Bikʼcạrko 21:4 - সান্তালী বাইবেল

⁴ Dosar hilokʼ ạḍire hoṛko do mitʼṭecʼ pinḍko benaokeda ar jeredokʼ samaṅokʼakʼ ar sulukren samaṅokʼakʼko samaṅkeda.

Bikʼcạrko 21:4 Referans Kwoze

2 Samuel 24:25

Ona tayom do Probhu Isor ńutumte onḍe mitʼṭecʼ pinḍe benaokeda ar jeredokʼ samaṅokʼakʼ ar sulukren dãṛẽkoe samaṅketʼkoa. Nonkate disạm lạgitʼ koejoṅ hoyen khan Probhu Isor doe ańjomketʼtakoa ar Israel disạmre mahamạri hõ thirena.

Ibriko 13:10

Aboakʼ do mitʼṭecʼ pinḍ menakʼa ar okoe Israelkoakʼ ona sewa tạmbureko kạmikan, onko do aboakʼ pinḍ cetanre samaṅ akatʼ jãhãnakʼge jojom reakʼ ạidạri bạnukʼtakoa.

Hosea 5:15

Ar tin hạbicʼ onko do akoakʼ dos bako aṅgoc ar iń secʼ bako moneyakʼ unhạbicʼ iń do ińakʼ jaegate ruạṛ senkate onḍeń tahena. Onkoakʼ duk kosṭore onko do gagoj salakʼ iń ṭhenko ruạṛ hijukʼa.”

1 Rapajko 8:64

Ar Solomon do enhilokʼge Probhu Isorakʼ oṛakʼ reakʼ samaṅ senakʼ raca reakʼ tala hĩs do Probhu Isor ńutumteye begar dohokeda ar onḍe uni do jeredokʼ samaṅokʼakʼ reakʼ porobe porobena ar sulukren samaṅokʼakʼ reakʼ itile samaṅkeda, ente pitạl reakʼ okaṭakʼ pinḍe benaoletʼ tahẽkan ona do jeredokʼ samaṅokʼakʼ ar anaj samaṅokʼakʼ ar itil samaṅokʼakʼ lạgitʼ do huḍińge tahẽkana.

2 Samuel 24:18

Enhilokʼ Gad do Dạud ṭhen senkateye metadea, “Am do Jebusiạren Arownakʼ khạrạite senkate Probhu Isor ńutumte onḍe mitʼṭecʼ pinḍ benaome.”

Bikʼcạrko 6:26

Ona tayom ona jaega cetanre amren Isor Probhu Isor ńutumte mitʼṭen mońj okocʼ pinḍ benaome. Ar ona tayom onem makʼ giḍiakatʼ Asera muṭhạn reakʼ kaṭte dosaricʼ ḍaṅgrate mitʼṭecʼ jeredokʼ samaṅokʼakʼ samaṅme.”

Dosar Biboron 12:5

Menkhan aperen Probhu Isor do apnar sodorokʼ lạgitʼ aperen gusṭiko emakʼ jaega khon okaṭakʼ ṭhạ̃i acʼ lạgitʼe bachao joṅ onḍege sewawae lạgitʼ calakʼpe.

1 Samuel 7:17

Ar ona tayom uni do acʼakʼ oṛakʼ Ramateye ruạṛ calakʼkan tahẽkana. Uni do onḍe hõ Israelkoe bicạretʼko tahẽkana. Ar Probhu Isor ńutumte onḍe mitʼṭecʼ pinḍe benaoletʼ tahẽkana.

Bikʼcạrko 6:24

Unre Gideon do Probhu Isor ńutumte onḍe mitʼṭecʼ pinḍe benaoketʼte ona reakʼ ńutum do Jehowa-Shalome dohokeda (mane do “Probhu Isorge suluktetʼ”). Ar ona pinḍ do teheń hạbicʼ Abieser gusṭikoakʼ Ophrare menakʼa.

Bikʼcạrko 20:26

Unre Israelren sanam hoṛ do arhõ Bethelte senkate Probhu Isor samaṅre duṛupʼkate rarakʼko ehopʼena. Enhilokʼ onko do ạyupʼ hạbicʼko upạskeda ar Probhu Isor ńutumte jeredokʼ ar sulukren samaṅokʼakʼko samaṅkeda.