri kule or cirạkedea. Menkhan okae cekaketʼ ona do acʼren eṅgat apat hõ bae baḍae ocoletʼkinạ.

Bikʼcạrko 13:25

Samson do tinre Sora ar Estaol tala reakʼ Mahan-dan ńutumanakʼ mitʼṭecʼ jaegareye tahẽkana unre Probhu Isorren Jiu do uniye uskurkedea.

Bikʼcạrko 11:29

Unre Probhu Isorren Jiu do Jiptha cetanreye hecʼena. Onate Jiptha do Gilead ar Manase ṭoṭha talate senkate Gilead reakʼ Mispateye calaoena ar onḍe khon Amonrenko birudteye laha idiyena.

Bikʼcạrko 6:34

Unre Probhu Isorren Jiu do Gideone daṛe ocokedea. Ar Gideon do sakwae oroṅkeda ar Abieser gusṭirenko acʼ ṭhen hecʼkateko jarwayena.

2 Bõsbudạ 15:1

Isorren jiu do Obedren hopon Asariạ cetanreye decʼena.

Numeri 24:2

Uni doe ńelkeda, Israelko do akoakʼ khũṭ lekageko ḍera akana. Unre Isorren Jiu do uni cetanreye hecʼena,

Ibriko 6:4

ente mitʼ dhao marsal ńelakatʼko do, serma dan reakʼ sebel ar sonot Jiuakʼ elaṅko ńamakada,

Sereńko 51:11

Am samaṅ khon alom pharak giḍikạńạ; iń khon amren sonot Jiu do alom idiyea.

2 Bõsbudạ 20:14

Unre onko modren Jahasiyel ńutuman Asaph bõsren mitʼṭen Liwi cetanre Probhu Isorren jiu doe decʼena. Jahasiyel do Sekariạren hopone tahẽkana, Sekariạ do Benayaren hopone tahẽkana, Benaya do Jaiyelren hopone tahẽkana ar Jaiyel do Mataniạren hopone tahẽkana.

1 Samuel 16:13

Unre Sạmuel do dereń reakʼ sunumante uniren boehako talareye ojokʼkedea. Ar enhilokʼ khon Probhu Isorren Jiu do Dạud cetanreye hecʼena. Inạ tayom Sạmuel do Ramoteye ruạṛ senena.

1 Samuel 10:6

Unre Probhu Isor do acʼren jiuteye sarbharaomea, ar onate amhõ onko sãote nạbi leka katham roṛa. Ar eṭakʼ lekan hoṛem hoyokʼa.

Numeri 27:18

Probhu Isor do Moseye roṛ ruạṛadea, “Nunren hopon Josuạre Isorren Jiu menaea. Am do ạguyem ar uni cetanre amakʼ ti capoetam.

Numeri 11:29

Moseye roṛ ruạṛkeda, “Ińakʼ manotge am ṭhen do maraṅena? Ińiń khojogokʼakʼ do noage Probhu Isorren sanam hoṛge jemon nạbiko hoyokʼ ar Probhu Isor do acʼren Jiu onko cetanreye emokʼ.”

Numeri 11:25

Unre Probhu Isor do ona rimilreye pheḍ hecʼente Mose sãoteye galmaraokeda. Ar Mose cetanre okoe Jiue tahekan uni do onko eaegel murubbiko cetanre hõe emena. Ar tinre uni Jiu onkoreye hecʼena unre onko do thoṛa ghạṛicʼ lạgitʼ nạbi lekate kathako roṛkeda.

Numeri 11:17

Iń do onḍeń pheḍ hijukʼa ar am tulucʼ iń galmaraoa. Am cetanre okoe Jiu menae uni do onko cetanre hoń emokʼa. Hoṛkoakʼ bojha gog lạgitʼ onkoge amren gokʼṛokoko hoyokʼa. Onate am eskar bojha gogokʼ do baṅ lagaoama.

Bikʼcạrko 3:8

Ona iạte Probhu Isor do Israelko cetanreye edre seṅgelena ar Aram-Nahrayimren raj Kusan-Risithayimakʼ tire onkoe jimạketʼkoa. Ar onko do irạl bochor uni tabereko tahẽyena.

Bikʼcạrko 3:11

Kenas hopon Othniyelakʼ gujukʼ hạbicʼ disạmre pon gel bochor suluk tahẽkana.

1 Bõsbudạ 12:18

Okoe do tayomte “Pegel” dolkoren mukhiyại hoylen uni Amasae cetanre Probhu Isorren Jiu doe hecʼena. Ar unre uni doe menkeda, “E Dạud, ale do amren kangeale! E Jisạiren hopon, Ale do am secʼrege menakʼlea. Bhạlại hoyokʼtam ma, amakʼ bhạlạige baṛe hoyokʼma, onkoakʼ bhạlại hõ hoyokʼtakoma, okoe do amko goṛowam kan, ente amren Isor do ame goṛowam kana.” Unre Dạud do onkoe ataṅketʼkote acʼren bạiriko cetanren mukhiyạkoe benaoketʼkoa.”

Bikʼcạrko 11:32

Inạ tayom Jiptha do Amonrenko sãote lạṛhại lạgitʼe oḍok senena ar Probhu Isor do uniyakʼ tire Amonrenkoe soprotʼketʼkoa.

Bikʼcạrko 15:14

Uni do tinre Lehi ṭhene seṭerena unre Philisṭiko do hohowate uni secʼ hijukʼko ehopʼena. Unre Probhu Isorren goḍet do purạ daṛete uni cetanreye hecʼena. Onate uniyakʼ ti reakʼ baberko do lo busupʼ leka hoyena ar uniyakʼ ti do raṛayentaea.

1 Samuel 10:10

Sạul ar uniren guti do Gibeate kin seṭeren khan mitʼ dol nạbiko sãotekin ńapamena. Unre Isorren Jiu do Sạule sarbharao ocokedea, ar uni do nạbiko talare senkate Isorakʼ katha lạlạiye ehopʼena.